WILLEMSTAD- Nos Tambe Por ku picheo di Richenel ‘VKC’ Rafaela a dal Lions fásil ku skor di 9-0. E dos otro weganan a keda suspendé pa motibu di awaseru. Jaws tabata ganá 7 pa 0 di Curacao Super Stars. E wega entre Pitufos vs Amigos tambe a keda suspendé. E weganan memshoná lo sigi djadumingu awor.
Djadumingu 31 di yüli
Nos Tambe Por 9, Lions 0
Nos Tambe Por a dal 13 hit i nan a kometé 1 eror. Richenel Rafaela a gana. Norwin Moesquit ku
Siegfried Lopez, ámbos a bai di 1-1. Sherwin Belioso ku Jeromin William, tur dos a bai di 2-2 i Renato Anasagasti di 3-2. Lions tabatin 4 hit ku 5 eror. Ramon Moreta a pèrdè. Darcey Martines i Tyrol Minguel, ámbos di 2-2. Heinrich Wever di 3-2.
Baranka i Tigers ta gana den Liga 40
WILLEMSTAD- Liga 40 di Sòftbòl a start djamars último na Van Engelen Ballpark. Baranka a gana Jaws fásil ku skor di 21 pa 6. Den e otro wega Crazy Tigers riba homerun di Curby Brunken a gana di Gamers ku skor di 19 pa 18. Liga 40 ta sigi djaweps 4 di ougùstùs ku dos wega. Pa 7.30 Jaws ta hunga kontra Gamers i despues 9.30 Crazy Tigers kontra di Swift.
Djamars 26 di yüli
Baranka 21, Jaws 6
Baranka tabatin 15 hit ku 1 eror. Kenrick Hellement a gana. Dwight Alexander a bai di 1-1. Edmar Cornelia, Reinaldo Casimiri i Eldred Estanista, tur a bai di 2-1. Gerald Zimmerman di 4-4 i Jair Josepha a bai di 4-3. Erling Gosepa a konektá 1 homerun. Eldred Estanista a dal un homerun (grand slam). Jaws a dal 8 hit i nan a hasi 7 eror. Axel Gomez a pèrdè. Dudley Felicia ku Igmar Martina, ámbos di 2-1. Jurien Martina a bai di 3-3 i Bertison Ignatia di 3-2 inkluyendo 1 homerun.
Crazy Tigers 19, Gamers 18
Crazy Tigers a dal 19 hit i kometé 1 eror. Sharlon Hanst tabata picher ganadó. Curby Brunken ku Luigi Yanez, ámbos a bai di 3-3. Gregory Ranis di 3-2. David Kirindongo a bati di 4-4 inkluyendo 2 homerun. Curby Brunken tambe a konektá 2 homerun. Pa Gamers 22 hit ku 1 eror. Fary Lard a resultá pèrdèdó. CAROL Puriel a bai di 3-3. Rodney Michel, Darren Hollander, ámbos di 4-3. Bryon Kook a bai di 4-4. Bryon Kook, Ivan Martis ku Ridney Michel, tur a konektá 1 homerun.
INFORMASHON DI SÒFTBÒL I BEISBÒL
Fanátikonan di Deporte Korsou, bontardi i felis siman. Selekshonnan di Little League ta moviendo na pa USA. E aña aki nos tin kantidat rekort di selekshonnan den kampionato Mundial di Little League tantu riba nivel di Beisbòl komo Sòftbòl. 3 ekipo di Beisbòl Little League i dos ekipo di Sòftbòl a klasifiká pa hunga Mundial. Intermediate a termina 1-2 i a keda elimina. Softbol Junior League a perde 4 wgea sigi. Senior a termina ku rèkòrt di 1-3. Ta solamente e ekipo Senior di Beisbòl di Kòrsou no a logra bira kampion di Region i tabata e ekipo mihó riba papel. Minor tambe a bira kampion den un kompetensia bastante fuerte, pero no tin Mundial di Little League riba nivel Minor League. E kampionato di Minor League na Mayaguez riba nivel Latino tabata e kampionato ku tabatin mas ekipo ku tur otro Latino/Karibe di Little League. Einan ta 10 ekipo a kompeti pa e titulo máksimo.
