Kampionnan di play-off Little league
Pabou ta gana den 4 divishon di Little League
WILLEMSTAD- Play-off Little League 2023 a yega na su fin djaluna 1 di mei na Tio Daou Ballpark. Pabou manera tabata e kaso den 2022 a gana den 4 divishon atrobe. Pabou a gana den divishonnan Minor, Little, ,Junior i Senior mientras Pariba a gana e kampionato Intermediate. Tantu Minor komo Little League a terminá djasabra den Frank Curiel Ballpark i kaminda Pabou a klasifiká pa kampionato di Karibe i Latino.
Pabou kampion Minor i Little playoff Little League
WILLEMSTAD- Liga Pabou a gana den divishon Minor i Little League den playoff Little League den Frank Curiel Ballpark djasabra 29 di aprel. Despues ku tur e selekshonnan menshoná tabatin 2 ganá i 1 pèrdí weganan desisivo a tuma lugá djasabra último. Pabou a gana Pariba ku skor di 9 pa 1 den Minor i klasifiká pa e weganan Latino Americano ku lo tuma lugá di 21 pa 30 di yüli na Mayaguez (Puerto Rico).Den e di dos partido djasabra anochi na Frank Curiel Pabou a gana Pariba 2 pa 1 klasifiká pa kampionato di Karibe ku lo tuma lugá na Yabucoa (Puerto Rico) di 9 pa 16 di yüli. Un públiko grandisimo tabata presente na Frank Curiel Ballpark i a sigi e transmishonnan via di pe plataformanan di korant Extra.
