Nos Tambe Por ta dal Pitufos 12 pa 2 den Liga 60 Un Kara i Chilling ku dos viktoria den Liga di Nos Tur
WILLEMSTAD- Nos Tambe Por ku picheo kombiná di Richenel Rafaela i Wim Felicia a gana Pitufos ku skor di 12-2 djadumingu den Frank Curiel Ballpark. Nos tambe Por super kampion di Liga 60 tin rekòrt di 9 ganá i 0 pèrdí i Pitufos ta na di dos lugá ku 6-2. Den e otro weganan Mon Repos Sluggers a gana Curacao Super Stars 5 pa 3, Jaws a gana Los Amigos ku skor di 8 pa 2.
RESULTADONAN
Djadumingu 28 di ougùstùs
Mon Repos Sluggers 5, Curacao Super Stars 3
Mon Repos Sluggers tabatin 5 hit sin eror. Eldred Bakker a gana. Lincoln Echobardo a bai di 1-1. Irwin Leito, James Jackson, Edward Cathalina ku Franklin Ricardo, tur a bati di 2-1. Curacao Super Stars a dal 6 hit i nan a hasi 2 eror. Nelson Candelaria a pèrdè. Hermenegildo Bernadina a bai di 1-1. Ivan Ignacio, Albert de la Chiquez ku Kenneth Casper, tur a bai di 2-1. Elvis Helmeyer a bai di 2-2.
Jaws 8, Los Amigos 2
Jaws a dal 14 hit i hunga sin eror. Hubert Gomez tabata picher ganadó. Desmond Brathwaith ku Giovanni Toppenberg, ámbos a bai di 2-1. Russel Wilson a bai di 2-2, Johannes Curie di 3-2 i Marlon Römer di 3-3. Giovanni Toppenberg ku Sandy Reina, ámbos a konektá 1 homerun. Los Amigos tabatin 9 hit ku 4 eror. Frensel Martinez a resultá pèrdèdó i Ingemar Jonis a bai di 1-1. Candido Adamus, Abelino Julia i Hubert Malasia, tur a bati di 2-1. Howard Rojer a bai di 2-2 i Marlon Winklaar di 3-2.
Nos Tambe Por 12, Pitufos 2
Nos Tambe Por a dal 16 hit i nan a kometé 1 eror. Richinel Rafaela a gana. Siegfried Lopez, Oswin Basilia ku Rudsel Baromeo, tur a bai di 1-1. Percey Schoop ku Jeromin William, ámbos di 2-1. Renato Anasagasti, Richard Coffie ku Sherwin Belioso, tur a bai di 3-2. Willem Felicia a bai di 3-3. Pitufos tabatin 4 hit ku 3 eror. Lesley Martina a pèrdè. Luis Coffie ku Gilbert Hooi ámbos di 1-1. Rignald Hooi ku Fhilip Osepa tur dos a bai di 2-1.
Un kara i Chilling ta gana den Liga di Nos Tur
WILLEMSTAD- Un Kara i Chilling ekiponan kampion i supkampion di 2021 a gana den wikènt den kontinuashon di Liga Di Nos Tur na Frank Curiel Ballpark. Chilling a sweep Curacoa Sweethearts, miéntras Un Kara a dal nan rival Sin Stres dos wega sigí. Un Kara ta keda lider ku rekòrt di 14-1. Nan ta kampion di 2019,2020 i 2021 di Liga di Nos Tur.
Djabièrnè 27 di ougùstùs
Chilling 5, Curacao Sweethearts 4
Chilling a dal 9 hit i kometé 1 eror. Dulce Petronilla a gana. Maria Bentura a bai di 1-1. Svenka Bazur, Mellisa Rosalina, Estreline Lindenborg ku Angelique Gouverneur-Fransina, tur a bai di 2-1. Myriela Carlo i Loeshemains Kook, ámbos di 2-2. Pa Curacao Sweethearts 10 hit ku 3 eror. Irlyn Lard a pèrdè. Melanie Adriana, Mirula Basilia ku Arlynalda Margarita, tur a bati di 2-1. Sue Ellen Mouricia a bai di 3-2 i Sjulivien Martina di 3-3.
Un Kara 13, Sin Stres 4
Un Kara tabatin 15 hit ku 1 eror. Carlientje Cleopa tabata ganadó. Girela Maria-Isabella a bai di 1-1. Carlientje Cleopa a bai di 2-1 i Fayna de Mey di 2-2. Charelda Winklaar ku Lisette Hooi, ámbos di 3-2. Brunaila Felipie ku Isonette Polonius, tur 2 di 4-2. Isonette Polonius a konektá 1 homerun. Sin Stres a bati 4 hit i hasi 6 eror. Marie Windster a resultá pèrdèdó. Suvianka Virginia, Monica Noor ku Junise Goedgedrag, tur a bati di 1-1 i Janitza Betrian di 2-1. Tanusi Delando ku Susmaline Rifaela, ámbos di 3-2.
Djasabra 27 di ougùstùs
Un Kara 9, Sin Stres 7
Un Kara a dal 10 hit i kometé 3 eror. Mairis Obispo a gana. Rubia Adelina ku Lisette Hooi, ámbos di 2-1. Curilma Carolina ku Isonette Polonius, ámbos a bai di 2-2 i Brunaila Felipie di 3-2. Sin Stres tabatin 12 hit ku 6 eror. Monica Noor a pèrdè. Solange Soliana, Suvianka Virginia i Joyceline tur 3 di 2-1. Sonna Valies ku Tanusi Delando, ámbos a bai di 3-2.
