Prestashon di tur deportista ku a destaká durante 2022 ku a risibí premio serka FDOK
WILLEMSTAD – Resientemente tabatin entrega di premio Beto Adriana pa e mihó deportista di aña di 2022. Deporte Kòrsou tin e prestashon kòrtiku di tur deportista ku a keda nominá pa premio i esnan ku a destaka, naturalmente dirigentenan tambe. Debí ku nos tin espasio lo laga nos lesadónan sera konosí i risibí e prestashon kòrtiku di nos deportistanan durante 2022.
NOMINADONAN PA PREMIO YDK DI AŇA 2022
YDK
Joshua Brenet Futbòl
Jean Julien-Rojer Tènis
Kenley Jansen Beisbòl
Terrence Agard Atletiek
Deportista Hubenil Femenino 2022
Zsa Zsa Frans (20-10-2003)
Zsa Zsa ta atleta di Curaçaose Atletiek Bond.
El a konta ku un aña 2022 espektakular den kategoria femenino U-15.
Su kosecha di 17 medaya di oro, 3 plata i 1 bròns ta prueba di esei. Pero ademas durante di 2022 el a kibra 4 rèkert nashonal:
60m Hurdles, 80m., 60m i Heptatlòn.
Deportista Hubenil Femenino 2022
Kyra de Cuba (1-05-2007)
Kyra ta aktivo komo miembro di Federashon Akuátiko Kòrsou.
Temporada 2022 tabata unu hopi bon pa su persona, demostrando progreso den pisina.
Den e kompetensia Hesley Heerenveen ela konkistá 11 medaya, 6 oro i 5 plata.
El a sigui den ABC Swimming Competition den yüli ku un ’sweep’ di 11 oro i 1 bròns.
E ta kulminá temporada na Rep. Dominicana den Invitacional Delfines de Naco ku 2 medaya: 1 oro i 1 plata.
Deportista Hubenil Femenino 2022
Sophia Camila Schotte (20-01-2014)
Sophia ta representá Asosashon Paso Fino Kòrsou i for di 4 aña di edat ta ak-tivo den ekitashon, semper ganando medaya di oro aki na Kòrsou. Durante di 2022 el a kompetí tantu nashonal komo internashonal.
Na Mundial di ekitashon na Cali, Colombia (yüli 2022), Sophia a logra 3er puesto den kategoria Amazona 6-8 aña. Tambe el a kompetí na Rep. Dominicana, kaminda el a konkistá medaya di oro.
Deportista Hubenil Maskulino 2022
Rithemslij Daal (6-09-2005)
Rithemslij ta miembro di Curaçaose Atletiek Bond. E ta un atleta dje disiplina ‘High Jump’, komo kampion apsoluto di Kòrsou den kategoria U-20.
Den 2022 e tabata bon pa 4 medaya di oro den kompetensianan lokal, pa despues rematá ku medaya di plata den ODESUR Junior na Argentina.
Deportista Hubenil Maskulino 2022
Leonardo Winkel (9-08-2010)
Leonardo ta kabayista di Asosiashon Paso Fino Kòrsou. Ku 4 aña el a kuminsá ku e deporte.
Kada kompetensia nashonal e ta finalisá komo nr. 1. El a demostrá esei tambe den kompetensia internashonal na Cali, Colombia, ganando medaya di oro den kategoria Jinete 9-11 aña. Esaki tabata un prestashon formidabel, sigur pa e hecho ku tabata despues di seis aña ku Kòrsou riba nivel mundial ta gana medaya di oro.
Deportista Hubenil Maskulino 2022
Jayen Viscaino (14-12-2006)
Jayen ta representá Federashon Akuátiko Kòrsou.
Den 2022 e tabata aktivo tantu den kompetensia nashonal, regional i mundial.
