Komishon organisadó Torneo di Baseball Senior League Caribe 2023 ta yama danki
WILLEMSTAD- District Administrator, Curacao Little League Foundation i Komishon Organisadó di torneo di Baseball Senior League Caribe 2023, ta gradisí un i tur ku a pone ku e torneo a bira un éksito. Spònsernan ku ta RBC Royal Bank, Ministerio di Enseñansa, Siensia, Kultura i Deporte i CTB, Staf i personal di CRU ku a pone Mancamp na disposishon pa estadia di e ekiponan, prensa en general, umpire i skorernan, direktiva, dirigente i téknikonan di e ekiponan ku a partisipá, tur fanátiko, mayornan, tur hóben ku a partisipá.
Pabien ta bai na tur e ekiponan ku a partisipá.
E ekiponan ku a kai den premio ta Kòrsou Pabou ku a titulá kampeon, Kòrsou Pariba sub-kampeon i Puerto Rico a sali na di tres lugá.
E ekipo di Bonaire a resultá e ekipo mas disiplina durante di e torneo.
Éksito na e ekipo di Kòrsou ku lo representá Region di Caribe durante di e Serie Mundial di Baseball Senior League ku lo tuma lugá di 29 di yüli pa 5 di ougùstùs na Easley South Carolina.
