Liga Pariba ta gana den Minor i Pabou ta gana den Little den playoff Little League
WILLEMSTAD- Play-off di Beisbòl Minor i Little League a start djamars 25 di aprel den Frank Curiel Ballpark. Den e promé partido selekshon di Liga Pariba a gana Pabou ku skor di 8 pa 2 den Minor. E wega tabata 1-1 te den di 4 inning, pa despues Pariba habri afó ku 3 kareda, den di 4 inning, 3 den di 5 inning i 1 den di 6 pa gana e wega relativamente fásil.
NUMERITONAN
Pariba a nota 8, kareda, dal 7 hit i hasi 2 eror. Steven Felix tabata e picher ganadó. D’Harvion Haard a bati di 3-2.
Pabou a skor 2 kareda, dal 10 hit i kometé 4 eror. Janderick Martina tabata e picher pèrdèdó. Riagan Raap, Hjamir Helmijr, Jo-Ziandy Balentina a bati di 2-2.
Pabou ta dal Willemstad 16-0 den Little League playoff
Liga Pabou ku picheo fuerte di Helmir Helmijr bateo fuerte di Jaydlyn Wiel ta gana Willemstad relativamente fásil ku skor di 16-0 den wega number 1 di playoff Little League ayeranochi na Frank Curiel. E wega a tuma lugá despues di e wega di Minor League entre Pariba i Pabou. Awenochi tin wega di Little League entre Pariba i Pabou. Promé ku wega aki lo tin apertura ofishal ku spich di District Adminstrator, spònser RBC Royal Bank i e parti di huramentshon di hungadó, coach i mayor.
NUMERITONAN
Pabou ta nota 16 kareda, dal 8 hit i hunga sin kometé eror. Helmir Helmijr tabata e picher ganadó i Jaydlyn Wiel a bati di 3-3. Sean Serverie di 2-2 i Nasir El Osais di 1-1.
Willemstad no a nota kareda, nan a dal 1 hit i hasi 4 eror. Edson Libiee tabata e picher pèrdèdó i Guyon Jonis a bati di 1-1.
