Kampionato 2022 di Beisbòl organisá pa FEBEKO ta dediká na Kenneth Gijsbertha i CV impreshonante
WILLEMSTAD - Kampionato 2022 di Beisbòl organisá pa FEBEKO ta dediká na Kenneth Gijsbertha ku no mester di introdukshon den Beisbòl lokal, di Antia i di Reino.
Djasabra 4 di yüni tabatin apertura di kampionato di Beisbòl Dòbel A i a duna honor na Kenneth durante e apertura ofishal.
Nos tin e CV kompletu i impreshonante di Kenneth Gijsbertha.
BIOGRAFIA DEPORTIVO (BEISBOL)
KENNETH GIJSBERTHA, Mihó konosi komo "KÈNÈNÈ"
Ramo di deporte: Beisbòl, Fùtbol i Sòftbòl
Kategoria: Deportista, Dirigente Tekniko, Dirigente Administrativo.
INTRODUKSHON:
Kenneth Gijsbertha, mihó konosí komo Kènènè of Palù Keneis a nasé dia 8 Maart 1953 na Kòrsou. Ela bai skol basiko Sint Laurentiusschool na Buena Vista, despues MULO na Sint Ignatius College i termina HAVO na MIL (Maria Immaculata Lyceum).
Kènènè tabata miembro di Konseho Insular (1996 – 2001), Minister di Trafiko i Komunikashon (2006), Gezaghebber interino (2002-2004 i 2010), Minister di Financien i Deporte (2016), Minister di Financien (2017 – 2021). Kènènè a praktika e deportenan di beisbòl, futbòl i sòftbòl. Despues Kènènè a bira dirigente tekniko i dirigente administrativo.
A. Beisbòl:
1. Karera komo deportista:
Kènènè" a kuminsa hunga beisbòl organisa ku 10 aña bou di direkshon di Frank Curiel i a hunga den tur kategoria di beisbòl na Kòrsou. Kènènè tabata un hungado hoben ku a subi ku apenas 16 aña di edat den e divishon maksimo di nos beisbòl, ku e ekipo di Sta. Maria Pirates. Ela kuminsa hunga den infield (shortstop/segunda base) i despues outfielder. Kènènè tabata tremendo den defensa i ku super bon speed. Ela hunga te ku aña 1981 den Sta. Maria Pirates AA. Komo hungado e no a bira Kampion.
2. Karera komo manager:
Den Sta. Maria Pirates:
Kènènè a kuminsa na aña 1978 komo coach di e ekipo hubenil "Winston" Santa Maria Pirates i despues na aña 1979 komo menedjer. Ku e ekipo hubenil "Winston" ela titula Kampion di Kòrsou i Antia na 1978, 1979 i 1980. Na aña 1981 Winstron Santa Maria a sali supkampion. Alabes Kampion hubenil di tur torneo organisa den temporada 1978-1980.
Na aña 1981 Kènènè a bira manager di Santa Maria Pirates AA pa 1 temporada.
Den ALPHA ZELBO:
Na aña 1982 Kènènè a bira menedjer di e ekipo di Capi di Tuti Capi ALPHA ZELBO. Awel tabata un dream team ku ela maneha na añanan 1982, 1983, 1984 i bira 3 aña sigui Kampion di Kòrsou i na aña 1983 Kampion di Antia. Na aña 1983 Kènènè a partisipa den e trainingscamp di MLB Montreal Expos komo asistente tekniko.