Jayen a kompetí den ocho kompetensia nashonal i shete internashonal na e.o. Aruba, Argentina, Pto. Rico, Para-guay, Perú i Florida. Bon pa un kosecha di 49 medaya: 29 oro, 10 plata i 10 bròns. Tambe el a drenta laman dos biaha den ‘Openwater Competition’ riba distansia di 5 km. ganando na ámbos okashon.
NOMINADONAN PA PREMIO ENITH BRIGITHA DI AŇA 2022
Deportista: Deporte:
Glenka Antonia Atletiek
Matthew Kurt Sophia Atletiek
Samanta van Vuure Natashon
Dirigente Tékniko 2022
Hainley Statia (19-01-1986)
Hainley ta manager di selekshon di Federashon di Beisbòl Kòrsou. Den 2022 Hainley tabata responsabel pa selekshon di beisbòl ku a partisipá
na Haarlemse Honkbalweek den luna di yüli, kaminda a gana di e.o. Merka na dos okashon i finalmente titulá sup kampion.
Den luna di desèmber el a manehá selekshon di Kòrsou den Caribbean Baseball Cup na Bahamas, logrando medaya di bròns i klasifikashon pa Weganan CAC di El Salvador.
Dirigente Tékniko 2022
Kurt Joseph Estace Sophia (19-03-1964)
Kurt ta trainer di e ekipo The Glory Runners ku ta afiliá na Curaçaose Atletiek Bond.
E ta un manager di bon komportashon i komo trainer a bin ta kontribuí den desaroyo di atletanan i tur esaki ku bon relashon ku atleta-, koleganan i officials. El a train e atleta Matthew Sophia kende a gana medaya di oro den CARIFTA. E sa kon pa yega na un balansa pa rendimentu máksimo di su atletanan.
The Glory Runners a gana 72 medaya di oro, 46 plata i 30 bròns den 2022, ademas ku e atletanan a kibra 14 rèkert nashonal.
Dirigente Atministrativo 2022
Fabi Rhaiza Constansia (16-12-1987)
Fabi ta miembro di direktiva di Federashon Futbòl Kòrsou komo 2do vise-presidente, enkargá ku maneho finansiero i kordinadó di futbòl di dama. Fabi a tuma inisiativa pa traha ku Sistema TMS ku FIFA a introdusí pa transferensia internashonal i tambe e sistema outomatisá di atministrashon di miembronan. Mas aleu e ta enkargá ku futbòl di dama, popularisando esaki ku resultado di un bon kresementu den kantidat di futbolista femenino. Tambe Fabi ta presidente di Jong Colombia i bou di su maneho e ekipo a promové pa promé divishon kaminda nan a bin titulá sup kampion.
Dirigente Atministrativo 2022
Jedrek Magdalena (18-05-1991)
Jedrek ta presidente di Federashon di Beisbòl di Kòrsou.
E dirigente por mira bèk riba un 2022 hopi fruktífero. Pa kuminsá ku por a organisá for di prinsipio te final e kampionatonan Klase A, Hubenil i AA. Banda di kampionatonan eksitoso a logra pa selekshon grandi partisipá na Haarlemse Honkbalweek kaminda Kòr-sou a gana 2x di Merka, ku ta nr. 3 riba ‘ranking’ mundial, i finalmente ta titulá sup kampion dje torneo. Otro logro grandi tabata medaya di bròns ku Kòrsou a gana den Caribbean Baseball Cup 2022 i ku esei klasifikashon outomátiko pa Weganan CAC di 2023. Bou di guia dje presidente, Kòrsou a subi den ranking di WBSC for di puesto 64 den 2020 pa puesto 33 den 2022.
