Pabou ta pika dilanti 2-1 den seri final Intermediate
WILLEMSTAD- Liga Pabou a gana Liga Pariba ku skor di 11-6 djasabra, 16 di mart den oranan anochi den Didi Deeds Field aya na Terra Corra. Liga Pabou ta pika dilanti 2-1 den e seri final mihó di 5 di Intermediate League.
Intermediate League ta e liga pa e hoben di beisbòl ku tin 13 aña. Djadumingu 17 di mart pa 11’or di mainta tin wega number 4 i si ta nesesario lo tin wega number 5 djadumingu mèrdia 2.30.
Pabou a usa 4 picher pa bai ku e viktoria. Pabou tabata dilanti 6-0 for di den promé inning pero den di 3 inning Pariba ta nota 5 kareda pa hasi e wega 6-5. Alexander Provacia Roach ta dal un homerun di dos kareda ku dos out den di 5 inning pa hasi e wega 8-5 pa finalmente Pabou gana ku skor di 11-6.
NUMERITONAN
Pabou a nota 11 kareda, bati 8 hit i kometé 1 eror. Picher ganadó tabata Juan Ramon Cleto Ferreras. Jay-Dlin Wiel i Shemar Jacobus a bati di 3-2. Helmir Helmijr a bati di 1-1. Alexander Provacia Roach a dal un homerun.
Pariba a skor na 6 okashon dal 3 hit i hasi 4 eror. Giodrick Barkmeyer tabata e picher pèrdèdó. Quasin Rojer, Chrisyòn Sambo i Nayvan Makaya a bati di 3-1.
%20copy.jpg)
