Selekshon di Kòrsou ta dal Sint Lucia 4 pa 1 i klasifiká pa Grupo A
WILLEMSTAD – Selekshon di Futbòl di Kòrsou den un bon partido ta gana Sint Lucia ku skor di 4 pa 1 i klasifiká pa Liga A di CONCACAF djaluna 18 di novèmber 2024 den Stadion Ergilio Hato. Ku e viktoria aki Kòrsou lo bai hunga den e grandinan di Concacaf esta den grupo A. Bon públiko, mas tantu ku djabièrnè último a bai Stadion Ergilio Hato pa animá nos selekshon. Golnan a keda anotá pa Gervane Kastaneer i Juninho Bacuna.
Nan a nota dos gol kada unu. Kastaneer na di 27 i 30 minüt i Juninho Bacuna na di 73 i 79 minut. E gol di Sint Lucia a keda anotá pa R. Charles. Kòrsou a start ku e sigiente alineashon Room, Floranus, van Eijma, Gaari, Brenet, Leandro Bacuna, Comenencia. Gorré, Juninho Bacuna, Margaritha i Kastaneer. Kòrsou a hasi 5 kambio Carolina pa Brenet (74 minüt) , Roemeratoe pa Kastaneer (74 minüt), Antonisse pa Gorré (74 minüt), Kuwas pa Margaritha (87 minüt) , Zimmerman pa J. Bacuna (88 minüt). Kòrsou a terminá number 1 di Liga B Grupo B ku 13 punto, sigi pa Sint Lucia ku a terminá ku 9 punto, Grenada 7 punto, i Saint Martin 6 punto. Den kurso di siman nos lo tin mas desaroyo i mas detaye.
