Beisbòl Veterano - Quality ta gana Santa Rosa i Santa Maria ta nòkout Bulldogs

Quality ta gana Santa Rosa i Santa Maria ta nòkout Bulldogs

WILLEMSTAD- Beisbòl Veterano a sigi den wikènt ku varios wega kayente na Vi Jansen Ballpark. Djadumingu dilanti públiko grandi Quality a dal Santa Rosa 14 pa 7 i Santa Maria a nòkout Bulldogs ganando 10-0. Den wega di Liga 50 Jandoret a derotá ekipo Sigi Hunga ku skor di 11-0. Den e wega aki Myron Wijman di Jandoret Raiders a dal dos grandslam pa empuhá 8 kareda. Weganan ta sigi e wikènt aki kaminda fanátikonan por sinta den e station di e ekiponan.

Djasabra 12 di sèptèmber

Isla Crackers 4, Marlins 2

Isla Crackers a dal 6 hit i nan a kometé 2 eror. Quincy Kook a gana. Julius Veeris a bai di 1-1. Pa Marlins 8 hit ku 1 eror. Ramon Cabrera a pèrdè. Cedric Gill i Jean Paul Pierre, ámbos a bai di 2-2.

Marchena Stars 6, Vosama 3

Marchena Stars tabatin 8 hit ku 3 eror. Raymond Soerka tabata ganadó. Erwin Benita a bai di 1-1. Pa Vosama 7 hit ku 4 eror. Xaviero Avastia a resultá pèrdèdó. Cedric Valies a bai di 2-2.

Jandoret Raiders 16, Azucar 0

Jandoret a dal 22 hit i nan a kometé 1 eror. Fitzgerald Piter a gana. Myron Wijman, Raylon Capella ku Curtly Schoop, tur a bai di 2-2. Azucar tabatin 6 hit ku 1 eror. Edmiro Chirino a pèrdè. Arlyson Sommer a bai di 2-2.

Myron Wijman ku dos grandslam djadumingu pa Jandoret vs Sigi Hugna den 50+

Djadumingu 13 di sèptèmber

The Brothers 10, Yesterday 1

The Brothers a konektá 12 hit i na a kometé 1 eror. Cedric Sebastiana tabata ganadó. Richel Angela ku Marcelo Pisas, ámbos a bai di 3-2. Aldrin Paesch a bai di 2-2. Pa Yesterday 1 hit ku 3 eror. Pernell Sprott a resultá pèrdèdó. Victor Hernandez a bai di 2-1.

Quality Stars 14, Sta Rosa Memories 7

Quality tabatin 10 hit ku 1 eror. Hayzem Martina a bai ku e viktoria. Rodney Michel ku Emile Haswell Jr a bai di 2-2. Emile Haswell Jr a konektá 1 homerun. Sta Rosa a dal 5 hit i nan a hasi 3 eror.

Edmond Martina a karga ku e derota. Dennis Dambruck a bai di 2-2. Curby Brunken a konektá 1 homerun.

Sta Maria Pirates 10, The Bulldogs 0

Sta Maria a dal 6 hit i kometé 1 eror. William Balentina a gana. Roderick Zimmerman a bai di 1-1. The Bulldogs tabatin 2 hit ku 5 eror. Elroy Philips a pèrdè. Dwight Alexander a bai di 1-1.