Playoff MLB a start djamars 12 di òktober
Play-off di MLB a start 12 di òktober na 4 parke di MLB. Ekiponan Phillies, Guardians, Padres i Mariners ku a bini via wild card i gana e serinan lo topa ku ekipo Braves, Yankees, Dodgers i Astros ku ta wardando den e serinan divishonal. Atlanta a pèrdè e wega di 1’or ku skor di 7 pa 6. Phillies tabata ganá 7-1 i despues 7-3. Atlanta a nota 3 kareda den último inning pero keda kòrtiku.
Te ku 5.30 pm di atardi Seattle tabata gana 6-3 despues ku nan a ataká e picher Justin Verlander i sake for di wega. Alvarez a bòltu skor den di 9 inning. Despues awenochi pa 7.37 pm ta Yankees vs Guardians i despues 9.37 pm San Diego vs Dodgers.
Nos tin tambe e standing final despues di temporada final i lidernan individual.
HOMERUN DI ALVAREZ TA LAGA SEATTLE DEN TERENO
Ku dos out den di nobeno inning ku Houston Astros atras 7-5, e batiadó slengu Cubano, Yordan Alvarez di Hosuton ta dal homerun di 3 kareda pa laga Seattle Mariners den tereno.
Yordan Alvarez a dal e di dos homerun (walkoff) den historia di post season di MLB faltando un out pa wega terminá.
E otro homerun faltando un out pa wega terminá den Post season, tabata di Kirk Gibson di Dodgers kontra Dennis Eckersley di Oakland Athletics durante wega 1 di World Series na 1988.
