Kampionnan Hubenil di FFK 2024
WILLEMSTAD - Djasabra último, e delaster 2 kategorianan di Kampionato Hubenil a konosé su ekiponan kampion i supkampion ora e partidonan di kategoria U-9 Liga 3 i U-21 a finalisá. Stadion Rignaal ‘Jean’ Francisca tabata kolmá ku fanátiko ku a disfrutá di 2 tremendo partido yená ku emoshon den oranan di atardi bai kue anochi ora e finalnan aki a tuma lugá.
Komishon Hubenil por ta satisfecho pa e temporada tras di lomba, ku a transkurí ku algun partido final sumamente interesante. Un gran públiko tur wikènt di nobo a sali nan kas pa apoyá i sostené nan ekipo preferí i disfrutá di algun tremendo partidonan final di futbòl hubenil.
Un bes mas Komishon Hubenil ta gradisí tur hungadó, dirigente, rèfrinan, mayornan, boluntarionan i tur ku di un manera òf otro a duna un man pa e kategorianan aki tambe tabata eksitoso.
Tambe nos a hasi entrega di premiashon di Kampionato Hubenil 23-24 kaminda e ekipo kampion i supkampion a risibí nan trofeo(nan) korespondiente. Tur kategoria di e temporada aki a konosé su ekiponan kampion i supkamion ku esepshon di kategoria U-13 liga 2 ku lamentablemente no a konkluí debí na un protesta durante e partido final.
Asina e desishon bira konosí, nos lo hasi entrega di premiashon na e ekipo kampion i supkampion p’asina nos finalisá Kampionato Hubenil 23-24.
Resultadonan Final U-9 Liga 3 i U-21;
Djasabra 29 yüni 2024
Stadion Orario Kategoria Wega Tim 1 v/s Tim 2 Resultado
RJF 16:30 Liga 3 (U9) Final SUBT v/s Atletiko Saliña B 1-0
RJF 19:30 U-21 Final UNDEBA v/s SUBT 0-3
Masha pabien na e ekipo di Subt ku a titulá kampion durante nos último finalnan i tambe na Atletiko Saliña ku Undeba ku a duna un bon bataya.
Komishon Hubenil ta felisitá tur ekipo kampion i supkampion di Kampionato Hubenil 23-24 un biaha mas i nos ta topa na sèptèmber pa Kampionato Hubenil 24-25.
%20copy.jpg)
