Resultado i sifranan di Liga 50
WILLEMSTAD- Liga 50 a sigi wikent pasa ku 4 wega na Van Engelen Ballpark. Den e wega kandela di e fecha ekipo Jaws a gana Marlins ku skor di 10 pa 6. Nos tin sifranan up to date di e lidernan den Liga 50. Catpower a gana Artemisia 7 pa 6. Artemisia a hera di gana nan promé partido di kampionato 2023.
Ku e viktoria aki Catpower a logra nan di dos viktoria den 2023 i tur dos ta kontra Artemisia i naturalmente Artemisia no tin viktoria den e kampionato i nan rèkòrt ta di 0-15. Catpower tin 2-15. Mayoria ekipo falta 3 wega pa terminá kampionato regular 2023. Ekiponan Baranka, Ban Serio, Jaws i Marlins a klasifiká. Marlins tin rèkòrt di 10-5 i esnan ku ta sigi tin 8 pèrdí i nan mes mester enfrentá otro. Marlins falta Sluggers, Artemisia i Lions. Play-off lo start na komienso di òktober I e último weganan di buelta regular ta 30 di sèptèmber.
Den e otro weganan di djasabra den Liga 50 ekipo Ban Serio a bapuliá Flamboyan/Tigers 31-0. Ban Serio a usa un picher, Miro Daal ku a permití solamente un hit i Flamboyan a usa 4 picher. Ban Serio a dal 10 homerun, 3 di Jair Josepha i 3 di Kelvin Winklaar. Kelvin Winklaar a yega 9 homerun, Jair Josepha 7 homerun i Sherdon Rombley a bai 11 homerun i empatá ku Sedney Lourens di Baranka pa e liderato di homerun.
RESULTADONAN
Catpower 7, Artemisia 6
Ban Serio 31, Flamboyan 0
Jaws 10, Marlins 6
Lions 8, Sluggers 7
WEGANAN DI DJASABRA 9 DI SÉPTÉMBER
10.00 Jaws - Ban Serio
12.00 Marlins - Sluggers
14.00 Pitufos - Baranka
16.00 Artemisia - Lions
%20copy.jpg)