Den Sta. Maria Pirates/Walle Construction:
Despues na aña 1985 Kènènè a bai su ekipo Sta. Maria Pirates/Walle Construction bek i bira nan menedjer. Ela dirigi nan di 1985 te ku 1992 i hasi Sta. Maria Pirates pa promé biaha Kampion di beisbòl AA di Kòrsou na aña 1989 i despues Kampion na aña 1991. Ela bira bira Kampion ku e ekipo di Klase tambe na aña 1998. Na añanan 1990, 1991 i 1992 Kènènè komo menedjer di Sta. Maria Pirates reforsa a partisipa den e torneonan di Campeon de los Campeones na memoria di Jose Antonio Huelga na Cuba, WPT-Rotterdam i Campeon de Campeones na Mexico. Den e torneo Campeon de los Campeones 1990 na memoria di Jose Antonio Welga, Sta. Maria a titula Sup Kampion (Medaya di Plata) perdiendo kontra e fuerte ekipo di Cuba den final.
Ku Selekshon Antia:
Na aña 1979 Kènènè tabata enkarga ku e pre-Selekshon di beisbòl hubenil di Antia Hulandes, enkonekshon ku e Weganan di Reino. Tabata apertura di nos Sentro Deportivo Kòrsou.
Ela fungi komo coach/menedjer tambe di diferente Selekshon e.o.:
- 1979 Apertura di SDK, menedjer di Selekshon Hubenil beisból di Antia Hulandes, ku a gana Weganan di Reino na Kòrsou;
- 1981 Menedjer di Selekshon Kòrsou hoben di AA ku partisipa den Torneo Internashonal preparatorio Centro Americano y del Caribe na Puerto La Cruz, Venezuela, kaminda Kòrsou bira Sup Kampion;
- 1984 Coach di selekshon di Korsou
- 1988 Trainer/Coach di Selekshon Antia Hulandes di beisbòl den Haarlemse Honkbalweek na Hulanda i den Kampionato Mundial na Italia;
- 1990 Menedjer di Selekshon Antia den Weganan C.A.C. (Centro Amerikano i del Caribe) na Mexico.
- 1992 Manager di selekshon di Korsou
Despues pa varios aña mas Kènènè a fungi komo coach i menedjer di Selekshon di Kòrsou i Antia.
3. Karera komo dirigente administrativo:
Kènènè a okupa diferente puesto administrativo den deporte e.o.:
- 30 aña komo presidente di Sta. Maria Pirates.
- Presidente di FEBEKO.
- Presidente di NABAFE.
- Miembro direktiva i vise-Presidente di VESTA.
- Presidente Vernon Isabella Tournament.
- Sekretario General di COCABE.
- Vise-Presidente Plataforma di deporte Santa Maria (KDSM).
- Co-fundado/miembro direktiva Fundashon Hubentut Santa Maria.
- Presidente Stichting Sportterreinen Heintje Kool.
- Presidente proyekto “Ami, mi mes i mi logronan”/AJB.
Logronan ku team den beisbòl
(komo dirigente tekniko):
- 1978, 1979, 1980 Kampion di Kòrsou i Antia ku e ekipo hubenil "Winston" di Sta. Maria Pirates.
- 1978 te ku 1980 Kampion hubenil di tur torneo organisa ku e ekipo hubenil "Winston" di Sta. Maria Pirates.
- 1981 Sup Kampion Korsou hubenil ku Winston di Sta. Maria Pirates.
- 1982 Kampion di Kòrsou AA ku Alpha Zelbo.
- 1982 Sup Kampion di Antia ku Alpha Zelbo
- 1983 Kampion di Kòrsou AA ku Alpha Zelbo.
- 1983 Kampion di Antia ku Alpha Zelbo.
- 1984 Kampion di Kòrsou AA ku Alpha Zelbo.
- 1989 Kampion di Kòrsou AA ku Sta. Maria Pirates.
- 1990 Sup Kampion i Medaya di PLATA ku St. Maria Pirates reforsá den Torneo Campeon de los Campeones na memoria di Jose Antonio Welga na Las Tunas Cuba.
- 1991 Kampion di Kòrsou AA ku Sta. Maria Pirates.
- 1997 Sup Kampion di Kòrsou A-klasse ku Sta. Maria.
