Marchena Braves ta premiá peloteronan destaká di aña 2021
WILLEMSTAD - Djasabra ultimo, e ekipo di Beisbòl lokal Marchena Braves a klousurá aña 2021 ku tur pelotero di klase hubenil, klase A i tambe AA. Tabata un momentu di alegria pa hopi pelotero, ku nan a keda skohé pa dirigente nan di e tim, despues ku nan a sobresalí riba un òf otro area.
E anochi di premiashon a inisiá ku Bendishon di pastor Morisson La Porte siguí pa un brindis i despues pa palabra nan di Presidente nobo di Marchena Braves, Eldrion Regina. Despues a sigi ku diferente premio pa e respektivo peloteronan:
Alex Henrietta komo mihó bateadó, mas tantu homerun i tambe MVP di Marchena Braves AA pa aña 2021
Richard Moesker komo mihó pitcher di aña 2021
Jahzeel Groetelears komo mihó Defensa
Heart & Hustle pa Urvin Faneyte
Jeandre Pereira Comeback player of the year
Shaclayson Coffie best training attendant
Hardleyon Thomasita, estimulo
Rayson Polonius Rookie of the year
Premio nan kategoria Hubenil:
Clayron Franklin miho bateo
Re-shauwn Palm miho fildeo
Keorden Leito miho picheo
Joshua Leito Hard and hust
Quishanic Martis Estimulo.
Tambe a duna un premio di apresio na e pelotero Jonathan Willems, hungador aktual di ekipo Cincinatti Reds, ku tabata den Marchena Braves i ku semper ta aportá i yuda e ekipo di Marchena Braves ku loke ta na su alkanse di su kurason pa e team. Tambe Marchena Braves a duna tantu ambos menèdjer di e ekipo un plaka di gratitut pa e trabou ku nan a desplegá ku e ekipo durante aña 2021.
Di parti di Marchena Braves, danki na miembronan di Prensa, Mangusa, EWT, Alden van Putten, Raymond Thielman, Leañez Sr.Dwight, United Distributors sr. Kendall, Licores Maduro sr. Courtney Silie, Distribier Sra. Laura, Istanbul Shawarma, Partido KEM, Ramphis Barbershop, Dulce Relax massage, Digicel, Famia Simmons, Famia Profar, Juni Aniceta I tur ku a yuda pa aportá na e brindis di djasabra ultimo i tambe a duna aporte na e organisashon di Marchena Braves hinter aña 2021.
*Eldrion Regina ta keda instalá komo Presidente nobo pa Marchena Braves*
WILLEMSTAD - Durante wikènt ultimo e ekipo di beisbòl lokal Marchena Braves a instalá su direktiva nobo pa aña 2022. E hoben adulto, konosí pa e proyekto " Un focus diferente", Eldrion Regina, ta esun ku tin e aspirashon i konfiansa pa bai duna guiá na e organisashon kompletu di Marchena Braves, for di klase hubenil te na klase AA i guiá e organisashon pa stapnan grandi i positivo ku pronto e organisashon lo bai komparti ku komunidat.
Eldrion Regina sigur no ta un persona deskonosí pa e organisashon di Marchena, mirando ku for di hubenil e la hunga bala pa e ekipo di "Marchena Hardware".
Presidente nobo Eldrion Regina a konta ku defuntu Shon Ki Nicasia, tabata esun ku a mira un potensial den su persona. Shon Ki ku su manera uniko a duna guiá na diferente pelotero di nos isla ku awe ta profeshonal den Major League Baseball. E potensial ku defuntu Shon Ki Nicasia a tuma nota di dje den ami komo Eldrion Regina, ta e mesun potensial ku lo mi kier pa kada persona, for di esun mas yòn te pa esun di mas edat kuminsa mira den otro.
Defuntu Shon Ki Nicasia a mira un potensial den Eldrion pa e deporte di beisbòl ku E mes no tabata sa, i ku yudansa i e perseveransia nesesario, a pone ku komo hoben Eldrion tambe a forma parti di e promé tim di Senior League ku a bira Kampion Senior League World Series na 2002.
Mas aleu e presidente nobo Eldrion Regina a splika ku e organisashon di Marchena Braves, no ta un organisashon ku fondo, ni tampoko nòmber nan grandi òf konosí den dje, pero si nos kada unu mira e potensial chikitu den un otro, huntu e organisashon lo krese. Tambe a presentá e direktiva nobo di Marchena Braves ku ta konsistí di:
General Manager: Quincy Virginie
Presidente: Eldrion Regina
Vise presidente: Derick Colina
Segundo Vice Presidente: Tony Passial
Tesorero: Rosa Sille
Segundo Tesorero: Lucille Tremus
Komisario: Gianni Sille
Segundo Komisario: Sharline Schmidt
Secretaria: Kristel van Putten
Segundo Secretaria: Indra Sille
Manager MB AA: Gilmar Velder(lòs for di direktiva).
Marchena Braves sigur lo bai konosé diferente kambionan positivo pa aña 2022 komo organisashon i lo bai komparti esakinan ku komunidat, pa asina nan sera konosi ku e organisashon, pero tambe laga hobennan den e organisashon desaroyá nan mes den e deporte di beisbòl.
