Quality Stars a gana Isla Crackers 4-2 djasabra i Santa Rosa kontra Santa Maria djadumingu
WILLEMSTAD- Wikènt 17/18 di ougùstùs, Beisbòl Veterano aa sigi ku vários wega kandela. Djasabra pa 1’or Isla Crackers a topa ku kontra Quality Stars. Quality Stars a gana ku skor di 4-2 ku bon picheo kombiná di Farley Ignacio, Xaviero Avastia i Rodney Michel. Jandoret Radiers a gana Otrabanda 12 pa 5 promé ku e wega di Quality vs Isla.
Djadumingu 1’or Santa Rosa lo topa ku Santa Maria. Ekipo Crackers a kibra invikto di Quality Stars djadumingu 28 di yüli ganando ku skor di 3-2 pero Quality a dal bèk den buelta number 2. Santa Maria a gana Santa Rosa 6-2 djasabra 27 di yüli. Djadumingu tin algun wega di 50+ den oranan tempran. Wikènt pasá Broncos a zona un kampanaso riba Yesterday ganando ku skor 7 pa 3. Yesterday i Broncos ta luchando pa puestonan number 5 i 6 den kampionato BEVEKO.
RESULTADONAN
Broncos 7, Yesterday 3
Broncos a dal 8 hit i hunga sin eror. Byron Kook tabata e picher ganadó. Byron Kook mes a bati di 2-2. Clifford Rosina i Ramses Elizabeth tambe a bati di 2-2. Yesterday a bati 6 hit i kometé 5 eror. Andley Simmons tabata e picher pèrdèdó. Norvaniel Aniceta, Vincent Offerman, Gedion Sambo i Harvin Hart a bati di 2-1.
Energy 8, Otrabanda 3
Energy a bati 8 hit i a hasi 3 eror. Ramon Cabrera tabata e picher ganadó. Ramon Cabrera mes a bati di 2-2. Freddy Castillo tambe a bati di 2-2. Otrabanda a konektá 4 hit i i kometé 3 eror. Gilbert Bernadina tabata e picher pèrdèdó. Dudley Felicia, Giovanni Maduro i Sherwin Nicia a bati di 2-1.
Gamers ta gana Thrillers 8 pa 5 den Liga Amstel
WILLEMSTAD- Gamers kampion Liga Amstel di 2023 a sigi move bon den e liga menshoná. Djadumingu último Gamers a gana Thrillers 15 pa 8. Den e otro weganan Cicoza a dal Terrepower 11-10 i Sugar a gana Terremoto 6 pa 5. Weganan ta sigi djasabra awor na Van Engelen Ballpark.
Gamers 15, Thrillers 8
Gamers a dal 17 hit i hunga sin eror. Emilio Velarde tabata picher ganadó. Suarez, Rifaela, Kirindongo i Leon tabata e mihó batiadónan. Thrillers a bati 12 hit i kometé 2 eror. Argenis Daal tabata e picher pèrdèdó. Aldair Daal a bati di 3-2, Swintley Lint di 2-2. Ruthvienley Windster i Juruengelo Thielman a dal un homerun.
Cicoza 11, Terrepower 10
Cicoza a bati 11 hit i hasi 2 eror. Andley Simmons a gana i Ryson Polonius a bati di 3-3. Germaine Genaro di 4-2. Ryson Polonius, Andley Simmons i Dashenko Ricardo a dal un homerun.Terrepower a bati 10 hit i no a kometé eror. Jonaikel Castro Arias tabata e picher pèrdèdó. E e mes a bati d 3-2. Shuremi Fornerino i Edson Sint Jacob tambe a bati di 3-2. Jonaikel Castro Arias a dal un homerun.
Sugar 6, Terremoto 5
Sugar a bati 7 hit i hasi 2 eror. Dicson Acosta a gana. Erick Lopez a bai di 1-1. Rafael Lopez a bai di 2-1. Terremoto a bati 5 hit i kometé 1 eror. Gedion Noor tabata e picher pèrdèdó. Rylan Reina a bati di 2-2. Norvaniel Aniceta i Tahir Martis a bati di 2-1.
MAS INFORMASHON DI BEISBÒL I SÒFTBÒL
Fanátikonan di Deporte Kòrsou, bondia. Nos a pasa den e promé (mitar) di siman den komienso di aña eskolar 2024/2025. Eksito na tur esnan ku ta bai skol, for di fundeshi te ku universidat. Naturalmente dosente, trahadónan den enseñansa, mayor i tur ku di un manera òf otro ta den enseñansa i forsa na tur. Kòrda trabou duru ta paga. Laga nos ban pa deporte mesora i nos ta sigi ku informashon di Sòftbòl i Beisbòl. Sifranan up to date di Beisbòl Veterano a drenta atrobe i nos tin algun detaye den e kolumna aki. Ekiponan di Beisbòl Veterano tantu 40 + komo 50+ tene kuenta ku a sigi e kambionan den skema i pa loke ta trata direktiva di BEVEKO manda reminder pa e ekiponan debí ku siman pasá tabatin basta bruashon.
