Kopanan ABC&S a start na Aruba Sint Maarten i Boneiru
Na Kòrsou Golden Caribbean Athlete Tournament a start
WILLEMSTAD- Kopanan ABC&S a start djarason na Aruba. Boneiru i Sint Maarten. Na Aruba tin ABC&S 50, na Boneiru Classico ABC40+ i na Sint Maarten Kopa ACB&S di e hóbennan. Na Kòrsou tin e torneo Golden Caribbean Athlete Tournament organisá pa Pitufos ku partisipashon di ekiponan di República Dominicana, Aruba i Kòrsou ku tambe a start djarason. Nos tin skema i detaye di e torneo i up date di resultadonan.
![](https://cdn.prod.website-files.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
![](https://cdn.prod.website-files.com/5d34a02fd1cb7f04ec361a56/606a11ec1e205c6b1ca7a78f_astros%20aruba%20di%20rumannan%20gomez%201.6.jpg)
![](https://cdn.prod.website-files.com/5d34a02fd1cb7f04ec361a56/61f1502867942cd53d748588_vanddis%20aviso%20real.jpg)
ABC&S50+ Aruba
Na Parke Pos Chiquito kaminda weganan di ABC 50+ ta tuma lugá. Resu;tadonan di djarason 8 di mei. Astros (Aruba) 20, Tigers (Sint Maarten) 5. Astros 8, Tigers 5. Tur dos tim ta di Aruba.
![](https://cdn.prod.website-files.com/5d34a02fd1cb7f04ec361a56/663d4e650adbea722e9e014a_IMG-20240502-WA0075.jpg)
![](https://cdn.prod.website-files.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
![](https://cdn.prod.website-files.com/5d34a02fd1cb7f04ec361a56/663d4ea05345d145f1435cb7_IMG-20240504-WA0105.jpg)
![](https://cdn.prod.website-files.com/5d34a02fd1cb7f04ec361a56/646d75ea38c237fcab6848d3_swift%20selebrando.jpg)
![](https://cdn.prod.website-files.com/5d34a02fd1cb7f04ec361a56/663d4eaf03b0f6b29343a05e_IMG-20240507-WA0053.jpg)
![](https://cdn.prod.website-files.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
![](https://cdn.prod.website-files.com/5d34a02fd1cb7f04ec361a56/65df1cf4d7dc2d3d64a7d61d_cicoza%20den%20dugout.jpg)
![](https://cdn.prod.website-files.com/5d34a02fd1cb7f04ec361a56/65904e5e5e79882f91d29582_around%20the%20clock%2024%207.jpg)
ABCS na Sint Maarten
Swift ku viktoria di 2-0 riba Super Stars di Sint Maarten. Controllers a gana Thunders di Sint Eustatius 10-8
ABC&S 40+ Boneiru,
Braves Legends a gana Union Dominicana ku skor di 8-5.
![](https://cdn.prod.website-files.com/5d34a02fd1cb7f04ec361a56/631c9608341fb52b8e7fbd19_bam%20bam%20tech%20general.jpg)
![](https://cdn.prod.website-files.com/5d34a02fd1cb7f04ec361a56/663cd519b5e4b6fc4973c576_Marlins.jpg)
![](https://cdn.prod.website-files.com/5d34a02fd1cb7f04ec361a56/61f1502867942cd53d748588_vanddis%20aviso%20real.jpg)
Artemisia ta sorprendé Ban Serio den apertura Liga 50
WILLEMSTAD- Artemisia ku un atake den 15 hit a sorprendé ekipo Ban Serio djasabra último den apertura den Liga 50 na Van Engelen Ballpark. Fardy Lard tabata e picher ganadó. Ban Serio ta kampion di temporada 2023 i Artemisia tabata e ekipo ku a terminá den sótano den 2023. Den otro wega Catpower a dal Sluggers 7 pa 2. Pitufos a gana Marlins pèrtá 5-4 i Baranka a nòkout Lions ku picheo di Kenny Hellement. E siman aki ekiponan Ban Serio i Marlins lo ta na Aruba en konekshon ku Kopa ABC&S 50+ organisá pa ekipo Astros. Kampionato di Liga 50 lo sigi djasabra 18 di mei na Van Engelen Ballpark.
Liga 50
Artemisia 11, Ban Serio 7
Artemisia tabatin 15 hit ku 1 eror. Fardy Lard a gana. Charles V a bai di 1-1. Alejandro W i Raymond B i Elvis B, ámbos a bai di 2-1. Fardy Lard, Raymond A i Freddy G, tur a bai di 4-2. Aldrin R a bai di 5-3. Ban Serio a dal 11 hit i hasi 6 eror. M. Daal a pèrdè. A. Pieternella a bai di 2-1, B. Kook i J. Josepha ámbos di 3-2 i R. Casimiri a bati di 3-3.
