Resultado i kontinuashon di Beisbol Veterano na Vi Jansen Ballpark
Vosama ta sorprendé Santa Rosa Memories den Beisbòl Veterano
WILLEMSTAD- Vosama ku picheo kombiná di Felix Ibañez i Xaviero Avastia a gana Santa Rosa Memories ku skor di 4-2. Vosama ta drecha nan posishon rumbo pa klasifikashon. Den otro wega Jandoret a nòkout Marlins 14-0. Isla Crackers a gana Marchena Stars 9 pa 4. Djadumingu Quality Stars a dal Yesterday 10-0 i Azucar a gana Otrabanda 10 pa 5. Den Liga 50 Jandoret Raiders a derotá Vosama ku skor di 13 pa 4. Awe nos tin standing di Beisbòl Veterano.
LIGA 40+
Djasabra 27 ougùstùs
Vosama 4, Sta Rosa Memories 2
Vosama tabatin 6 hit i nan a hunga sin eror. Felix Ibañez a gana. Ryan Emperator a bai di 2-2 i Alberto Ramirez di 3-2. Alberto Ramirez a konektá 1 honron. Sta Rosa a bati 4 hit i hasi 1 eror. Geronimo Daflaar a pèrdè. Cedric Antonia a bati di 1-1 i Randy Lo-A-Tjong di 3-2.
Jandoret Raiders 14, Marlins 0
Jandoret a dal 15 hit i hunga sin eror. Picher ganadó tabata Clifton Yziek. Deron Clara a bai di 3-3, Arthur Kops, Earl Virginia i Raylan Capella di 2-2. Rigobert Cijntje i Jeffrey Martina ámbos di 1-1. Marlins tabatin 6 hit i 2 eror. Orlando Gerard a resultá pèrdèdó. Aldrin Visser a bai di 2-2. Juan Carlos Valera i Fernando Rosario Moreno, ámbos di 1-1.
Isla Crackers 9, Marchena Stars 4
Isla tabatin 11 hit i 1 eror. Jair Josepha a gana. Julius Veeris, Roderick Eustatius i Reugene Martis, tur di 2-2. Marchena a bati 4 hit i hasi 3 eror. Jurien Martina a pèrdè. Ruthgard Lunkers a bai di 2-2.
Djadumingu 28 ougùstùs
Quality Stars 10, Yesterday 0
Quality a bati 6 hit i kometé 1 eror. Picher ganadó tabata Dayron Puriel i e mes a bai di 2-2. Benito Guilliano i Georgegino Goelo, ámbos di 1-1. Pa Yesterday 3 hit i 1 eror. Carl Jurrjens a resultá pèrdèdó i Andreis Gonzalez a bai di 2-2.
Azucar 10, Veteranos Otrobanda 5
Azucar tabatin 9 hit ku 2 eror. Royston Privania a bai ku e viktoria. Dennis Testing i Jeniver Mook, ámbos a bai di 2-2 i Arlyson Sommer di 1-1. Otrobanda a bati 7 hit i hasi 6 eror. Danchelo Moesker a karga ku e derota. Edison Clemencia i Anshel de Palm, ámbos di 1-1.
LIGA 50+
Jandoret Raiders 13, Vosama 4
Jandoret a konektá 16 hit i kometé 1 eror. Deron Clara a gana. Jeffrey Martina a bai di 3-3 i Myron Wijman di 2-2. Vosama tabatin 7 hit ku 1 eror. Wendell van ’t Kruys a pèrdè. Mihó bate: Cedric Antonia a bai di 3-2 i Sigbert Juliana di 1-1.
Standing Beisbòl Veterano Liga 40
Te ku 28 di ougùstùs 2022
1 Quality Stars 15 - 2
2 Isla Crackers 14 - 2
3 Sta Maria Pirates 13 - 3
4 Jandoret Raiders 10 - 6
4 The Brothers 10 - 6
6 Sta Rosa Memories 9 - 7
7 Vosama 8 - 8
8 Azucar 7 - 9
9 Marchena Stars 5 - 11
10 Yesterday 3 - 14
11 Marlins 2 - 14
12 Vet. Otrobanda 1 - 15
Standing Beisbòl Veterano Liga 50
Te ku 28 di ougùstùs 2022
1 Jandoret Raiders 3 - 0
2 Yesterday 1 - 0
4 Vosama 1 - 2
4 Vet. Otrobanda 1 - 2
5 Sigui Hunga 0 - 2
Wild Cats a firma Jonathan Willems i ya e tin dos wega hunga
WILLEMSTAD- Wild Cats a firma e infielder Jonathan Willems ku resientemente a keda lagá den libertat pa organisashon Cincinnatti Reds. Jonathan Willems a firma na 2015 ku Cincinnatti Reds i a keda 7 aña den Grandes Ligas. Jonathan Willems di 23 aña lo hunga tersera base pa e ekipo Wild Cats i por defendé tur posishon den infield. Un gran prospekto di Beisbòl profeshonal ku a keda ‘release’ e luna aki pa Cincinnati. E tabata hunga den sukursal Dòbel A ku ekipo Daytona Tortugas. Wild Cats a firma e picher Ruiano Nigel Calmes ku a keda release i ta pendiente pa firma un picher mas rumbo pa play-off di Beisbòl Dòbel A. Willems tin 2 hit den 9 turno den dos wega pa averahe di .222. Nigel Calmes tin un ERA di 3.60 den 3 wega tira.
