Kòrsou vs Sint Martin awe (15-11-24) i kontra Sint Lucia djaluna (18-1124) den Stadion Ergilio Hato
WILLEMSTAD - Nos a yega e fechanan kaminda nos selekshon nashonal lo tin nan próksimo enkuentronan di Concacaf Nations League 2024 kaminda nos lo enfrentá Saint Martin i Saint Lucia dianan 15 i 18 di novèmber 2024 den Stadion Ergilio Hato pa 7’or di anochi.
Promé ku nos partidonan tambe lo tin un partido dia 15 di novèmber di Saint Lucia vs Grenada i dia 18 di novèmber Grenada lo enfrentá Saint Martin pa 4’or di atardi den Stadion Ergilio Hato.
Manera semper nos tin diferente sekshon, kada ku nan entrada separá pa por ingresá Stadion Ergilio Hato riba dia di wega. Portanan ta habrí for di 3’or di atardi, pues yega trempan pa evitá stagnashon na porta.
Esaki ta e siguiente sekshonnan ku nan entradanan;
Sekshon A por drenta di porta 1
Sekshon B por drenta di porta 2
Sekshon C por drenta di porta 3
Sekshon D por drenta di porta 3
Tribuna di honor i VIP por drenta di porta 4
Karchinan pa nos partidonan ya ta disponibel na e siguiente puntonan di benta di kustumber esta; FFK di 10’or am pa 8’or pm, Botika Mampuritu, Mensing’s Caminada, Pòmp di gasolin Sta Maria i 4th of July snèk na Barber.
Preis pa karchi general pa un dia di wega ta fl.25 pa adulto miéntras mucha di 6 pa 14 aña ku 60+ ta paga fl.15,-. E biaha aki nos lo tin paketenan pa ámbos dia ku ta kosta fl.45,- pa adulto i fl.25,- pa mucha di 6 pa 14 aña ku 60+.
Karchinan VIP pa un dia ta kosta fl.175,- ku konsumo inkluí miéntras karchi pa ámbos fecha ta kosta fl.300,-. E paktenan i karchinan di VIP ta optenibel solamente na FFK di 10’or di mainta pa 8’or di anochi.
Kumpra bo karchi trempan pa bo bin sostené i apoyá nos selekshon durante nos próksimo partidonan di Nations League 2024!