* * * * *
Djaluna nos tabatin algun resultado i update di Liga 60, kaminda tabatin algun resultado di sorpresa, entre otro viktoria di Sluggers riba Nos Tambe Por, viktoria di Nos Power riba Los Amigos. Tene kuenta ku Nos Power a klasifiká den e kampionato di 2023 na di kuater lugá i a keda eliminá pa ekipo Jaws ku despues a gana Nos Tambe Por tambe i gana Pitufos den final pa bira kampion. Mester bisa ku ta e seri final so ta hunga mihó di tres, e otro serinan di e play-off page system ta solamente un wega. Jaws ku siman pasá djabièrnè a parti unifòrm tin dos título sigí i ta e ekipo ku a gana mas título di Liga 60 den historia.
* * * * *
Ekipo Jaws tin 7 título den Liga 60. 2012, 2013, 2014, 2015, 2018, 2022 i 2023. Los Amigos tabata kampion na 2016 i 2017. Nos Tambe Por tabata kampion na 2019, 2020 i 2021. Despues di djadumingu último e standing ta Jaws 7-1, Pitufos 7-1, Nos Tambe Por 7-2, Nos Power 4-5, Lions 3-5, Los Amigos 3-5, Mon Repos Sluggers 2-6, Curacao Super Stars 0-8. Wikènt awor ta kandela atrobe na momentu ku Nos Tambe Por topa ku Los Amigos, e rivalnan moderno den Liga 60 despues ku 5 pa 6 hungadó di Nos Tambe Por a bai Los Amigos. Skema kompletu djadumingu (awe 18 di ougùstùs) na Frank Curiel Ballpark ta 11.00 Lions vs Pitufos, 13.00 Nos Tambe Por – Los Amigos, 15.00 Mon Repos Sluggers – Curacao Super Stars.
* * * * *
Ban pa e sifranan di Beisbòl Veterano. Standing ta lo sigiente. Quality Stars 9-1 (10-1 ku e viktoria di djasabra 17 di ougùstùs), Santa Maria Pirates 9-1, Isla Crackers 8-2,(8-3 ku e derota di djasabra 17 di ougùstùs) Santa Rosa Memories 7-3, Yesterday 6-4, Broncos 5-5, Jandoret 4-6, (5-6 ku e viktoria di djasabra 17 di ougùstùs Marlins 3-7 (3-8 ku e derota di djasabra 17 di ougùstùs) , Veteranos 3-7 (3-8 ku e derota di djasabra 17 di ougùstùs), Azucar 1-9 (2-9 ku e viktoria di djasabra 17 di ougùstùs i Flamingos 0-10. Lidernan den picheo (ERA): Roderick Eustatia (Isla) 0.66, Xaviero Avastia (Quality Stars) 0.86, Evenon Martis (Santa Maria Pirates) 1.86, Amador Nita (Santa Maria Pirates) 1.88, Byron Kook (Broncos) 2.94. Andley Simmons di Yesterday tabatin 2.67 promé ku e wega di djadumingu último entre di Yesterday i Broncos. Pero despues di djadumingu di ougùstùs e ERA a subi un tiki. Wega ganá: Amador Nita 5, Evenon Martis 4, Byron Kook (Broncos) 4, Andley Simmons 3, Shanon Kleinmoedig (Marlins) 3.
* * * * *
Den bateo Myson Cathalina di Yesterday tabata lider ku un average di .786. Railison Isenia di Santa Rosa Memories a pasa Myson ku su average di .750. Myson Cathalina a baha un tiki na avg .737. Segidamente Rhiency Imperator (Isla Crackers) .727, Rodney Michel (Quality Stars).724 i Ryan Ogenia (Santa Maria Pirates) .700. Den doblete nos tin Willy Reinta di Santa Rosa ku 7, Railison Isenia (Santa Rosa) 5, Kenneth Desbarida (Otrabanda) 4, Evenon Martis (Santa Maria ) 4, Ryan Ogenia (Santa Maria) 4. Den homerun Signald Paz (Santa Rosa), Osaires Lucas (Otrabanda), Soranley Tomsjansen, Eldred Estanista i Winsley Ansano tin 1 homerun. Vários di homerunnan aki ta den tereno. Nos ta keda te aki pa awe, te mayan ku Poder di Dios.
