Resultado komunikado i informashon di Futbòl FFK
E siman aki tabatin varios wega i Deporte Kòrsou tin informashon, resultado, skèdjel i komunikado di Futbòl FFK.
Resultado Liga MCB Promé Divishon; 22-5-2022!
Subt 2 - Centro Dominguito 2
E golnan di Subt a keda anotá pa Djurson Pieters na 2 minüt
Evelio Condumi Orobio na 19 minüt
Miéntras esnan di Dominguito a keda anotá pa Ashar Bernardus na 72 minüt
Ivanny Calvenhoven na 78 minüt
Victory Boys 1 - Undeba 1
E gol di V.Boys a keda anotá pa Thahir Gerard na 90 minüt
Miéntras esun di Undeba a keda anotá pa Charles Martina na 65 minüt
FUTBÒL I BEISBÒL TA BAI UNÍ FORSA PA YUDA ENGRANDESÉ ÁMBOS DEPORTE!
Resientemente Sr. Ramiro Griffith, presidente di FFK huntu ku Sr. Jedrek Magdalena, presidente di Baseball Curacao - Febeko a reuní pa kòmbersá riba vários posibilidat i diferente manera pa mehorá e dos deportenan di mas grandi di Kòrsou. Despues di ta tin algun kòmbersashon informal, nan a disidí di sinta huntu p’asina bai mas den detaye kon kada un por yuda otro, yuda e federashonnan i mas importante pa yuda e deportistanan di Kòrsou.
Ámbos presidente tin vishonnan similar pa nan deporte i ta sigur di lo por kolaborá na benefisio di e deporte, kada atleta i Kòrsou kompletu. E kolaborashon lo toka varios área, manera ‘nation building’, desaroyo hubenil, rekoudashon di fondo, struktura ku proseduranan deportivo i tambe bekanan eskolar. Tambe a papia riba e parti organisatorio, kon pa strukturá i profeshonalisá e federashonnan i deporte en general.
Sr. Griffith ku Sr. Magdalena por mira bèk riba un enkuentro ameno, kargá ku informashon i plannan grandi pa deporte ku pronto lo wòrdu kristalisá.
E siman aki tabatin varios wega i Deporte Kòrsou tin informashon, resultado, skèdjel i komunikado di Futbòl FFK.
UNDEBA rumbo pa 50 aña a eligí un Direktiva nobo
Konforme UNDEBA su statuto durante di un Reunion General ku a tuma lugá dia 19 di mei 2022 miembronan a eligí un Direktiva Nobo.
E Direktiva Nobo aki ta konsistí di:
Presidente: Rignaal "Jean" Francisca
Vise-Presidente: Sigmond Jamanika
Sekretario: Jowenny Troeman
2e Sekretario: Georgina Francisca
Tesorero: Asherellah François
2e Tesorero: Urvin Martina
Komisario: Selfrin Sambo
Komisario: Aldrin Troeman
Komisario: Sandie Ortela
Esaki lo ta e tim dinamikó ku lo sigui traha duru pa yuda engrandesé e ekipo di UNDEBA ku ta rumbo pa kumpli su di 50 aniversario.
Pa tur ku kier tuma kontakto ku UNDEBA, nan por hasi esei libremente na undeba20@gmail.com
