WILLEMSTAD Den Liga 50 riba, djasabra 19 di òktober 2024 , tin 4 wega na Van Engelen Ballpark. Ta trata di e último weganan di buelta regular. E promé 6 ekiponan ku a klasifká ya ta konosí i lo bai tin un lucha entre ekiponan Sluggers i Artemisia pa klasifiká. Marlins, Jaws, Ban Serio, Baranka, Pitufos i Flamboyan ya a klasifiká. Marlins, Jaws i Ban Serio number 1,2 i 3 no mester hunga wild card. Nan ta pasa dirèkt pa play-off semi-final. Liga Amstel tin 3 wega riba tereno B na Van Engelen. Nos tin vários resultado i komentario di e último weganan.
Cicoza a gana Terremoto 15-9 i Thrillers a dal Sugar 23-13
WILLEMSTAD- Cicoza ku bon releveo di Andrelton Simmons a gana Terremoto ku skor di 15-9. Andrelton Simmons tabatin un grandslam krusial den e wega. Risandro Pastor a bati di 3-3 pa Cicoza den e wega ei. Den otro wega kandela Thrillers a dal Sugar 23 -13. Calten Daal a bati di 6-3 ku 3 homerun i 7RBI pa ekipo Thrillers. Den e otro wega Terrepower a gana di X-Treme 15-8. Liga Amstel ta sigi djasabra awor
ku 3 wega na Van Engelen Ballpark. Standing di Liga Amstel ta Terremoto 7-2, Gamers 7-2, Thrillers 6-3, Cicoza 6-4, Sugar 5-5, X-Treme 1-8 i Terrepower 1-9.
Liga Amstel
Thrillers 23, Sugar 13
Thrillers tabatin 21 hit ku 2 eror. J. Esprit a gana. N. Leonora a bai di 4-2. R. Alexander, J. Esprit ku A. Leonora, tur a bai di 5-2. A. Daal ku S. Lint, ámbos a bai di 5-3. C. Daal a bai di 6-3. R. Alexander, S. Lint i Marvin Ludowika a konektá 1 homerun. Sugar a dal 8 hit i hasi 7 eror. L. Alcantara a pèrdè. A. Ordoñez a bai di 2-1. R. Leal i A. Adames a bai di 5-2 i E. Lopez di 5-3.
Terrepower 15, X-Treme 8
Terrepower tabatin 13 hit ku 1 eror. R. Castro Arias tabata ganadó. Ivan Martijn ku D. Evelina, ámbos di 2-2. N. Gonzalez Diaz a bai di 3-2, H. Simon di 4-3 i C. Gil a bai di 4-1. D. Evelina, H. Simon ku C. Gil, tur a konektá 1 homerun. X-Treme a dal 13 hit i hasi 1 eror. J. Obispo a resultá pèrdèdó. G. Virginie a bai di 2-1. J. Pasqual, Q. Martha ku A. Kook, tur a bai di 3-2. G. Sille ku S. Domacasse, ámbos a bai di 4-2. G. Sille a konektá 2 homerun.
Cicoza 15, Terremoto 9
Cicoza a dal 12 hit i nan a hunga sin eror. A. Simmons a bai ku e viktoria. R. Bernadina a bai di 1-1, Raison Polonius di 2-1 i A. Simmons a bai di 3-1. Rylan Polonius a bai di 4-2. R. Pastor a bai di 3-3 i U. Snijders a bai di 4-3. A. Simmons a konektá 1 homerun. Pa Terremoto 12 hit ku 2 eror. J. Pereira do Tanque a karga ku e derota. T. Martis ku Z. Everett, ámbos di 2-1. J. Martis ku J. Pereira do Tanque, ámbos a bai di 2-2. R. Ramazan a bai di 3-2 i L. Veloz Peña a bai di 3-3.
Marlins ta sigurá promé lugá ku viktoria pèrtá riba Sluggers
WILLEMSTAD- Marlins ku picheo kombiná di Junny Pieter i Gregory Martijn a gana Sluggers pèrtá ku skor di 4-2 den Liga 50. Marlins a terminá na promé lugá ku rèkòrt di 15-3 ku e viktoria. Den otro wega Jaws a dal Catpower 10-0, Lions a gana Artemisia 9-4 i Ban Serio a derotá Pitufos 9-5. Liga 50 ta sigi djasabra ku e último 4 weganan di kampionato regular di Liga 50.
Teksto pa pòtrèt:
Marlins ku viktoria di 4-2 riba Sluggers a terminá na promé lugá ku rèkòrt di 15-3.
Ban Serio a dal Pitufos 9-5 i a sigurá di 3 puesto riba standing.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bon tardi i felis wikènt. Fin di siman krusial na kaminda pa loke ta trata e liganan ku ainda ta drei. Den Liga 50 djasabra tin 4 wega na Van Engelen Ballpark. Ta trata di e último weganan di buelta regular. E promé 6 ekiponan ku a klasifká ya ta konosí i lo bai tin un lucha entre ekiponan Sluggers i Artemisia pa klasifiká. Marlins, Jaws, Ban Serio, Baranka, Pitufos i Flamboyan ya a klasifiká. Marlins, Jaws i Ban Serio number 1,2 i 3 no mester hunga wild card. Nan ta pasa dirèkt pa play-off semi-final. Fecha i orarionan di wild card ta konosí i e weganan menshoná lo tuma lugá djasabra 26 i djadumingu 27 di òktober. Semi-final ta start djasabra dia 2 di novèmber.
