Nos Tambe Por ta gana Los Amigos pèrtá 6 pa 5 den Liga 60
WILLEMSTAD- Liga 60 a sigi djadumingu ku 3 wega na Frank Curiel Ballpark. Nos Tambe Por di Chan Schoop a gana Los Amigos pèrtá ku skor di 6-5. Den otro wega Lions ku ta den gran forma atrobe a gana Nos Power fasil 11 pa 6. Jaws a nòkout Marlins 13-3.
RESULTADONAN
Lions 11, Nos Power 6
Lions a bati 18 hit i nan a kometé 3 eror. Ramon Moreta a gana. Elvis Jacobus, Gensley Balborda, Ramon Moreta, Ulvic Kirindongo ku Clifford den Hartog, tur a bai di 3-2. Hayworth Felipa a bai di 2-2. Kenneth Obispo ku Kenneth Varlack, ámbos bai di 2-1. 3 hungadó a bati di 1-1. Pa Nos power 12 hit ku 1 eror. Nelson Candelaria a pèrdè. Henry Wal i Oswalt Dalnoot, ámbos a bai di 3-3. Otmar Alexander ku Anthony Eustatius a bai di 2-1.
Nos Tambe Por 6, Los Amigos 5
Nos Tambe Por tabatin 9 hit i nan a hunga sin eror. Wim Felicia tabata picher ganadó. Rignald Hooi i Richard Coffie, ámbos a bai di 2-2. Edson Sophia a bai di 2-1. Dennis Leopold i Edsel Leopold a bai di 1-1.
Los Amigos a dal 9 hit i nan a hasi 3 eror. Raymon Zieck a resultá pèrdèdó. Heinrich Wever, Arie den Hartog, Filomeno Petrona i Antonio Franca, tur a bai di 2-1. Clovis Lodewijks a bai di 1-1.
Jaws 13, Marlins 3
Jaws a dal 11 hit i nan a kometé 2 eror. Frank Rafael tabata ganadó. Ruvio Kook a bai di 3-2 i Marlon Römer di 2-2. Rudsel Schmidt, Frances Petronilia, Andrew Does i Norwin Mercelina, tur a bai d 2-1.
Pa Marlins 3 hit ku 9 eror. Hubert Bazoer a resultá pèrdèdó. H. Davelaar a bai di 2-1. Lionel Sambo ku Luis Servania, ámbos di 1-1.