- 1998 Kampion di A-klasse ku Sta. Maria i promove pa AA despues di gana di ekipo Amstel. Ku e logro aki Santa Maria Pirates a bira e prome i te ku dia di awe e uniko organisashon di beisbol ku tabatin 2 ekipo den AA na mes momentu.
Logronan ku Selekshon Antia:
- 1979 Kampion i Medaya di ORO ku Selekshon Antia Hulandes di beisbòl hubenil den Weganan di Reino na Kòrsou.
- 1981 Sup Kampion ku Selekshon Kòrsou hoben di AA, den Torneo Internashonal preparatorio Centro Americano y del Caribe na Puerto La Cruz Venezuela.
Logronan den beisbol (komo dirigente atministrativo/presidente di Santa Maria Pirates):
- 9 titulo kampion béisbol AA
- 12 titulo supkampion béisbol AA
- 3 titulo kampion Klase A
- 7 titulo supkampion Klase A
- 13 titulo kampion Hubenil
Kènènè ta e uniko manager den béisbol di Korsou ku titulonan kampionil den tur tres divishon di béisbol di FEBEKO (Hubenil, Klase A i AA).
B. Futbòl:
Komo deportista:
Kènènè, na mesun edat di 10 aña a kuminsa hunga fùtbol tambe den su ekipo di bario VESTA, bou di direkshon di Jo Mathilda i Frank Gregg, ambos di felis memoria. Kènènè a hunga den tur kategoria di futbol ku su ekipo VESTA i ku hopi eksito. Tambe Kènènè a hunga hopi aña pa ekiponan di su doño di trabou Refineria, esta ASIENTO i Shell Shop ku kual ela bira kampion i tambe forma parti di diferente Selekshonnan di Refineria i Klup di Shell. Pa un tempu kortiku Kènènè a partisipa den ekipo di bario Mahuma Estudiantes ku amigu/rumannan Bernardus, Basilia i Melfor.
C. Sòftbòl:
1. Komo deportista:
Kènènè a kuminsa hunga sòftbòl den e ekipo di Asiento i despues den e gran ekiponan di Rising Trotters, Tiburones i termina su karera den Twins. Ku Rising Trotters ela bira Kampion di A-klasse i ku Tiburones ela bira Kampion di Kòrsou i Antia.
Logronan ku Sòftbòl komo hungado:
- 1976 Kampion di Kòrsou A-klasse ku Rising Trotters.
- Kampion di Korsou A-klasse ku Tiburones
- Kampion di Kòrsou AA ku Tiburones.
- Kampion di Antia ku Tiburones.
2. Komo dirigente tekniko di sòftbòl:
1982: Kènènè a partisipa na Weganan Centro Americano i del Caribe (C.A.C) komo entrenador/coach di e Selekshon di softbol di Antia Hulandes na Cuba.
1983: Kènènè a bai partisipa komo entrenador ku Selekshon di Antia Hulandes di sòftbòl maskulino den Juegos Centro Amerikano i del Caribe na Colombia.
1983: Kènènè a bai partisipa komo entrenador/coach ku Selekshon di Antia Hulandes di sòftbòl maskulino den Weganan Panamericano na Venezuela
1984: Kènènè a bai partisipa komo entrenador/coach ku Selekshon di Antia Hulandes di sòftbòl maskulino den Kampionato Mundial na Michigan – USA na aña 1984.
1986: Kènènè a bai partisipa komo entrenador/coach ku Selekshon di Antia Hulandes di sòftbòl maskulino den XV Juegos Deportivos Centroamericanos y Del Caribe na Santiago, Republika Dominikana
3. Komo dirigente administrativo:
Kènènè a partisipa na aña 1983 na e Kongreso Concacas, pa kubri e partinan tekniko.
Rekonosementu risibi:
- 29 april 2006 Ridder in de Orde van Oranje Nassau, pa su dedikashon, kontribushon komo boluntario na deporte di Kòrsou i beisbòl en partikular.
