Pichingolo a selebrá 50 aña en grande
WILLEMSTAD- Djadumingu 7 di mei 2023 di atardi te den oranan di anochi, organisashon Pichingolo a selebrá 50 aña di eksistensia den kompania di hungadó, eks hungadó, dirigente i fanátikonan. E atardi a kuminsá ku un Santu Sakrifisio di misa na Misa di Buena Vista. Despues di e Santu Sakrifisio di misa a sigi spich di Sra. Silvia Wilson komo eks hungadó i fundadó di PichingoloRonny Cornelis komo gran fanátiko i habitante di bario Buena Vista.
Despues a sigi un parada di hungadó, dirigente i fanátiko riba ritmo di brasband i tròli pa esnan ku no ke a kana den e parada. Na Buena Vista Ballpark tur invitado, hungadó, dirigente i fanátiko a keda risibí na porta i a risibí un regalo pa medio di e pin di rekuerdo di 50 aña Pichingolo. A sigi diskursonan riba e tremendo stage di representante di Minister di Enseñansa, Siensia Kultura i Deporte,sr. Errol Bishop presidente ya pa 40 aña di Pichingolo sr. Cecil Garcia. Na tereno tambe Silvia Wilson a hiba palabra. A honra algun hungadó i despues a sigi animashon di argupashon musikal ERA. Bebida i pasapalo tabata gratis. Un públiko respetá tabata presente na Buena Vista Ballpark. Pabien na organisashon Pichingolo i hopi aña mas den e deporte Sòftbòl, ku e 40 titulo di Sòftbòl Femenino Dòbel A alabes edukando e hubentut.
