Patsy Saturnino gran fanátiko di Beisbòl i Softbol Slowpitch a bai laga nos

WILLEMSTAD- Patricia ‘Patsy’ Saturnino mayor (Hoofdagent di Polis) a fayesé dia 25 di yüli 2022. Patsy ta gran fanátiko di Sòftbòl Slowptich fundadó di e popular ekipo Ban Serio di 50+ i tin hopi trayektoria den Sòftbòl Faspitch, Slowpitch i dirigente di Sòftbòl Fastpitch (Curacaose Softbal Bond).

Den dugout durante wega di Polis

‍

Patsy ku tabatin 54 aña dia ela fayesé tabata fundadó di e ekipo di Sòftbòl Femenino di Polis ku den tempu korto a bira un ekipo hopi eksitoso. Su eksperensia di hopi aña den selekshon di Sòftbòl di Antias a yuda e ekipo di Polis masha hopi. Patsy tabata hopi hopi aktivo i fiel lesadó di nos kolumna i artikulonan i semper ta atento pa duna un man den e totalidat. Nos tin masha hopi potrèt di Patsy Saturnino den deporte ku nos ke kompartí ku lesadónan di Deporte Kòrsou.

Patsy despues di wega di Sòftbòl ku coachnan Emile Haswell i John Jamanika.

ENTIERO
Awe djaweps 28 di yuli lo hiba Patsy na su ultimo luga di sosiegu. Entiero ku honor polisial i ta risibí bishita di kondolensia for di 14.00’or na Maria Auxiliadora na Santa Maria. Pa 16.00’or lo tin un Santu Sakrifisio di Misa.

MAS DI PATSY
Patsy tabata un dje grandinan i fundadó di ekipo Ban Serio di Liga 50 di Sòftbòl i pilá di ekiponan Nos Goso, Tur Goso i Mas Goso.  Forsa na su yu Arthur Bonevacia Jr, su ruman ku ta gran fanátiko di deporte i ekipo Ban Serio, su tio Sidney Saturnino, primu Sherton Saturnino, prima Kimberly Lew Yen Tai i tur sobrá famianan.  Patsy ta yu di Reynaldo Flanders di Islanan Ariba.  Patsy ta famia di Charles ‘Pepiton’ Flanders di Aruba, estrea pelotero di Aruba di San Nicolaas. Charles ‘Powerhouse’ Flanders a hunga den Groot Kwartier Stars.  Pepiton Flanders tabata un tremendo pelotero, tremendísimo outfielder. Nos tin masha hopi pòtrèt di Patsy Saturnino den ekiponan Blue Angels, Pichingolo,  The Old Young Ones, Nos Goso, Mas Goso, Tur Goso, ets. Un dje grandinan di Sòftbòl ku tabata dirigente di Curacaose Softball Bond.  Patsy tabata hefe di delegashon di e selekshon di Sòftbòl Femenino di Dòbel A ku a hunga e último Juegos Centro Americano i Del Caribe ku Antia por a partisipá. Esei ta na 2010 na Mayaguez (Puerto Rico). Forsa un biaha mas na Arthur Jr. i demas famia.

Patsy durante evento di Nos Goso resientemente.
Patsy ta tuma premio di The Old Young One serka Gibi Paulina.
Mas potret di Nos Goso
Polis kampion agasaho pa Patsy, ekipo Polis i spònser ASKA.
Patys durante speech ku premionan
Patsy ta sigi un wega di Slowpitch 50+ Ban serio huntu ku su amiga Sevilla 'Chia' Martina.
Patsy i ruman durante wega Ban Serio
Patsy ta sigi wega di Ban Serio.

‍

Ekipo Polis Femenino den nan prome enkuentro.
Patsy a funda i buska spònser pa ekipo di Polis na 2006.
Polisnan kontentu ku spònser ASKA durante agasaho.
Patsy durante apertura Torneo Hope
Patsy i kolega Antersijn despues di wega na Suvek Ballpark.
Patsy i Jonathan Schoop
Patsy ta sali kampion bate i ta risibí ku kopa.
Patsy un tremendo agente polisial ta tuma sertifikado serka direktor di LPO na komienso di añanan 2000.
Arhur Bonevacia yu di Patsy eks profeshonal ku Baltimore. Portrèt di 20 aña pasa.

‍

Arthur Bonevacia yu di Patsy selebrando ku selekshon di Kòrsou.

‍

‍