Kòrsou kontra Venezuela djaluna 1’or den Little League World Series i Junior League lo yega 3’or
WILLIAMSPORT – Kòrsou den representashon di Karibe lo topa Venezuela (latin America) djaluna 21 di ougùstùs pa 1’or pm aya na Williamsport (Pennsylvania). Ganadó di e partido aki lo pasa pa final semi-final internashonal djarason 23 di ougùstùs.
JUNIOR
Selekshon Junior lo yega 3.15 for di Taylor Michigan na aeropuerto na Kòrsou. Ta spera públiko naturalmetne na aiprot pa risibi e supkampionnan internashonal. Nos selekshon Junior a kai vensí ku skor di 8-3 kontra di Chinese Taipei.
Chinese Taipei tabata fuerte i un homerun ku base yen, no sperá den di 5 inning a habri e wega. Kòrsou tabatin e wega wanta te na e momentu ei ku skor di 1-0 ku e ekipo Chinese Taipei dilanti. E selekshon lo ta bèk na Kòrsou djaluna 3.15 pm. Bon trabou di un selekshon ku a lucha masha hopi mes pa yega te einan. For di play-off entre Pariba i Pabou, pasa den basta trans den Latino Americano i bira kampion. Na Taylor nan a gana dos wega i pèrdè solamente un wega. E wega final entre Asia Pacific i Michigan Region mester a tuma lugá djadumingu 20 di ougùstùs pa 12’or di mèrdia. Asian Pacific a gana Michigan ku skor di 6-0 i bira kampion di Mundu.
Remarkabel ta ku e ekipo di Kòrsou Junior a yega final internashonal invikto i e ekipo Asia Pacific a yega e final internashonal ku rekòrt di 2-1. Nos tabatin 2-0 promé ku e wega final. Bon trabou di manager Ludson Roberto i su crew ku a lucha hopi pa hiba e tim te na final internashonal. E tim tabata falta dos hungadó super klave ku ta e shortstop Timothy Mogen i otro grandi ku ta Sherrintley da Costa Gomez. Respektivamente terser i kuarto bate di e ekipo. Un ekipo sin su terser i kuarto bate regular, ku ta shortstop i senterfielder estelar. Pabien Junior League Liga Pabou i Pabien Kòrsou.
%20copy.jpg)
