WILLEMSTAD- Nos Goso a dal Mi Deseo 13 pa 4 , Treasure a gana Rising Phoenix ku skor di 8 pa 4 den e promé dos weganan di e Caribbean Women 35+ Softball Tournament organisá pa Nos Goso. E torneo ta tumando lugá na Buena Vista Ballpark ku partisipashon di ekiponan di Aruba, Boneiru, Kòrsou, Sint Maarten i Hulanda. Ekiponan di Caribbean Women 35+ Softball Tournament ta Rising Phoenix, Mi Deseo, Treasure i Nos Goso di Kòrsou. Di Aruba ta Angels, di Boneiru New Angels i Dutch Lions di Hulanda. Ekipo di Sint Maarten Up Settersz tambe lo ta presente. Djadumngu tin weganan di semi-final i final na Buena Vista ballpark.
Swift ta nòkout Bucaneros i sigi invikto den Liga van Engelen
WILLEMSTAD – Swift ta sigi gana den Liga van Engelen i ta invikto. Djadumingu último Swift a gana Bucaneros ku skor di 15-2 i ta sigi invikto ku rekòrt di 12-0. Den e otro weganan Navegantes a dal Renegados 13-11 i Clase Aparte a dal Jaws 13-9. Standing den Liga van Engelen ta lo sigiente. Swift 12-0, Jaws 9-4, Clase Aparte 8-4, Quisqueya 8-4, Bucaneros 6-7, Navegantes 6-7, The Kings 4-7, Big Leaguer 2-9, Renegados 0-13.
Navegantes 13, Renegados 11
Navegantes a bati 12 hit i nan a kometé 1 eror. Gillione Pikerie a gana i Gedeon Noor a bai di 1-1. Jean Marc Casilio a bai di 2-1. Ryson Polonius ku Eugene Antonio, ámbos a bai di 2-1. Pa Renegados 12 hit ku 2 eror. Shurendy Mariano a pèrdè. Kristian Djaoen i Sergio Rodriguez. Ámbos a bai di 2-1. Antonio Silva a bai di 2-2 i Gilberto Almonte a bai di 4-3.
Swift 15, Bucaneros 2
Swift tabatin 12 hit ku 1 eror. Dicson Acosta a gana. Darwin Blanquicette ku Julio Cesar Del Rosario, ámbos a bai di 3-2. Dimitri Leon a bai di 3-2. Anjhonny Jesus Martina – Zea a bai di 2-2, inkluyendo 1 homerun. Dimitri Leon, Dicson Acosta ku Jegveny Hendrik, tur 3 a konektá un homerun. Bucaneros tabatin 4 hit ku 1 eror. Erick Lopez a pèrdè. Denys Puerta a bai di 2-1 i Segundo Contin di 2-2.
Swift fásil den Liga van Engelen ku rekòrt di 12-0.
Clase Aparte 13, Jaws 9
Clase Aparte a dal 9 hit i nan a kometé 5 eror. Richene Martina a resultá picher ganadó. Leroy SAntonia, Stanley Girigorie i Giliomar Giterson, tur a bai di 2-1. Geriyon Jakob ku Ulrich Snijders, ámbos di 3-2. Ulrich Snijders a konektá 1 homerun. Pa Jaws 11 hit ku 4 eror. Alexander Rodriguez a resultá pèrdèdó. Jurich Marlin i Jermaine Esprit, ámbos a bai di 2-1. Raysheron Michel ku Alexander Rodriguez, tur dos di 3-2 i Argenis Daal di 4-3.
INFORMASHON DI SÒFTB0L I BEISBÒL
Fanátikonan di Deporte Kòrsou, bon dia i felis wikènt. Santa Maria Pirates a klasifiká pa final di Beisbòl Dòbel A atrobe. 2021 tabata e ekipo Royal Scorpions ku tabata den final kontra di Wild Cats, na 2020 ekipo Santa Rosa a topa ku Wild Cats i na 2019 tabata Santa Maria den final i nan a pèrdè kontra di Wild Cats. Santa Maria a bira kampion pa último biaha na 2018. Final ta bai bira fèrfelu i Santa Maria a krese ku refuerso di e dos pichernan Hulandes. Djaweps e picher Hulandes Scott Prins tabata hermétiko tirando 9 inning, permití 5 hit i tira 9 ponche i sero base por bola.
