Nos Goso Gai Lihe kampion Torneo Internashonal Un Kara i Nos Tambe Por kampion Torneo Kid Boca Chica
WILLEMSTAD- Nos Goso a bira kampion Torneo Internashonal Un Kara djadumingu 14 di aprel 2024 na Sam Bunting Ballpark. Nos Goso a gana Canada ku skor di 5-3 den extra inning den di 8 inning den e wega final.
Den e wega di semi-final, 1 vs 4 Nos Goso a gana Rising Phoenix 7-4 i Canada a gana Treasure 2 pa 1 den e seri 2 vs 3. Tur wega tabatin bon asistensia di públiko i tabata un torneo super deportivo.
Nos Tambe Por kampion Torneo Kid Boca Chica 2024
WILLEMSTAD- Nos tambe Por a gana di Pitufos 4-3 den final i bira kampion Torneo Kid Boca Chica 2024, djadumingu 14 di aprel na Frank Curiel Ballpark. Un bon públiko tabata presente pa mira e wega final. Sigfried Lopez a tira wega kompletu pa bira e picher ganadó. Despues di wega tabatin entrega di premio.
RESULTADONAN
Nos Tambe Por 6, Jaws 5
Nos Tambe Por tabatin 10 hit i nan a kometé 3 eror. Nelson Jacoba a gana i Jurgen Lichtenberg a bai di 2-2. Jaws a dal 6 hit i nan a hasi 4 eror. Riley Toppenberg a pèrdè. Rudsel Schmidt i Ruben Snoyl, ámbos a bai di 3-2.
Pitufos 7, Nos Power 2
Nos Power a dal 10 hit i nan a kometé 1 eror. Rudsel Petronilia tabata ganadó. C. Constancia a bai di 3-3. Nos Power tabatin 2 hit ku 2 eror. Isaac Francees a resultá pèrdèdó. Winston Kirindongo a bai di 2-1 ku tabata 1 homerun.
Los Amigos 2, Pitufos 1.
Los Amigos tabatin 4 hit ku 1 eror. Provence a gana i Maal Jonis a bai di 2-1. Pitufos a dal 4 hit i hasi 1 eror. P. Conradus a pèrdè. Amarildo ‘Bani’ Coffie a bai di 2-2.
Lions 3, Sluggers 2
Lions dal 8 hit i hunga sin eror. Gregory Martijn tabata ganadó. Floranus ku Mathilda a bai di 3-2. Ronchel Daal a konektá 1 homerun. Sluggers tabatin 8 hit sin eror. Eldred Bakker a resultá pèrdèdó. Otmar Alexander a bai di 2-2.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia i felis siman. Kon a bai ku Seú na Banda Bou. Torneo Hope a sigi na Van Engelen Ballpark i Torneo Kid Boca Chica a terminá djadumingu na Frank Curiel Ballpark. Torneo internashonal organisá pa Un Kara tambe a terminá djadumingu dilanti un bon públiko na Sam Bunting Ballpark na Brievengat.
* * * * *
Nos a risibí hopi informashon di Beisbòl Veterano despues di reunion. Kampionato di Beisbòl Veterano lo start djasabra 4 di mei na Vi Jansen Ballpark. Lo tin wega djasabra i djadumingu manera ya a bira un tradishon. Dianan 11 i 12 lo no tin wega di Beisbòl Veterano, debí ku algun ekipo a pidi pa para wega dor ku nan hungadónan lo ta den Kopanan ABC&S na Aruba, Boneiru i Sint Maarten. Nos tabata pendiente di Seri del Caribe organisá pa Pitufos ku mester a tuma lugá na Kòrsou.
• * * * * *
Den e dianan benidero nos tin resultado di Torneo Hope ku lo bai start ku e play-offnan pronto. Manera nos a pronostiká, ekipo Nos Goso a bira kampion di e torneo Internashonal organisá pa Un Kara den kuadro di selebrashon di nan di 10 aña. Ekipo di Canada a terminá number 2 i Treasure number 3. Tres di mihó ekiponan di Sòftbòl Veterano Femenino a partisipá na e torneo. MVP a resultá Carlintje Cleopa ku tabatin tremendo labor komo picher di Nos Goso.
* * * * *
Pa loke ta trata Torneo Kid Boca Chica ekipo Nos Tambe Por a bira kampion ganado Pitufos ku skor di 4-3 den e gran firnal. Djasabra ekipo Nos Tambe Por a gana di Jaws den un wega krusial pa wak kua ekipo ta klasifiká number 1 den Pul A. Nos Tambe Por a klasifiká ku rèkòrt di 3-0 den Pul A i bai topa Pitufos ku tabatin rèkòrt di 1-1, pero ku mihó saldo di kareda kontra. Den e artíkulonan nos tin mas detaye i pòtrèt. Nos kolumna ta mas kòrtiku awe, debi na resultadonan i pòtrèt di Torneo Kid Boca di 60+ i Torneo Un Kara di Sòftbòl Femenino Veterano. Nos ta keda te aki pa awe i te mayan ku Poder di Dios.
