Quality Stars vs Bulldogs djasabra 2’or na Vi Jansen Ballpark
WILLEMSTAD- Quality Stars lo topa ku Bulldogs djasabra 2’or na Vi Jansen Ballpark. Ta trata aki di e wega finalísimo den e seri semi-final di Beisbòl Veterano. Ganadó di e wega aki lo pasa pa final di Beisbòl Veterano 2020 kontra di Jandoret Raiders ku ya ta den final.
Quality a gana wega number 1 di e seri semi-final fásil 9-0, pero a kai vensí 3-2 den di dos wega. Quality a terminá number 3 durante e temporada regular i Bulldogs number 5. Despues di e Round Robbin Quality a sali number 1 ku rekòrt di 5-1 i Bulldogs number 4 ku rekòrt di 2-3. Rydell Isabella ku a gana wega number 1 di e seri lo habri pa Quality. Ela gana e promé wega di e seri. E picher habridó pa Bulldogs lo ta Emilio Velarde òf Lester Victoria. Emilio a pèrdè wega number 1 i Lester Victoria a gana wega number 2.