* * * * *
Weganan di djasabra awor ta 10.00 Catpower vs Sluggers. Sluggers mester gana pa klasifiká number 7. Despues pa 12’or ta sigi Pitufos kontra Flamboyan. Flamboyan ganando di Pitufos lo bai number 4 òf 5 riba e standing. Na fin di e parti aki nos lo pone e standing atrobe pa nos lesadónan por komprondé un ke otro mas mihó. 2’or ta kandela mes mes na momentu ku Ban Serio topa ku Baranka. Tur dos ekipo a klasifiká i Ban Serio ya a klasifiká komo number 3 i ta un wega di prestigio. Den e promé buelta Ban Serio a gana Baranka ku skor di 14-8. Ban Serio ta kampion di Liga 50 di 2023, miéntras Baranka tabata kampion na 2022 i 2021. Den e último wega di djasabra awor Jaws lo topa Artemisia i ta bai bira difísil pa Artemisia gana i empatá ku Sluggers. Ke mèn Sluggers ta den ‘Driver Seat’ pa klasifiká number 7.
* * * * *
Barwacht ta na enkargo di Marlins ku a terminá number 1 di e kampionato regular i ekipo Lions ta liber. Ekiponan Marlins i Lions a hunga nan 18 weganan di buelta regular i ta kla pa 2024. Marlins a klasifiká number 1 i ta pendiente pa play-off i Lions a terminá ku 2-16 i lo ta pendiente pa kampionato 2025. Standing ta Marlins 15-3, Jaws 13-4, Ban Serio 12-5, Baranka/Sharks 10-7, Pitufos 10-7, Flamboyan/Gamers 9-8, Sluggers 6-11, Artemisia 5-12, Catpower 4-13 i Lions 2-16. Direktiva di Liga 50 tin plannan grandi pa weganan di play-off ku varios atrakshon, entre otro transmishon bibu di e weganan.
* * * * *
Beisbòl Veterano tambe ta sigi kayente ku wega importante entre Jandoret Raiders i Broncos djasabra 3.30 pm na Vi Jansen Ballpark. BEVEKO a saka un skema nobo i te ku 2 di novèmber ainda tin weganan di buelta regular pa despues start ku play-off semi-final e wikènt despues. Ke mèn play-offnan lo bira 9/10 di novèmber pa loke ta trata wild card. 16/17 lo start ku play-off semi-final. Den kaso ku tantu serinan 1 vs 4 i 2 vs 3 resultá den un swip, por start ku play-off final, 23/24 di novèmber. Si tin swip den un di e serinan, lo hunga play-off final den luna di desèmber atrobe. Tur esakinan si awaseru permití. Si awaseru kai i ku òf sin swip adén nos por kaba dianan 8 òf 15 di desèmber 2024.
* * * * *
Weganan di e wikènt aki ta djasabra 13.00 Isla Crackers – Santa Rosa Memories, despues pa 15.30 Jandoret Raiders – Broncos (kandela). Djadumingu awor ta Azucar vs Yesterday pa 3.30. Weganan di Liga 50 ta Santa Rosa Royal vs Otrabanda pa 11’or i despues pa 1’or ta Volcano Energy kontra Jandoret Raiders. Standing up to date ta Quality Stars 16-2, Santa Maria Pirates 16-2, Isla Crackers 12-3, Santa Rosa Memories 12-5, Yesterday 9-8, Broncos 8-10, Jandoret 6-11, Azucar 4-13, Marlins 4-13 i Otrabanda 4-14. Flamingo eliminá despues di dos wega pa defolt. Standing Liga 50 Beisbòl ta Santa Rosa Royals 5-1, Jandoret 4-1, Volcano Energy 3-3 i Otrabanda 1-4.
* * * * *
Awe nos tin resultadonan di Liga Amstel i kampionato ta sigi djasabra ku 3 wega na Van Engelen Ballpark. 11.00 X-Treme – Terremoto, 13.00 Gamers – Terrepower i 15.00 Cicoza – Thrillers. Standing ta Terremoto 7-2, Gamers 7-2, Thrillers 6-3, Cicoza 6-4, Sugar 5-5, X-Treme 1-8 i Terrepower 1-9. Liga 60 djadumingu na Frank Curiel Ballpark 11.00 Nos Power – Mon Repos Suggers, 13.00 Los Amigos – Curacao Super Stars, 15.00 Nos Tambe Por – Lions. Ekiponan ku a klasifiká ya ta konosí. Standing promé ku e weganan di djadumingu ta Nos Tambe Por 11-2, Jaws 10-4, Pitufos 9-5, Lions 8-5, Nos Power 6-7, Mon Repos Sluggers 5-8, Los Amigos 4-9 i Curacao Super Stars 0-13. Te djaluna ku Poder di Dios.
