Marlins ta gana Flamboyan/Tigers den Liga 50
WILLEMSTAD- Marlins a gana Flamboyan/Tigers ku skor 13 pa 9 den Liga 50 djasabra na Van Engelen Ballpark. Marlins su rèkòrt a bira 10-4 i ta na di 4 lugá riba e standing. Den otro wega Jaws a dal Lions duru ku skor di 18-4 i Baranka a gana Catpower 24-2. Standing ta Baranka na promé lugá ku rèkòrt 15-1, Ban Serio 13-2, Jaws 11-4, Marlins 10-4, Lions 6-8, Pitufos 6-8, Sluggers 6-8, Flamboyan 5-9, Catpower 1-15 i Artemisia 0-14.
Djasabra 26 di ougùstùs
Jaws 18, Lions 4
Jaws tabatin 18 hit ku 2 eror. Edison Sambo a gana, Rudsel Schmidt ku Shamir Evers, ámbos di 1-1. Victor Caldera di 2-1. Cedrix Valies, Tyron de Palm, Fernando Rosario i Carlos Madera, tur a bai di 2-2. Edison Sambo a bai di 3-2. Fernando Rosario a konektá 1 homerun. Lions a dal 5 hit i hasi 5 eror. Gurtney Adriana a pèrdè. Hubert Sakoetoe, Nelson Jacoba, Cedric Curiel, Sendy Marceli i Edwin Thielman, tur a bai di 2-1.
Baranka 24, Catpower 2
Baranka a dal 17 hit i kometé 1 eror. Rudney Garmers a tabata ganadó. Fisel Pereira, Robertico Ramazan, Sherlon Chirino i Remey Janga, tur a bai di 1-1. Joseph Everon a bai di 2-1, Shendy Cras di 2-2, Myron Wijman ku Gregory Reina, ámbos di 3-2 i Sedeney Lourens a bai di 3-3. Joseph Everon, Shendy Cras, Myron Wijman, Gregory Reina i Sedeney Lourens, tur a konektá 1 homerun. Catpower tabatin 3 hit ku 4 eror. Percy Gosepa a resultá pèrdèdó. Richard Campagnard a bnai di 1-1. Percy Gosepa ku Earl Virginia, tur 2 a bai di 2-1.
Ban Serio 7, Sluggers 0
E wega a wòrdu forfeit i Ban Serio a gana e wega.
Marlins 13, Flamboyan 9
Marlins tabatin 14 hit i nan a hunga sin eror. Gilbert Henrietta a bai ku e viktoria. Bryan Esclodina, Jurgen Susanna ku Aldrin Visser, tur a bai di 2-1. Gilbert Henrietta a bai di 2-2. Randolf Balentina, Irving Sambo ku Eddy Obispo, tur 3 a bai di 3-2. Jurgen Susanna, Randolf Balentina, Eugene Antonio ku Richard Ostiana, tur a konektá 1 homerun. Pa Flamboyan 12 hit ku 3 eror. Eithel Brunken a karga ku e derota. Luis Alcantara a bai di 1-1, Stanley Palm , Richinel Candelaria ku Egbert Polonius, tur 3 a bati di 2-1. Gerthon Matrona a bai di 3-2 i Randolph Garmes di 3-3. Luis Alcantara i Richinel Candelaria, ámbos a konektá 1 homerun.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia i felis siman. Kòrsou den representashon di Karibe a bira kampion internashonal ku viktoria sorprendente kontra di Chinese Taipei djasabra. Djadumingu nos selekshon a kai vensí den último inning kedando den tereno kontra e representashon di West (El Segundo California). E wega final a terminá ku skor di 6-5 i nos a gana e wega kontra Tapei (final internashonal) ku skor di 2-0. Tabatin tin un òptògt di airport pa Brionplein manera tabata e kaso dia e selekshon Senior kampion Mundial a yega.
