WILLEMSTAD- Kampionato di Liga 40 di 2022 a start djamars 26 di yüli 2022 na Van Engelen Ballpark. Na 2021 ekipo Swift tabata kampion di Liga 40. 5 ekipo di Liga 40 lo kompetí. Ekiponan Swift, Crazy Tigers, Baranka, Jaws i Gamers. Djamars pa 7.30 pm ta Gamers vs Tigers, sigí pa Jaws vs Baranka. Ekipo Swift tin barwacht i lo hunga dos buelta i despues ekiponan ku klasifiká entre e promé kuaternan lo hunga play-off sistema page. E sigiente wega di Liga 40 ta djaweps 4 di ougùstùs. Liga 40 tabata programá pa start dia 7 di yüli. Ekipo Jaws tabata na duda, pero e ekipo ta ON pa Liga 40. Direktiva di Liga 40 ta enkabesá pa Achi Bernabela, asistí pa Chel Liberia. Pa mas informashon por tuma kontako ku Achi Bernabela (mail achib1971@live.com òf Tibor Bakhuis (mail tiborbakhuis@gmail.com). Ekipo Crazy Tigers a laga Gamers den tereno riba homerun ku base bashi di Kurby Brunken. Crazy Tigers a gana 19-18. Despise Baranka a dal Jaws 21 pa 6.
Crazy Tigers tabata kampion na 2019.
Ekipo Mon Repos Sluggers a entregá unifòrm na hungadónan
WILLEMSTAD - Djabièrnè, 22 di yüli tabatin entrega di unifòrm di ekipo Mon Repos Sluggers di Liga 50. E entrega di unifòrm a tuma lugá na Barberia di Lesly Kimmenaede den presensia di dirigente i hungadónan. Ekipo Sluggers ta un ekipo ku tin bastante aña ta move den Liga 50 di Sòftbòl di Kòrsou. Wendell Isidora, e hungadó di mas tempu den e ekipo a ‘pose’ unifòrm. Edsel Celestina presidente di e ekipo a dirigí palabra durante e entrega di unifòrm .
Wendell Isidora i Dudley Felicia ta pose unifòrm.
