Navegantes ta gana Bucaneros den Liga Van Engelen.

WILLEMSTAD- Djadumingu 19 di sèptèmber Liga Van Engelen a kontinuá ku nan kampionato ku 3 wega ku tuma lugá na Van Engelen Ballpark. Navegantes ta gana Bucaneros ku skor pèrtá 2-1. Den e otro weganan Kings a derotá Clase Aparte pa medio di nòkout 20 pa 6. E wega di Jaws kontra Quisqueya a terminá ku un viktoria pa Jaws pa medio di nòkout ku kor di 15-0. Lástimamente nos no a risibí e numéritonan di e wega aki.  

 

Navegantes ta gana Bucaneros ku skor pèrtá 2 pa 1.

RESULTADONAN

Kings 20, Clase Aparte 6

Kings tabatin 21 hit ku 2 eror. Ranki Ruis a gana. Jourmay Josepha a bai di 4-4. Vernon Bautisma ku Reamy Kleinmoedig, ámbos a bai di 4-3. Temesh Lourens  bai di 3-3. R. Martis ku Jurymay Kleinmoedig di 3-2, ámbos. Riley Liberia a bai di 4-2 i Kevin Muller di 2-2. Pa Clase Aparte 8 hit ku 5 eror. Orlando Gerard a pèrdè. Shurby Sambo, Leroy Antonia ku Adnan Aitatus, tur a bai di 3-2. Serwin Daal a bai di -1 I Richene Martina a bai di 2-1.

Swift den dugout. Luigino Domacasse lider den bateo di Liga van Engelen ku average di .733. Luigino ta sinta promé te na man robes den dugout di Swift.

Navegantes 2, Bucaneros 1

Navegantes a dal 8 hit i nan a kometé 1 eror. Ryan van Heydoorn tabata picher ganadó. Gerson Adamus ku Jurnick Floranus, ámbos a bai di 3-2. Andley Simmons a bai di 1-1. Germain Genaro ku Ryan van Heydoorn a bai ámbos di 2-1. Bucaneros tabatin 7 hit i nan a hunga sin eror. Alexander Guanipa a resultá pèrdèdó. Rafael Amaya, Jhan Rafaela ku Alberto Lovera, tur a bai di 2-1. Segundo Contin, Ricardo Vera, Adan Adamus ku Erick Lopez, tur a bati di 3-1.

Jurnick Floranus di 3-2 pa Navegantes wikènt pasá. Un dje batiadónan ku bon poder den Liga van Engelen.
Emilio Velarde Lugo lider den ponche tirá i number 4 den ERA ku 2.31.

‍

Archie Bernabela, gran dirigente di Jaws i di Liga Van Engelen.
Liga mester di un boost pa fanatikonan haña kaminda bek pa weganan di Van Engelen.

‍

‍