Kòrsou ta gana Nicaragua 2-0 den Little League i wega di Junior lo start mas lat
WILLIAMSPORT - Kòrsou (Caribbean) a gana Nicaragua (Latin America) ku skor di 2-0 djarason 17 di ougùstùs 2022 den Little League World Series. Davey Jay Rijke tabata den gran forma den picheo tirando 5 inning i 1 tersio tirando 14 ponche tumando solamente 2 hit.
Khyshore Hinkel a bati di di 3-2 ku un anota i 1 kareda empuhá. Deshawn Bonofacio a bati di 1-1. Davey Jay Rijke di 3-1, Shemar Jacobus di 2-1 i Jayliard Emperador di 2-1 i ku 1 RBI. Kòrsou lo topa ku Panama djabièrnè 1’or pm.
Nos ta pendiente pa awe, djarason 17 di ougùstùs pa 5’or pm den kategoría Junior nos selekshon ku tin rekòrt di 2 ganá i 0 pèrdí lo midi forsa ku e fuerte Chinese Taipei ku tambe tin rekòrt di 2-0. Segun informashon di e delegashon e wega lo kuminsá mas lat, probablemtente 7'or pm debi ku e wega promé ku nos lo terminá lat. Kòrsou ta representá Latino America i Chinese Taipei ta representá Asia Pacific. E weganan di Junior ta na Taylor Michigan i weganan di Little League na Williamsport. Pa promé biaha Little League World Series lo hunga entre 20 tim. E timan nobo ta Metro, Mountain, Panama i Puerto Rico.