Chilling 5, Curacao Sweethearts 1
Chilling tabatin 9 hit ku 1 eror. Churmelyn Eduarda tabata picher ganadó. Angelique Gouverneur-Fransina a bai di 1-1. Myriela Carlo, Leonise Avastia, Hermarigila Bernardus ku Marie Bentura, tur a bai di 2-1 i Shurella Merkies di 3-3. Pa Curacao Sweethearts 5 hit sin eror. Angeledwina Sambo a resultá
pèrdèdó. Mirula Basilia, Junella Davelaar-Piternella, Sjulivien Martina, Joshmaye Chirino-Boelijn ku Yahaira Antersijn tur a bai di 2-1.
MAS INFORMASHON DI SÒFTBÒL I BEISBÒL
Fanátikonan di Deporte Korsou dia. Djasabra último selekshon di Kòrsou di little League den representashon di Karibe a bira kampion Internashonal di Little League World Series ganando di ekipo Chines Tapei (Asia Pacific) ku skor di 1-0. Esei tabata wega number 7 ku Kòrsou a hunga i mester a bai final ku rekòrt di 6-1 kontra di USA West ku tabatin rekòrt di 5-0, dos wega mas tantu ku USA West (Hawaii) i tur otro ku a hunga den e Little League World Series. Si nos lo a yega final invikto mes, nos lo a yega ku rekòrt di 6-0, debí ku a skohe nos pa hunga djarason dia 17 di ougùstùs i di mes nos ekipo i algun otro mas ta hunga mas wega. Remarkabel ta ku esaki no a bai via lòt, pero gewon via eskohensia di e organisadónan.
* * * * *
Kòrsou a kai vensí ku skor di 13-3 den e gran final kontra di Hawaii. No por t’asina ku un tim di un region di un liga semper ta bini ku hungadónan grandi. Kòrsou tin 6 hungadó di Grandes Ligas i ta hungadónan ku a sali for di Little League. Hawaii tin 4 ku ta Isiah Kiner- Falefa, Kolten Wong, Kurt Suzuki i Kirby Yates. Hawaii tin dos título último añanan, na 2018 i aworaki na 2022. Na 2005 tambe nan a gana nos den un gran final ku a bai 7 inning (extra inning). Picheo a kaba laga nos i ta nèt e weganan extra ku nos mester hunga pa nos pichernan no ta eligibel pa tira den e wega final. Naturalmente tur hende ker a mira Davey Jay Rijke den final kontra di Hawaii òf Hawaii tambe ku nan pichernan kansá manera di nos. En todo kaso pabien mes mes pa Kòrsou na promé lugá i Pabien na Hawaii.
* * * * *
Kòrsou su weganan a bai di e sistema aki den e Little League World Series. Wega 1: Kòrsou 2, Nicaragua 0. Wega 2: Panama 9, Kòrsou 3. Wega 3: Kòrsou 1, Italia 0. For di wega 3 tabata wega ‘Do or Die’ ke mèn, weganan di eliminashon. Wega 4: Kòrsou 4, Canada 2. Wega 5: Kòrsou 7, Nicaragua 2. E wega aki mester a tuma desishon òf rísiko ku ta saka Dave Jay ku e wega 7 pa 1 òf ta wardé pa final final. Davey Jay a tira riba 85 bala i no por a picha mas. For di ei, USA (West ku East, South East ku tur) a kuminsá selebrá e kampion. Kòrsou a sigi lucha i den wega number 6 di nos selekshon a gana di Mèksiko 2 -1 den e semi-final internashonal. Den e final internashonal nos a gana Chinese Taipei ku skor di 1-0. Gana dos wega di eliminashon ku skor di 1-0 no ta wega. Tremendísimo presentashon di nos muchanan atrobe na Williamsport. Bista lo keda riba e muchanan aki pa na momentu ku nan kumpli 16 aña sea ta firma profeshonal òf ta skohe pa studia na USA ku un beka di estudio.
* * * * *
Djaluna último e delegashon a yega for di Miami. Naturalmente tabatin masha hopi fanátiko na airport pa risibí nos selekshon. Manera a bira último añanan no por a organisá nada na aeropuerto debí na seguridat, pero gobièrnu, RBC Royal Bank di Curacao Little League a organisa algu na yegada di e muchanan. Tabatin un almuerso pa e muchanan na momentu ku nan yega., tremendo òptògt riba ruta di karnaval riba treiler i homenahe formal na Plaza Brion ku animashon di One Flavas.
* * * * *
Ban pa Slowpitch. Liga 50, Liga di Beisbòl Veterano a drei ku un sorpresa den wikènt. Vosama a sorprendé Santa Rosa Memories ganado 4-2. Jandoret a nòkout Marlins 14-0, Isla Crackers a dal Marchena 9 pa 4. Djadumingu mainta den 50+ ekipo Jandoret Raiders a gana Vosama 13 pa 4. Quality Stars a nòkout Yesterday 10-0, Azucar a derotá Otrabanda 10 pa 5. Wikènt benidero tin algun wega kandela den Beisbòl Veterano. Djasabra 1’or pm Santa Maria vs Isla Crackers, despues 3.30 pm Azucar vs Vosama. Djadumingu ta Marchena Stars vs Santa Rosa Memories pa 1’or i despues The Brothers kontra Jandoret pa 3.30’or. Den Liga 40 djaweps Baranka a ‘blackout’ Swift 16 pa 1 i Crazy Tigers a gana Jaws 17-11.