NOMINADONAN PA PREMIO SELEKSHON DI AŇA 2022
Selekshon
Selekshon di Natashon Artístiko Natashon
Selekshon di Beisbòl Beisbòl
Selekshon Sòftbòl Sòftbòl
Deportista Senior Femenino 2022
Marie-Antoinette Raisa Ciriaque Keli (16-03-1995)
Marie-Antoinette ta miembro di Federashon Tènis di Mesa Kòrsou. Den torneo Kopa FTMK el a titulá kampion di forma invikto, pa despues finalisá di dos den su Pool pa Kopa Oscar Salas. Marie-Antoinette den Kampionato Nashonal a okupá 2da puesto den individual, titulá kampion den dòbel i kue sup kampionato den dòbel miksto. E ta sigui ku título di kampion Divishon B despues di a gana tur su weganan, pa despues klousurá aña komo sup kampion Dutch Caribbean Tournament na Aruba.
Deportista Senior Femenino 2022
J-dah Catherine Genevieve Girigorie (17-12-2005)
J-dah ta sòftbolista di Curacaose Softball Bond.
Un atleta eksepshonal kende apesar di su edat hóben ya pa di tres aña ta resultá kampion pitcher den Klase AA ku rèkert di 14-1, na mes momento e mihó pitcher den Klase A ku marka di 6-0. J-dah a titulá kampion ku su ekipo den Klase A i sup kampion den ‘AA’. MVP den ámbos kategoria. Riba tereno internashonal: Medaya di bròns ku selekshon nashonal den South American Championship na Argentina i Kampion Latino Amerikano ku selekshon Senior League na Pto. Rico. Terser puesto den Senior League World series na Delaware, USA. Sifranan total: 244.4 inning, 427 ponche, 35 viktoria i apénas 6 derota.
Deportista Senior Femenino 2022
Demi Schimmel (27-12-2002)
Demi ta den representashon di Asosashon Paso Fino Kòrsou,
Pa motibu di estudio den eksterior, Demi no a kompetí na Kòrsou durante di 2022.
Pero sí el a logra bai Mundial di Ekitashon na Cali, Colombia.
Su partisipashon tabata eksitoso, ku medaya di oro den kategoria Amazona 18-21 aña.
Deportista Senior Maskulino 2022
Dimiti Leon (9-06-1984)
Dimitri a konta ku un aña mas di dominio den aktividatnan di Federashon Tènis di Mesa Kòrsou.
Den promé kompetensia di 2022 e ta titulá kampion di Kopa FTMK, pa despues okupá 2do puesto den Kopa Harry Walters. Seguidamente e ta kue e título di kampion den Mini Olympics den Divishon A i un di dos puesto den Kategoria Open. E ta partisipá na ODESUR i despues den Dutch Caribbean Tournament na Aruba, finalisando komo sup kampion. Dimitri ta klousurá den Kampionato Nashonal 2022 komo kampion dòbel i kampion individual pa despues kue e título den e torneo Top 6.
Deportista Senior Maskulino 2022
Dwinley Mathilda (10-06-2003)
Dwinley ta atleta di Curacao Boxing Association.
E tabata basta aktivo den 2022, kuminsando ku un viktoria na Aruba. Seguidamente el a tuma parti na kampionato hulandes, kaminda el a gana medaya di bròns.
A sigui un pelea internashonal ku el a gana, pa despues biaha pa Paraguay pa ODESUR. Por último el a gana un pelea mas na Aruba.
Deportista Senior Maskulino 2022
Matthew Kurt Sophia (17-12-2003)
Matthew ta miembro di Curacaose Atletiek Bond. El a konta ku otro aña sensashonal den atletismo aki na Kòrsou, ganando e diferente disiplinanan di kua su faborito ta 110m. ku opstákulo.
Riba e disiplina aki el a kompetí den CARIFTA Games na Jamaica, kaminda el a gana medaya di oro.
