Kòrsou ta kai vensí ku skor di 6 pa 2 den semi-final kontra Venezuela den Serie del Caribe
MIAMI – Curacao Suns a pèrdè ku skor di 6 pa 2 den semi-final djaweps anochi kontra di Venezuela (Tiburones di La Guaira). Kòrsou a klasifiká den un wega tremendo i pèrtá ganando ku skor di 2-0 kontra Puerto Rico djarason 7 di febrüari. Djaweps 8 di febrüari Kòrsou tabata gana ku skor di 2-0 pero ta kai atras den di 4 inning ku skor di 3-2, despues di un bateo oportuno di Venezuela.
Den di 6 inning Venezuela ta amplia e skor 6-2 i Kòrsou no por a hasi nada mas i e wega ta bin terminá. Djabièrnè 9 di febrüari pa 4’or Kòrsou lo hunga pa di 3 i 4 lugá kontra Panama. Scott Prins lo habri pa Kòrsou. E ekipo Panama a pèrdè ku skor di 4-1 kontra di Republica Dominicana den e otro wega di semi-final. E gran final entre Venezuela i Republica Dominicana lo tuma lugá djabièrnè anochi 9’or .
Venezuela 6, Kòrsou 2
Venezuela a dal 11 hit i hunga sin eror. Romero tabata e picher ganadó. Flores a bati di 2-2 i Wilson Ramos di 4-2.
Korsou a bati 7 hit i hunga sin kometé eror. Nelmerson Angela a resultá e picher pèrdèdó i Roderick Bernadina a bati di 5-3. Jurickson Profar di 5-2 i Juremi Profar di 4-2.