![](https://cdn.prod.website-files.com/5d34a02fd1cb7f04ec361a56/5f4aabc44bc82707c2a0d5ed_fayad%20aviso%20aviso%20real.jpg)
![](https://cdn.prod.website-files.com/5d34a02fd1cb7f04ec361a56/663cd5a02a06b317e3f86dc2_baranka%2050%2B%20na%20airport_1.jpg)
![](https://cdn.prod.website-files.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
Catpower 7, Sluggers 2
Catpower a dal 9 hit i hasi 1 eror. L. Alcantara tabata ganadó. H. Ipathia ku R. Schmidt a bai di 1-. R. Angela, W. v/h Kruys, R. Moesker, L. La Cruz i O. Brunken, tur a bai di 2-1. Pa Sluggers 7 hit ku 2 eror. E. Bakker a bai di 1-1. F. Esclodina, V. Hernandez i H. Cicilia, tur a bai di 2-1. R. Lieuw a bai di 2-2.
Pitufos 5, Marlins 4
Pitufos tabatin 5 hit ku 3 eror. E. Janga tabata ganadó. S. De Windt ku C. Clemencia, ámbos a bai di 1-1. 3 hungadó a bai di 3-1. Marlins a dal 9 hit i nan a kometé 1 eror. N. De Roon a resultá pèrdèdó. A. Coffie, N. De Roon ku E. Antonio, tur a bai di 1-1. R. Postina a bai di 2-1. 4 hungadó a bati di 3-1.
Baranka 13, Lions 0
Baranka a konektá 13 hit i hunga sin eror. Kenrick Hellement a gana. G. Bito, D. Dambruck, G. Reina i Kenrick Hellement. F. Pereira di 2-2 i M. Wijman di 3-2. E. Cornelia a bai di 3-3. Lions tabatin 4 hit ku 1 eror. G. Adriana a pèrdè. H. Jakobs a bai di 2-1. S. Marceli, C. Liberia ku i Gustina, tur di 1-1.
![](https://cdn.prod.website-files.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
![](https://cdn.prod.website-files.com/5d34a02fd1cb7f04ec361a56/663cd5653c232683c2508f21_Ban%20serio%20den%20tereno_1.jpg)
MAS INFORMASHON DI SÒTBÒL I BEISBÒL
Fanátikonan di Deporte Kòrsou, bondia. For di awe a start na Kòrsou ku e torneo Golden Caribbean Athlete Tournament organisá pa Pitufos. E torneo ta konta ku partisipashon di ekiponan di Aruba, Kòrsou i República Dominicana. Ayera tabatin 4 wega kuminsando ku weganan for di 1.45 di mèrdia te ku 8.30 di anochi. Ekiponan di Kòrsou (Pitufos 60+), Pitufos 50, Sluggers i Jaws tabata den akshon ayera.
![](https://cdn.prod.website-files.com/5d34a02fd1cb7f04ec361a56/6610adb0463c95b158912a52_Pitufos%20kampion%20tumando%20kopa%20ku%20Kid%20Boca%20Chica.jpg)
![](https://cdn.prod.website-files.com/5d34a02fd1cb7f04ec361a56/662e40516f12f5305ed203f6_bam%20tech%20otro%20logo.png)
* * * * *
Miéntras tantu ekiponan a move pa Sint Maarten i Aruba. Baranka mester a move pa Boneiru pa Classico ABC 40, pero e historia ta konosi. Den e sigiente alinea nos tin kaminda Baranka a reklama fuerte e asuntu di Classico ABC 40 na Boneiru i bula afó definitívamente for di Classico ABC 40+ ku a keda fundá pa Baranka. En todo kaso nos tin Kopa ABC&S na Sint Maarten tambe i nos tin e skema den nos poder. Ekiponan ku ta partisipá ta Thunders (EUX), Controllers, Sluggers i Super Stars di Sint Maarten, Swift, Terremoto i Cicoza di Kòrsou. Happy Brothers lo representá Aruba. Boneiru no a manda representante e aña aki i segun nos ta promé biaha ku Boneiru ta for di kopa ABC. By the way, ekipo Thunders ta di Sint Eustatius. Esei por tin reperkushon pa ku nan partisipashon den kopa ABC&S. Baranka a bula for di Classico ABC 40+ na Boneiru. E Golden Caribbean Athlete Tournament ta kresiendo i ekiponan lokal lo buska manera di bai otro destinashonnan tambe manera República Dominicana, Puerto Rico, Miami, Colombia ets.