Kada atleta ta risibí un MEDAYA DI REKONOSEMENTU otorgá pa
Rishab Harsh Anandbahadoer Hubenil (M) Agedres
Lucas Schoon Martijn Hubenil (M) Arkeria
Zsa-Zsa Hannah Frans Hubenil (F) Atletiek
Rithemslij Daal Hubenil (M) Atletie
Glenka Rosarita Antonia Senior (F) Atletiek
Matthew Kurt Sophia Senior (M) Atletiek
Sharifa Fernandes de Faria Prospekto (M) Atletiek
Sophia Camila Schotte Hubenil (F) Aspafiko
Leonardo Winkel Hubenil (M) Aspafiko
Demi Schimmel Senior (F) Aspafiko
Gian Jesurun Senior (M) Aspafiko
Melanie Lentjes Prospekto (F) Aspafiko
Girvin Finch Hubenil (M) Beisbòl
Jordan Lucas Senior (M) Beisbòl
Jaydon Dania Hubenil (M) Bòkseo
Dwinley Mathilda Senior (M) Bòkseo
Wilfrido Alejandro Dorothea Senior (M) Domino
Mijail Irving M.R Eisden Senior (M) Dam
Frenly Servania Senior (M) Futbòl
Jermain Ethelree Brigitta Perez Hubenil (M) Karate
Kyra de Cuba Hubenil (F) Natashon
Jayen Viscaino Hubenil (M) Natashon
J'Dah Cathrine G. Girigorie Hubenil (F) Sòftbòl
James Joseph Balentien Hubenil (M) Sailing
Quishon Gregorie G. Donker Hubenil (M) Taekwondo
Keziah Fluonia Hubenil (F) Tennis
Ronelly Vos Hubenil (F) Tènis di Mesa
Bennett Isebia Hubenil (M) Tènis di Mesa
Marie-Antoinette R.C. Keli Senior (F) Tènis di Mesa
Dimitri N. Leon Senior (M) Tènis di Mesa
Prospekto Hubenil di Aña 2022
Quishon Gregorie G. Donker (28-11-2011)
Quishon ta atleta di Federashon Taekwondo Kòrsou. El a hasi su debut internashonal den Panam Open na Co-lombia. Aki Quishon a bringa 4 pelea, ganando tres di forma konvisente. Den pelea pa klasifiká pa final e ta kai vensí i ta regresá Kòrsou ku medaya di bròns den kategoria infantil.
Prospekto Hubenil di Aña 2022
Lucas Schoon Martijn (22-03-2005)
Lucas ta miembro di Federashon di Arkeria Kòrsou. El a debutá riba nivel internashonal den ODESUR, komo promé atleta di arkeria pa representá Kòrsou. El a logra su klasifikashon entre e promé 20 arkeronan den su kategoria ‘recurve’ indivi-dual. Den buèlta eliminatorio, Lucas a gana di un argentino ku na e momento ei tabata nr. 16 di mundu. Den oktavo final el e kai kontra di un colombiana.
Ku su prestashon na ODESUR, el a logra klasifikashon pa Kampionato Panamerikano na Santiago de Chile. Aki tambe ounke e no a gana medaya, el a risibí ‘wild card’ pa Weganan CAC di yüli benidero.
Ku solamente dos partisipashon internashonal, Lucas pa motibu di su prestashon a bai para na puesto nr. 57 di ‘ranking’ kontinental.
Prospekto Hubenil di Aña 2022
Melanie Lentjes (6-06-2009)
Melanie ta kabayista di Asosiashon Paso Fino Kòrsou.
Na Mundial di Ekitashon na Cali, Colombia, el a representá Kòrsou den e kategoria paralímpiko.
Den e kategoria aki tur partisipante ta risibí un medaya di oro. Wesnan a duna bon komentario di su prestashon,ounke e tin desabilidat tòg e tabatin bon maneho di su ehemplar.
Ademas di Mundial, Melanie a duna un bon pre-sentashon na Interpaso Aruba kaminda tambe el a risibí medaya di oro.
