Reportage apertura Liga di Nos Tur 2024 dediká na Frank Curiel
WILLEMSTAD – Djabièrnè 5 di yüli tabatin apertura di Liga di Nos Tur 2024 dediká na Frank Curiel. Kuater ekipo a desfilá subi tereno pa start ku e apertura ofishal. MC Alexander Macaya a yama presentenan, Frank Curiel i representante di Minister di Deporte sr. Errol Bishop bonbiní .
Tabatin palabra di representante di Minister di Deporte, sr. Errol Bishop, presidente di Liga di Nos Tur sr. Gladwin Lacruz i Frank Curiel. Ekiponan i direktiva a duna Frank Curiel un regalo pa despues sigi ku wega number 2 di e anochi ku tabata entre Shining Stars i Sin Stres. Frank Curiel a hasi un yamada na e fanátikonan pa bin apoyá nan ekiponan manera tempu ku e liga a kuminsá.
Frank a bisa ku direktiva mester hasi mas promoshon. E fanátikonan a kai un tiki último tempunan. Frank Curiel a lansa e promé bala, sr. Bishop tabata na bate i presidente Gladwin Lacruz tabata umpire. Promé ku e seremonia tabatin wega entre Un Kara i Join Me. Ekiponan Sin Stres i Un Kara a gana dos wega den wikènt. Nos tin e numeritonan di wikènt pasá.
Resultadonan Liga di Nos Tur
Un Kara 11, Join Me 0
Un Kara a dal 14 hit i hunga sin eror. Isonette Polonius tabata e picher ganadó i e mes a bati di 3-2. Celeste Francisca di 3-3. Curilma Carolina i Idelien Hanst tambe a bati di 3-2. Join Me a bati 1 hit i hasi 1 eror. Angeludwina Sambo a pèrdè. Mirugia Bernadina a bati di 2-1.
Sin Stres 8, Shining Stars 1
Sin Stres a bati 6 hit i hasi 1 eror. Marie Windster tabata e picher ganadó. Janitza Betrian a konektá 2 hit den 3 turno. Shining Stars a dal 7 hit i hasi 7 eror. Minerva Maduro tabata e picher pèrdèdó. Lyan Sophia a bati di 2-2.
Un Kara 3, Shining Stars 2
Un Kara a dal 9 hit i a hasi 1 eror. Isonette Polonius a bolbe gana e wega i bolbe bati di 3-2. Fayna de Mei i Celeste Francisca tambe a bati di 3-2. Shining Stars a bati 10 hit i kometé 2 eror. Minerva Maduro tabata e picher pèrdèdó. Marjanella Jozef a bati di 3-3.
Sin Stres 6, Join Me 3
Sin Stres a bati 9 hit i kometé 1 eror. Monica Noor tabata e picher ganadó. Tanusi Delando a bati di 2-2. Mirugia Paulina tambe a bati di 2-2 i e tabatin 3 kareda empuhá. Join Me a dal 6 hit i hasi 1 eror. Louise Ortega tabata e picher pèrdèdó i e mes a bati di 2-1. Adriana i Valerio tambe a bati di 2-1.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bon dia. Nos ta sigi ku e kolumna Deporte Kòrsou ku basta informashon di Beisbòl i Sòftbòl. Miéntras preparashonnan ta sigi pa e kampionato di Karibe ku lo tuma lugá den Post 6. Extra Productions digital tei pa transmití tur e weganan di Kòrsou, weganan di semi-final i final. Ta for di aprel nos ta okupá ku e parti di Little League ku publikashon den korant, transmishon bibu di e weganan di play-off Little League ku ta entre Pabou, Pariba i Liga Willemstad. Manera ta konosí Pariba ta ekipo number 1 di Kòrsou i Pabou a keda number 2 i nan dos lo representá Kòrsou den e kampionato di Karibe ku ta di 14 pa 21 di yüli i dia 15 ta start ofishalmente ku seremonia di apertura ofishal i e weganan. Djabièrnè ta semi-final i djasabra ta final. Den e edishonnan benidero nos tin mas detaye.
* * * * *
Pa loke ta trata Beisbòl Veterano djaluna tabatin reunion na SSK. A papia di Liga 50 i intenshon ta pa start ku Liga 50 di Beisbòl Veterano dia 14 di yüli. E kampionato ta entre 6 ekipo. Promé ku dia 10 di yüli ekiponan mester entregá nan lista. Kampionato 2024 di Liga 50 ta mustra interesante. Un punto hopi importante ta e esuntu di pèrdèmentu di bala. By the way timnan a bira 5 debí ku Yesterday a kai afo. Kampioanto 50+ ta start awor dia 21 di yüli. Balanan ku bai foul patras di homeplate ta bai kai den kurá di un sloperij ku ta na Vi Jansen Ballpark i e doñonan a sera e kurá ku no por drenta i rekuperá e balanan mas. Ekiponan hasta ta papia di bai otro tereno, pero ya esei no ta fásil debí ku ta kos ku a yega di keda papiá na masha hopi okashon, pero ya. Mester wak e direktiva ku tabata na 2021 ku a organisá algun wega na Tio Daou Ballpark i kon a bai einan.
* * * * *
Pa loke ta trata Vi Jansen Ballpark, e doñonan a permití tur ekipo traha nan station pa pasa ratunan alegre despues di wega i ya.. no tin e fasilidat di kada ekipo ku nan station, bar, karioki, fiesta ets despues di wega. Ta yega un kaminda si ku e direktiva no por wanta e gastunan. E asuntu di umpire pa wega tambe ta algu serio. Tin wega ku ta solamente un umpire tin pa wega i algun ekipo a reklamá ku ta ora di nan wega so tin un umpire. En todo kaso Beisbòl Veterano ta den pèrtá formal i anunsiá ku tur ekipo mester koperá ku 125 florin mas pa por kumpra bala den buelta number 2. Ban pa Liga 60, ekipo Pitufos a kibra invikto di Jaws ganando 6 pa 3. Nos Tambe Por i ekipo Los Amigos a gana wikènt pasá den Liga 60 ku a tuma lugá na Frank Curiel Ballpark. Nos ta keda te aki pa awe i te mayan ku Poder di Dios.
%20copy.jpg)