* * * * *
Djasabra ta sigi ku play-off di Liga 50 na Van Engelen Ballpark. Den e promé wega pa 11’or ekipo Flamboyan dilanti 1-0 den e seri lo topa ku Jaws. Den e di dos wega e dos titannan di Sòftbòl Liga 50 ku ta Baranka lo topa ku Ban Serio pa 2’or. E dos ekiponan a topa otro na 2021 i tabata Baranka ku a gana e seri den tres wega. Despues Baranka a bai final i gana Pitufos den 3 wega p'asina bira kampion pa promé biaha den Liga 50. Por spera e picher Kenny Hellement atrobe djasabra kontra di Miro Daal. Flamboyan tin hopi chèns di yega final despues di hopi aña. Segun nos na 2014 Flamboyan a bai final kontra ekipo Ban Serio i pèrdè e seri 2-0 i bira supkampion. Baranka a bai final ganando 22-20 i ekipo Jaws a nòkout Tigers 23-8.
* * * * *
Wikènt tin play-off di Beisbòl Veterano na Vi Jansen Ballpark. Pa 11’or ekipo Isla Crackers lo topa ku Quality Stars i 2’or Santa Maria Pirates kontra di Jandoret Raiders. E ekiponan menshoná lo bolbe topa ku otro djadumingu na mesun orario na Vi Jansen Ballpark. Manera ta e kaso den Beisbòl Veterano último añanan ta spera un públiko grandi na Vi Jansen Ballpark. Ta un parke ku su infrastruktura ta trahá òf a resultá speshal pa tur hende por disfrutá i wak wega rondo di e parke sin tin mester di yega serka. Play-off tras play-off den e dianan benidero. Na Frank Curiel Ballpark tin play-off di Liga 60 djadumingu ora ku Pitufos lo topa ku Mon Repos Sluggers pa 12’or pm i despues pa 2’or pm ta Nos Tambe Por kontra di Jaws.
* * * * *
Djarason e di 9 Dutch Caribbean Women 35+ Softball Tournament a start na Buena Vista Ballpark. E torneo ta dediká na Patsy Saturino, èks gran sòftbòlista i fundadó di ekipo Nos Goso ku ta organisadó di e torneo. Ekiponan di Hulanda, Aruba, Boneiru, Sint Maarten i Kòrsou ta partisipando den e torneo manera ya a bira un tradishon. Djarason ekipo Nos Goso a gana Mi Deseo 13 pa 4 den e promé wega na Buena Vista Ballpark. Den wega number 2 Treasure a derotá Rising Phoenix ku skor di 8 pa 4. Weganan a sigi djabièrnè, djasabra i djadumingu tin e gran final. Pa wikènt benidero lo tin final di Liga di Nos Tur.
* * * * *
FEBEKO ta pendiente pa publiká skèdjel di play-off final. Hopi play-off ta kai pareu i unu ta stroba otro. Pa loke ta trata FEBEKO ta bon pa ‘next time’ tene kuenta ku play-off di MLB. Den e kaso aki ekiponan ku a bai World Series no tin masha fanátiko aki na Kòrsou. Un World Series di Atlanta Braves vs New York Yankees lo a pone Kòrsou plat den e oranan ku tin e weganan i establesimentuan Horeca lo a bende muchu mas tantu ku aworaki ku World Series ta bai entre Houston Astros i Phildelphia Phillies. Astros ta faborito pa gana e seri den 6 wega. Tene kuenta si ku Philadelphia no tabata faborito pa gana niun di e serinan anterior manera ya nos a skibi e siman aki.
* * * * *
Liga Amstel i Liga Van Engelen a sigi normal riba djasabra i djadumingu na Van Engelen Ballpark i nos ta pendiente di resultado. Masha hopi ekipo mes di Kòrsou a move djaweps i awe pa Aruba pa partisipashon di e torneo SKAK+. Ta e di 7 edishon di Torneo Sòftbòl Komersial Aruba i Kòrsou. E torneo ta SKAK+ debí ku Boneiru i Sint Maarten tambe a djòin.