WES 2022
Rudsel Elias Nepomuceno (27-05-1962)
Rudsel ta rèfri di Curaçao Karate Bond i den 2022 den Kampionato Panamerikano a risibí su lisensia Rèfri-A. Den luna di febrüari el a rèfri Torneo ABC na Boneiru i tambe Surinam Championship. El a sigui ku trabou di rèfri den tres diferente kompetensia nashonal, pa despues dirigí pelea den e torneo Goshindo Caribbean na Trinidad & Tobago. Tambe na prinsipio di mei el a rèfri peleanan na Rosario, Argentina, siguí pa Kampionato Pan-amerikano aki na Kòrsou i finalmente den torneo na Asunción, Paraguay.
Wes 2022
Hensley Rondei (8-05-1956)
Hensley ta wes di Federashon di Dam Kòrsou.
Durante di 2022 e tabata super aktivo den e deporte, ku un total di 14 okashon komo rèfri i te hasta árbitro prinsipal. Esei tabata den tur kompe-tensia nashonal, pero tambe den Kampionato Internashonal di Mundial 60+, Kampionato Panamerikano na Sto. Domingo komo árbitro prinsipal i Kampionato Internashonal Curaçao Open Challenger.
Wes 2022
Nadya Nieves Julia Nersicio (21-07-1971)
Nadya tabatin un aña 2022 hopi aktivo komo árbitro di natashon. El a funshoná komo rèfri den III Juegos Suramericanos de la Juventud na Rosario, Argentina, den luna di aprel/mei komo tambe den XII Juegos Suramericanos na Asunción, Paraguay, den luna di òktober.
Seguidamente el a rèfri den 20th Aruba Dolphins Invitational na Aruba, pero sin duda e ‘highlight’ tabata den e 19th FINA World Championships na Buda-pest. Pa sigui forma su mes el a tuma parti na e FINA 2022 Online Swimming Clinic pa rèfrinan.
Ekipo di Aña 2022
The New Revolution (atletismo)
Federashon di Atletismo (CAB) a pone kriterio na kua klupnan mester kumpli pa bini na remarke pa nominashon.
The New Revolution ta un klup ku duran-te di 2022 kompará ku otro klupnan, a sòru pa bunita prestashon. Den tur kompetensia e klup a gana 56 medaya di oro, 35 plata i 26 bròns. Banda di esei su atletanan a kibra 10 rèkert nashonal. Tur esaki ademas di nan kontribushon balioso na e deporte. Esaki ta enserá asistensia na ‘workshops’ di federashon i e manera ku nan ta traha riba desaroyo dje deporte i atletanan. Nan ta un klup den desaroyo i a tuma vários akshon na interes di atletismo na Kòrsou.
Ekipo di Aña 2022
BBC Wild Cats KJ74
BBC Wild Cats ta miembro di Fede-rashon di Beisbòl di Kòrsou
(FEBE-KO). E ekipo di Wild Cats a titulá kam-pion di Kòrsou pa di dos aña konsekutivo den Klase AA.
Tambe nan a kue e título di sup kampion den Rookie League i esaki tambe dos aña tras di otro. Wild Cats a finalisá kampionato regular na promé puesto i a sa na defendé su título den e final.
Ekipo di Aña 2022
Sportvereniging Pichingolo (sòftbòl).
E organisashon di sòftbòl Pichingolo a kue e título di kampion den tantu Klase A komo ‘AA’. Den ‘AA’ e eki-po a start temporada den rangonan abou, pe-ro nan ta traha duru i ta drenta klasifikashon semi final pa despues sigui pa e final. Remarkabel e manera kon e ekipo a desaroyá durante di 2022, kon kada miembro individual a madurá pa despues akoplá pa huntu forma un team. E hóbennan mes ta atribuí e éksito di nan ekipo na e proseso di formashon den kua nan a pasa pa kue e di tantísimo título di kampion den historia dje ekipo.
NOMINADONAN PA PREMIO YDK DI AŇA 2022
YDK
Joshua Brenet Futbòl
Jean Julien-Rojer Tènis
Kenley Jansen Beisbòl
Terrence Agard Atletiek
