RBC ta sigi apoyá desaroyo di Hubentut
RBC ta firma kontrakt ku liganan di Little League

WILLEMSTAD RBC Royal Bank N.V. a firma kontrakt di spònser ku Curacao Little League Foundation, Liga Pabou, Liga Pariba, Liga Willemstad i Liga T-Ball/Pre Minor di Little League Beisbòl.
Ta di 24 aña konsekutivo ku RBC ta spònser Little League Beisbòl. E firmamentu a tuma luga djamars 9 di aprel 2024 na ofisina di RBC Royal Bank na Rooi Catoochi. Ku esepshon di e añanan di pandemia e kontrakt anual ta keda firma den e promé lunanan di aña.

Pierrot Hurtado, managing director di RBC Royal Bank durante spich.

‍

Pierrot Hurtado, Managing Director di RBC Royal Bank N.V. ta bisa: “RBC, huntu ku District Administrator i Curacao Little League Foundation a mobilisá i bini ku un plan i proyekto nobo p’asina garantisá kontinuashon di Little League den e añanan benidero. Proyektonan ta konsistí entre otro di klínika/tayer di Beisbòl tantu riba tereno práktiko komo mental pa e hóben, coach, dirigente i mayornan.

District Administrator Unry Floran na palabra.

E kategoria Baby, T Ball, Pre Minor lo siguí manera planiá. E aña aki atrobe tin diferente tim ku no tin spònsor i einan RBC tambe a duna sostén finansiëro, pa unifòrm inkluso material di entrenamentu. Un ke otro a keda entrega den luna di yanuari 2024.RBC, manera nan a bin ta demonstrá e último 24 añanan aki, tei huntu ku Curacao Little League. “

Presidente di Liga Willemstad Sra. Marelva Clementina i representante di Liga Pariba, Eduard van Heyningen ta opservá.

Representantenan (Presidente) di e diferente liganan, District Administrator i RBC a firma e kontrakt durante e enkuentro ku prensa djamars 9 di aprel.  E aña aki  tin kampionato di Karibe riba nivel Little League (11-12) na Kòrsou den Stadion Post 6. Akinan tambe RBC lo tei naturalmente ku e sosten kostumbrá.

Urny Floran, District Administrator i Pierrot Hurtado di RBC Royal Bank ta firma.

RBC den su afan pa yuda forma Hubentut komo nos futuro di mayan, ta sigui spònser Beisbòl Little League. RBC ta sumamente orguyoso di ta un patrosinadó prinsipal yudando mas ku 1300 hóben ku ta praktikando e deporte Beisbòl. E filosofía di Little League ta kuadra ku e filosofía di RBC, esta, formashon di hóbennan ku ta e pilánan di desaroyo di Kòrsou, Aruba , Boneiru i Sint Maarten. RBC ta spònser Little League na Aruba, Boneiru i Sint Maarten tambe.

‍

Eduard 'Chapo' van Heyningen ta firma pa Liga Pariba.

PATROSINADO
E kontribushon (spònser) di RBC ta destiná entre otro, pa kubri gastunan relashoná ku representashon den eksterior, material, drechamentu di tereno, seminario i unifòrm.
Mester apuntá ku for di aña ku RBC a kuminsá patrosiná Little League, éksitonan den eksterior a kuminsá:
2002 Senior Kampion Mundial;
2004 Little League Kampion Mundial;
2008 Junior League Kampion Mundial;
2018 Senior League kampion Mundial;
2023 Senior League Kampion Mundial
2005 supkampion Mundial Little League;
2019 supkampion Mundial di Little League;
2022 supkampion Mundial di Little League;
2023 supkampion Mundial di Little League;
2019 supkampion Mundial di Senior League;

Presidente di Liga Pabou Eugene Sambo ta firma kontrakt den presensia di Sharier Dorand.

‍
Den semi-final di Kampionato Mundial Senior League 2003;
Semi-final di Mundial Little League 2001, 2002, 2003, 2005 i 2007;
Ganadó kampionato di Karibe i partisipashon den Mundial di Little League na Williamsport  di 2001 te ku 2009 i despues na 2012, 2016, 2019, 2022 i 2023 tambe;
2014 Ganadó di kampionato Latino Americano den divishonnan Junior, Senior i Intermediate;
2015 Kampion Junior i Senior;
2016 Kampion Intermediate i Big League;
2017 Kampion Klásiko Latino di Beisbòl Hubenil;
2018 Kampion Karibe di Senior League ;
2019 Kampion di Karibe di Senior;.
2019 Kampion di Little League.
2022 kampion Intermediate i Little League Latino i Karibe.
2023 kampion Little, Junior i Senior Karibe i Latino.

Tur dirigente i representantenan di RBC Royal Bank despues di firmamentu di kontrakt.

‍