Nos Tambe Por kampion Dutch Caribbean Championship Masters 60+
KRALENDIJK - Nos Tambe Por ku bon picheo di Siegfried Lopez a gana Bonaire Stars ku skor di 5 pa 0 i bira kampion di e Dutch Caribbean Championship Masters 60+. E torneo a tuma lugá na Boneiru. Nos Tambe Por a klasifiká number 2 den pul B i ekipo Sluggers a sali number 1 di Pul A.
Nos Tambe Por a gana ekipo Sluggers ku skor di 10 pa 0 den semi-final. Bonaire Stars number 2 den Pul A a gana di Lions number 1 den Pul B, ku skor di 8 pa 5. Den e parti di Challenger ekipo Dalspat a laga One Reckless di Hulanda den tereno pa bira kampion. Nos tin reportage di entrega di premio vários potret durante e kampionato ku a start djabièrnè i terminá djadumingu último ku partisipashon di ekiponan di Aruba,Boneiru, Kòrsou i Hulanda.
