PREPARASHONNAN TA KONTINUÁ PA NOS KOMPROMISONAN
DI GOLD CUP 2021 I E HUNGADÓNAN DI NOS SELEKSHON TA KONOSÍ!
Preparashonnan ta kontinuá pa nos próksimo kompromisonan di Gold Cup 2021 ku lo tuma lugá den luna di yüli te ku ougùstùs na Merka. Nos direktor tékniko, Sr. Patrick Kluivert huntu ku su staf tékniko a publiká e lista di 22 hungadó ku lo enfrentá El Salvador dia 10 di yüli próksimo pa despues nos topa Mexico dia 14 di yüli i por último nos lo mira akshon dia 18 di yüli kontra un pais ku lo bira konosí proksimamente. Despues di e buèlta preliminar ta sigui e partidonan di ‘play-off’ i e gran final ku ta programá pa tuma lugá dia promé di ougùstùs 2021. Aktualmente nos selekshon ta rumbo pa Los Angeles pa partisipá na un ‘trainingskamp’ komo preparashon pa nos kompromisonan durante Gold Cup 2021.
E siguiente hungadónan a keda selekshoná pa forma parti di nos selekshon;
1. Eloy Room
2. Rhu-Endly ‘Cuco’ Martina
3. Juriën Gaari
4. Darryl Lachman
5. Suently Alberto
6. Juninho Bacuna
7. Vurnon Anita
8. Rangelo Janga
9. Leandro Bacuna
10. Gervane Kastaneer
11. Gevaro Nepomuceno
12. Nigel Thomas
13. Ayrton Statie
14. Kevin Felida
15. Kenji Gorré
16. Roshon van Eijma
17. Michaël Maria
18. Brandley Kuwas
19. Jarchinio Antonia
20. Shanon Carmelia
21. Zeus de la Paz
22. Tyrick Bodak
