Ramiro Balentina lider di homerun
Orsendo Clemencia kampion picher I Lo Celestina kampion bate di Beisbol Veterano
WILLEMSTAD- Direktva di BEVEKO ofishalmente a anunsiá lidernan individual di e kampionato di Beisbòl Veterano 2020. Orsendo Clemencia di Jandoret Raiders a bira kampion picher ku 5 ganá i 0 pèrdí ku un ERA di 0.58 ku 3 blankeo. Michelangleo ‘Lo’ Celestina di ekipo Isla Cracker a keda anunsia komo kampion bate ku un average di .688 produkto di 11 hit den 16 turno.
Ramiro Balentina di ekipo Santa Maria Piratas a konektá 5 homerun durante kampioanto regular i a sali lider den e departamentu ei. Ekipo Marlins a keda skohe komo ekipo mas disipliná. Tur ekipo ku a kai den premio mester ta presentá i naturalmente e hungadónan individual.
Premionan manera kampion 2020, sup kampion 2020, MVP play-off i Premio Rotativo All Stars lo keda saka e wikent aki. Direktiva ta felisitá tur deportista i tambe tim ku a kai den premio. Alabes ta pidi tur persona i tambe tim ku te ku aworaki a kai den premio pa hasi akto di presensia na vèlt na momento di premiashon.
