Kampionato di Beisbòl Veterano lo start 19 di yüni na Vi Jansen Ballpark
WILLEMSTAD- Djaweps 27 di mei tabatin reunion general di Beisbòl Veterano na De Oleander. E direktiva nobo enkabesá pa Shendy Cras a presentá plannan pa kampionato 2021. Kampionato di Beisbòl Veterano lo start 19 di yüni na Vi Jansen Ballpark i e siman aki traspasonan mester ta serka direktiva. 13 ekipo lo partisipá na kampionato di 40+ i Liga 50+ di Beisbòl Veterano te ainda tin 5 ekipo i ta pendiente di un ekipo mas. Shendy Cras, presidente di BEVEKO a presentá e otro miembronan di direktiva. Lista di hungadó mester t’adén pa otro siman, dia 9 di yuni. Traspaso tambe mester taden pa 9 di yüni. E reunion di djaweps 3 di yüni a keda kanselá.
KAMPIONATO
Lo hunga un buelta kompletu (12 wega), despues ta sigi ku play-off. E play-off lo ta number 5 vs 6, un wega riba e promé djasabra di play-off. Despues ta sigi ganadó entre 5 i 6 kontra number 4. Di einan ta start ku e play-off 1 vs 4 i 2 vs 3, seri mihó di 3. E ganadónan lo topa den final. Lo skor weganan via e sistema Game Changer. Line up mester t’aden 15 minüt promé ku wega pa hinka e datonan den e sistema Game Changer. Kada 5 minüt lat ekiponan lo risibí but. A pone kriterianan for di tempran pa kampion bate, kampion picher, lider di homerun. Liga 50 tambe lo haña mihó atenshon ku añanan anterior i 5 ekipo a konfirmá nan partisipashon.