* * * * *
Liga di Nos Tur a sigi interesante djabièrnè i djasabra na Frank Curiel Ballpark. Kosnan a bòltu formal despues ku ekipo Sin Strès i Chilling a gana den e promé wikènt. Djabièrnè i djasabra último tantu Sin Strès komo Chilling a pèrdè dos wega sigí i pèrdè e seri. Sin Strès ku a terminá number 1 ku skor di 9-7 a gana e promé wega, kaba pèrdè dos wega sigí (7-4 i 13-10) kontra di Shining Stars. Ekipo Shining Stars ku a terminá kampionato regular na di dos lugá a pasa pa final segun nos pa promé biaha den Liga di Nos Tur. Ekipo Sin Strès lo bai topa ku Un Kara ku a eliminá Chilling wikènt pasá. Chilling a gana di Un Kara ku skor di 12-9, pero a pèrdè wega number 2 ku skor 16-0 i wega number 3 ku skor di 7-0.
%20copy.jpg)
* * * * *
Play-off entre Un Kara i Sin Strès. Kandela ruman, lo tin djabièrnè i djasabra awor pa 8.30’or na Frank Curiel Ballpark. Ta e dos eterno rivalnan den final i un di nan mester keda afó e aña aki debí ku Shining Stars ya ta den final. E promé kampionato di Liga di Nos Tur tabata na aña 2018. E aña ei ekipo Sin Strès a gana di Un Kara i bira kampion. Despues ekipo Un Kara a bira kampion na 2019, 2020, 2021 i 2022. Super kampion ekipo Un Kara ku a bira kampion asta den temporada di Covid. E play-off semi-final aki lo bira interesante.
* * * * *
Den Liga 50 ekipo Baranka ta sigi pasa fásil riba nan kontrinkantenan. Baranka a dal Catpower feros ku skor di 24-2 konektando 5 homerun. Sedeney ‘Spin’ Lourens di 3-3 ku un homerun. Shendy Cras di 2-2 ku 4 RBI. Rudney Garmers a gana pa Baranka. Baranka den su último weganan a gana ku skor di 24-2, 19-12, 20-8, 17-2, 19-3 i 14-4. E weganan aki despues ku Jaws a gana Baranka ku skor di 5-4 dia 15 di yüli. Den otro weganan di wikènt, Jaws a gana Lions 18-4, Ban Serio a dal Sluggers 7-0, parse ku ta forfeit debí ku hungadó ekspulsá no kier a bai for di vèlt. Marlins a dal Flamboyan 13-9 den e último wega di djasabra último.
* * * * *
Lidernan den Liga 50 a keda kasi meskos ku siman pasá. Kelvin Winklaar (Ban Serio ) ku average di .706, sigí pa Emeric Agata (Baranka) ku tin .667 i Rombley (Ban Serio) ta na di 5 lugá tin .636. Gilbert Juliet tabata number 2 den bateo a bai di 2-0 kontra di Marlins djasabra último i awor ta na di 4 lugá den bateo ku average di .639. E tabatin average di .767 siman pasá. Sherdon Rombley ku tabata lider den kareda empuhá ku 29 a bira number 2, debí ku Sedeney Lourens (Baranka) ku e empuhá 3 kareda i awor tin 30. Rombley a keda naturalmente na 29 debí ku wega di Ban Serio a terminá pa forfeit. tin 27 i Fisel Pereira (Baranka) tin 26 RBI.
* * * * *
Sedeney ‘Spin’ Lourens ku a dal un homerun a bai laga Rombley i tin 11 homerun i Rombley a keda na 10. Siman pasá nan tabata empatá den homerun ku 10. Den picheo Curtley ‘Gino’ Valeriaan (Baranka) tin un ERA di 3.71, sigí pa Edison Sambo (Jaws) 4.27 i Kenny Hellement (Baranka) 4.50. Kenny Hellement ta lider den ponche tirá ku 29. Nonnie de Roon (Ban Serio ) ta na di dos lugá ku 20 i Edison Sambo number 3 ku 15 ponche. Hungadónan di Ban Serio a pèrdè oportunidat pa drecha nan average. Nos ta keda te aki pa awe.