* * * * *
Di djaweps pa djadumingu último tabatin Torneo SKAK na Kòrsou. Un ekipo di Boneiru i otro di Aruba a partisipá na e kompetensia. Ekiponan di Aruba (Setar) i Boneiru (WEB) tabata fuerte. Nan a bini fuerte ku algun hóben ku ta move den Slowpitch na Boneiru den gran forma. Aruba tambe a bini ku varios hóben ku ta move den Slowpitch. Na 2019 tabatin torneo. Tabatin 4 ekipo di Aruba den e torneo SKAK ku tabata na komieiso di ougùstùs di 2019. Biaha pasá tabatin 16 ekipo repartí den 4 pul. Naturalmente despues di temporada Covid-19 ta poko poko per sigur tur asuntu ta bini bèk.
* * * * *
2019 tabata ekipo SBAB ku a bira kampion ganando di Kooyman ku skor di 11-1 den final ku Jeremy Lucas tirando tremendo. Jeremy Lucas a bira MVP di e fecha final. Selikor a sali na di 3 lugá. Ekiponan Balashi, Kooyman Aruba, Serlimar i Pro Tech a representá Aruba na e okashon ei. En todo kaso fin di òktober lo tin e torneo na Aruba i por spera basta ekipo di Kòrsou pa kompetí.
* * * * *
Beisbòl Dòbel A a sigi den wikènt ku varios wega den Tio Daou Ballpark. Stadion Johnny Vrutaal ta den situashon ku no por hunga Beisbòl por lo pronto. Djasabra anochi Santa Rosa Indians a pasa fásil riba Groot Kwartier ganando ku skor di 13 pa 4. Djabièrnè Groot Kwartier Stars a sorprendé Santa Rosa i gana ku skor di 7 pa 2. E hóben Jeandrik Lourens a tira tremendo atrobe pa Groot Kwartier gana. Jardel Martina i Zairich Daal a relevá Jeandrick Lourens pa konservá e viktoria. Cezan Rafaela i Siamani Boekhoudt a tira pa Santa Rosa. Siamani a tira 6 inning i tuma solamente dos kareda.
* * * * *
Standing promé ku e weganan di djadumingu siman pasá ta Royal Scorpions 7-3, Wild Cats 7-3, Santa Maria Pirates 7-4, Santa Rosa Indians 7-4. Groot Kwartier Stars 6-5, Firebirds 2-8 i Marchena Braves 1-10. Marchena Braves a zona un kampanaso den nan promé wega di kampionato ganando di Wild Cats 7-0 i despues di einan nan a haña 10 derota sigí. Ta kosnan di Beisbòl. Royal Scorpions a sali pèrdè 3 wega sigí pa despues gana 7 wega sigí. Anke e wega ku Royal Scorpions a pèrdè ku skor di 17-0 kontra Wild Cats no ta notá komo pèrdí ainda. Wega a keda para di un manera òf otro den di 4 inning.
* * * * *
Nos tin lidernan den Beisbòl Dòbel A. Alex Henreitta di Royal Scorpions ta lider ku un average di .483, sigí pa Calton Daal di Santa Rosa ku tin .457. Urlich Snijders di ekipo Wild Cats ta lider den RBI ku 14 kareda empuhá. Edinho Meyer (Royal Scorpions), Stephan Vidal (Royal Scorpions), Randolph Kirindongo (Royal Scorpions) i Raysheandall Michel (Wild Cats) tur tin 13 kareda empuhá. Alexander Rodriguez (Wild Cats) tin un ERA di 0.00. Ta sigi Denverich Martines (Royal Scorpions) ku 1.46. Jeandrick Lourens di ekipo Groot Kwartier Stars ta lider den ponche tirá ku 22. Ta sigi Cedeon Langguth (Firebirds) ku 20 ponche empatá ku Ruderly Manuel di Wild Cats ku tambe tin 20 ponche. Selikor a bira kampion di Torneo SKAK ayera na Van Engelen Ballpark. Awe pa 6’or am, selekshon Intermediate lo hunga promé wega aya na Livermore. Nos ta keda te aki.
