Pitufos kampion 50+ i Los Prados kampion den 60+
WILLEMSTAD- Djadumingu 12 di mei tabata e fecha final di Golden Athlete Championship Series den Stadion Post 6. Un públiko grandi tabata presente pa mira e dos weganan final den kategoría 60+ den oranan di mainta i despues 50+ den oranan di mèrdia. Den 60+ e ekipo Los Prados a bira kampion ganando di Nos Power den final. Nos Power tabata ganá ku skor di 4-3 te den último inning. Pero ekipo Los Prados ta bòltu skor despues ku promé out a kai pa finalmente gana ku skor di 10 - 5. Den e wega di Liga 50 Pitufos a gana ku skor di 7 pa 5. Despues di wega tabatin entrega di premio i animashon musikal di Grupo Komper.
Teksto pa pòtrèt:
Den 50+ Pitufos a titulá kampion.
Jaws a sali supkampion.
Den 60+ Los Prados di República Dominicana a títulá kampion.
Nos Power den 60+ a sali supkampion.
Premionan Individual 50+
Ekipo kampion: Pitufos;
Supkampion: Jaws;
Terser puesto: Los Prados (Rep. Dominicana);
Puesto number 4: Puerto Rico.
Kampion Bate:
Juan Rivas (Rep. Dominicana) 6-5.
Dwight Alexander(Aruba) 6-5;
Kampion Honronero
Edmar Cornelia 3;
Myron Wijman 2;
9 hungadó ku 1.
Kampion Pitcher: Fernando Rosario.
Premionan Individual 60+
Ekipo Kampion: Los Prados (Rep. Dominicana);
Supkampion: Nos Power (Kòrsou);
Terser puesto: Florsheim (Aruba);
Puesto number 4: Pitufos(Kòrsou).
Kampion Bate:
Richel Baromeo (Nos Power) 8-7;
Kampion Honronero:
Rudsel Schmidt (Nos Power) 1;
Demetrio Roma (Los Prados) 1;
Kampion Pitcher: Luis Frias (Los Prados).
Cicoza kampion Kopa ABC&S na Sint Maarten i Ban Serio kampion na Aruba
WILLEMSTAD Cicoza a gana Swift 13 pa 7 i bira kampion kopa ABC&S na Sint Maarten. Na Aruba ekipo Ban Serio a bolbe sali kampion di Kopa ABC&S 50+. Ban Serio a gana Astor ku skor di 20-10 den final despues ku nan a gana e invikto Marlins den semi-final. Nos ta pendiente pa mas detaye.