Fanátikonan di Deporte Korsou bon dia. Tremendo resepshon pa nos muchanan djaluna na aeropuerto, despues na airport Hotel, sigi pa òptògt riba ruta di Karnaval i bai terminá ku un tremendo homenahe na Plasa Brion. E muchanan ku a lanta for di 3’or di mardugá na Williamsport djaluna a gosa un bòl tòg i a keda lantá te na momentu ku e homenahe a terminá. Algun regalo tremendo manera entre otro leptop, 50% di beka di estudio pagá na momentu ku nan kaba enseñansa sekundario i hopi regalo mas. Tene kuenta ku e euforia no a kaba ainda i den dianan benidero ta hopi kaminda mester bai na unda regalonan lo sigi drenta.
* * * * *
Miembronan di e Gobièrnu aktual, tantu minister komo parlamentarionan a hiba palabra, pa gradisí e delegashon pa e propaganda ímpagabel ku nan a hasi pa Kòrsou i alabes a tene nòmber di Kòrsou na laira. RBC Royal Bank, spònser di little League ya pa 22 aña tambe ta pendiente pa organisá algu pa e muchanan. Sr. Pierrot Hurtado, Managing Director di BRC Royal Bank tambe a dirigí palabra ayera i a bisa atrobe ku ta 22 aña nan tei i nan lo tei komo spònser di Little League pa hopi aña mas. Un Pabien speshal tambe pa Zaino Everett, manager di e selekshon ku a traha masha duru mes durante 8 luna ku su kuerpo tékniko i otro entrenadónan pa hiba e selekshon na e título Internashonal i supkampion di Mundu.
* * * * *
Miéntras tantu Beisbòl Dòbel A di Kòrsou a sigi djaluna den Stadion Johnny Vrutaal. Marchena Braves a logra gana un wega despues di mas ku dos luna i mei. Marchena Braves den un bon partido a gana di Groot Kwartier ku skor di 6 pa 3. Marchena tabatin un ofensiva bárbaro di 15 hit. Ryson Polonius a bati di 5-4 i subi su averahe di .333 pa .386. Ta for di 9 di yüni Marchena Braves a logra zona un kampaso riba Wild Cats ganando nan promé wega di kampionato ku skor di 7-0. Despues pèrdè 11 wega sigí pa djaluna gana wega number 2. Standing di Beisbòl Dòbel A ta Royal Scorpions 10-3, Wild Cats 9-3, Santa Maria Pirates 8-5, Santa Rosa Indians 8-5, Groot Kwartier Stars 6-9, Firebirds 2-9 i Marchena Braves 2-11.
* * * * *
Marchena tin chèns ainda pa sali na di 6 lugá i kai den Wild Card. Nan tin mes tantu wega ganá ku ekipo Firebirds. By the way, ekipo Marchena Braves a sali kampion di Beisbòl Hubenil djadumingu ku un viktoria di 5-4 riba Wild Cats den un wega bon bringá. Tabata e wega finalísimo di e seri ku tabata empatá na 1. Marchena a gana e promé wega 15-14, Wild Cats a bin fuerte den e di dos wega ganando 10-0. Weganan 1 i 2 di e serie a tuma lugá djabièrnè 19 i djasabra 20 di ougùstùs. E wega finalísimo mester tabata djabièrnè 26 di ougùstùs, pero e wega a keda suspendé pa mal estado di tereno òf ta problema ku bala. En todo kaso Wild Cats tabata ganá 4 pa 2 te den último inning, pero Marchena Braves a nota 3 kareda den kabes di 6 inning (último inning) pa bòltu e skor i bira kampion.
* * * * *
Ryjetery Merite ku a habri e wega pa Marchena Braves tabatin un hit klave pa bòltu e skor. Ku dos koredó na base den último chèns Merite ta poncha dos batiadó sigí pa terminá e partido. E viktoria a duna e grandinan di Dòbel A un boost pa gana un wega despues di hopi tempu. Den Beisbòl Klase A ekipo Santa Rosa Indians ta den otro final. Santa Rosa Indians tin 3 título di Klase A sigí. Santa Rosa a sweep Royal Scorpions den e promé wikènt 11-0 i 9-1. E serie entre Santa Maria Pirates i Groot Kwartier a bai tres wega i Groot Kwartier a gana i pasa pa final kontra Santa Rosa. Groot Kwartier a sorprendé Santa Rosa den e promé wega di final ku skor di 10-9. Djasabra awor pa 2’or tin wega number 2 di e final entre Santa Rosa i Groot Kwartier. Si ta nesesario lo hunga wega number 3 djadumingu pa 10’or na Bonnam. Otro notisia ta ku Wild Cats a rematá djaluna ku firmamentu di e infielder profeshonal Jonathan Willems i un picher di Aruba.
