Kòrsou kampion Latino Americano di Intermediate League

SANTO DOMINGO – Kòrsou ku tremendo hugada na tersera base Sean Serberie den di 7 inning a bira kampion di e torneo Latino Americano di Intermediate League. E gran final a tuma lugá djasabra 29 di yüni den oranan mainta na Republica Dominicana. Kòrsou a gana e wega final ku skor di 3-2 kontra Venezuela despues ku nos selekshon a gana Meksiko den semi-final ku skor di 9 pa 2 djabièrnè.

Selekshon Intermediate kampion ku viktoria di 3-2 riba Venezuela den final.

 E wega a terminá kaminda Venezuela komo ekipo di kas den di 7 inning (último inning) tabatin base yen i un out i pèrdí 3-2. E kuarto bate di Venezuela a konektá un liña pa tersera ku e tersera base, Sean Serberie a bai tremendo na su man robes kue a liña duru aki i bin pisa promé ku e koredo na tersera por a bini bèk i terminá e wega ku un ‘double play’ pa Kòrsou bira kampion. Tabatin un selebrashon super emoshonante riba tereno i despues tabatina entrega di premio.  Helmir Helmijr a bira kampion picher i Shemar Jacobus a bira MVP di e torneo. E selekshon ta yega djadumingu mainta 10.25 ku buelo Sky High D0940.

RBC manera semper tei.
Kuerpo tékniko selekshon, tremendo trabou.
Helmir Helmijr, tremendo picheo den final i kampion picher di e torneo.
Shemar Jacobus, MVP di e torneo.
Sean Serberie ku tremendo hugada na tersera pa terminá e wega.
Nazir El Ossais ku hit pa manda Korsou ariba 3-2 den di 7 ining.
Selekshon ta yega Kòrsou djadumingu 10.30.

‍

‍