![](https://cdn.prod.website-files.com/5d34a02fd1cb7f04ec361a56/64026dc83a5ae67f19e3b4b8_IMG-20230302-WA0050.jpg)
![](https://cdn.prod.website-files.com/5d34a02fd1cb7f04ec361a56/646d785d82afbb5ac6f484ff_Marlins%20kampion%20ku%20kopa%20den%20man%20.jpg)
![](https://cdn.prod.website-files.com/5d34a02fd1cb7f04ec361a56/634f17194c46bf4074879a7c_around%20the%20cloack%20juice%20chiki.jpg)
* * * * *
Un parti di e karta di protesta ku Baranka a manda pa representantenan di Kopa Classico ABC 40+ di Boneiru. “Pa nos inhumano i inakseptabel ta e hecho ku di awe pa mayan sin PREVIO KONSULTA ke obligá nos (Baranka) di hunga TUR DIA dos wega. Ni den torneo ku partisipashon di hóbennan, hóben adulto òf profeshonalnan esaki no ta tuma lugá. Den tur e 12 añanan ku Classico ABC a tuma lugá, nunka esaki a sosodé. Semper a hunga màksimal 4 wega den e ronda di klasifikashon di kual un dia so double header. Si Boneiru a yega di hunga double header riba dos dia, ta pasombra nan konsientemente a skohe pa yega e isla organisadó riba djabièrnè. Un torneo kòrtiku no ta un kampeonato largu ku ta duna espasio pa hunga tur kontra tur.”
![](https://cdn.prod.website-files.com/5d34a02fd1cb7f04ec361a56/61f1502867942cd53d748588_vanddis%20aviso%20real.jpg)
![](https://cdn.prod.website-files.com/5d34a02fd1cb7f04ec361a56/663cd6df0322e811c91e714b_Baranka%20kampion%20liga%2040_1.jpg)
![](https://cdn.prod.website-files.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
* * * * *
Pa loke ta Kopa ABC 50+ na Aruba, ekiponan Ban Serio i Marlins a move pa Aruba. Ekiponan ta repartí den dos pul. Den Pul A tin Ban Serio, Warriors, The Brothers i Decos. Den Pul B tin Astros, Marlins, Dragons i Tigers di Sint Maarten. Tin kompetesia di Liga 60 ku partisipashon di Astros, Dragon, Tigers di Sint Maarten i Tigers di Aruba. 8 tim den 50+ i 4 tim den 60+. Weganan ta tuma lugá na Pos Chikitu. Djadumingu tin semi final i final pa loke ta trata 50+ i final di 60+ den oranan di mainta. Nos lo ta up to date ku e resultadonan.
![](https://cdn.prod.website-files.com/5d34a02fd1cb7f04ec361a56/663cd6fbdb0048011eb6341f_controllers%20den%20dugout.jpg)
Controllers di Sint Maarten ku viktoria den nan promé wega.
![](https://cdn.prod.website-files.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
* * * * *
Awe nos tin resultadonan di Liga 50 i e weganan lo sigi dia 18 di mei ku ta djasabra aki dos siman. Beisbòl Veterano ta start dia 18 di mei i a saka un skema nobo. No tin fecha ainda pa Beisbòl 50+ ku a bira 6 tim pa kampionato 2024. Polis Veterano kampion di Hope 50+ a selebrá en grande na Green House djabièrnè último. Ta di dos biaha ku Polis Veterano 40+ ta bira kampion di Torneo Hope den 3 partisipashon. Polis a bira kampion invikto di e kompetensia ganando 5 wega sigí.
![](https://cdn.prod.website-files.com/5d34a02fd1cb7f04ec361a56/6414861df6ed6b4c10a72844_IMG-20230309-WA0029.jpg)
![](https://cdn.prod.website-files.com/5d34a02fd1cb7f04ec361a56/663cd73177eaf79ded478569_IMG-20240503-WA0097.jpg)
* * * * *
Listanan di Beisbòl Veterano ta mustra interesante. Pa loke ta Quality Stars nos a mira hungadónan hóben nèt 40+ manera Luisgardo ‘Luigi’ Alvarez i Gerald Gregorius. Nos no a mira MVP di 2023 Dayron Puriel riba lista. Riba Santa Rosa nos a mira e hoben Devenie ‘Cambodja’ Henriquez. Isla tin Ericson Senior ku lo debutá den Beisbòl Veterano. Santa Maria tin Soranley Tomsjansen, gran futbolista di Jong Holland, èks tremendo hungadó di Little League. Santa Maria tin tambe Evenon Martis, Jason Naaldijk i Ringemar Raap komo hóbennan ku tin nèt 40 aña òf alrededor di 40 aña. Nos ta keda te aki pa awe. Te djabièrnè ku Poder di Dios.
![](https://cdn.prod.website-files.com/5d34a02fd1cb7f04ec361a56/64a992e4baf5ea96e9c7c31d_ramiro%20baoentina%20rab%20070723%20a%20(1)%20copy.jpg)
![](https://cdn.prod.website-files.com/5d34a02fd1cb7f04ec361a56/607c9d50cf0f7b01130c3669_Santa%20Maria%20algun%20hungado%20di%20hopi%20a%C3%B1a%20ku%20e%20tim.jpg)
![](https://cdn.prod.website-files.com/5d34a02fd1cb7f04ec361a56/64a84e5a1573bd91f5372cc4_ramiro%20balentina%20rab%20070723%20b.jpg)