ORV kampion ‘KPC Grandslam Softball Tournament’
WILLEMSTAD- Ekipo di ORV den debut ku nan unifòrm nobo nobo, a titulá kampion di ‘KPC Grandslam Softball Tournament’ djadumingu 7 di novèmber. E torneo a tuma lugá na Sabana Ballpark dilanti bon públiko, entre otro kolega/fanátikonan di KPC i nos direktor sra. Falbru.
ORV a gana e kombinashon di Recherche Informatie Dienst ku skor di 8 pa 4 den e partido final. E tim di ORV mester a hunga 3 wega pa yega final pa logra bai ku e título. ORV a gana e kombinashon di Barber/Rio Canario/Imigrashon 4-3 den e promé wega. Despues pèrdè kontra Recherche Informatie Dienst 7-4 den wega number 2. Gana Punda/Otrabanda 8-0 den wega number 3, pa despues derotá Recherche Dienst 8-4 den e final. Despues di wega tabatin selebrashon formal den presensia di nos direktor. Pabien na Softball Team ORV i ‘Que sigan los exitos’.
