Resultadonan di Beisbòl Veterano Sòftbòl Slowpitch i mas informashon di Beisbòl i Sòftbòl
Santa Maria ta kibra invikto di Quality Stars den Beisbòl Veterano
WILLEMSTAD- Santa Maria Pirates ku bon relevo di Randolph ‘Johnny’ Balentina ta derotá ekipo Quality ku skor di 8 pa 5. Ryan Samuel a bati di 3-3 pa Santa Maria. Tabata e promé derota di Quality Stars den e kampionato 2022. Den otro wega kayente djasabra Santa Rosa Memories ta gana di Jandoret Raiders 7 pa 3. Yesterday a sorprendé Marchena ganando 9 pa 2. Djadumingu Isla Crackers a gana Otrabanda 11 pa 8 i The Brothers a gana Marlins pèrtá 4-3.
RESULTADONAN
LIGA 40+
Djasabra 13 ougùstùs
Sta Rosa Memories 7, Jandoret Raiders 3
Sta Rosa a dal 9 hit i nan a hunga sin eror. Picher ganadó tabata Raymond Martes. Shendy Cras di 2-2 i Jair Quant di 1-1 i Raymy Cicilia di 3-2. Jandoret tabatin 5 hit sin eror. Picher pèrdèdó a resultá Earl Virginie. Deron Clara, Arthur Kops, Fisel Perreira i Jeffrey Martina tur a bai di 2-1.
Yesterday 9, Marchena Stars 2
Yesterday tabatin 6 hit i 2 eror. Carl Jurrjens a gana. Oscar Lebar, Charles van Thijs, Sergio Everon i Renny Sint Jago tur di 2-1. Marchena a dal 4 hit i hasi 3 eror. Jurien Martina a pèrdè. Danielo Sanchez di 2-2.
Sta Maria Pirates 8, Quality Stars 5
Sta Maria a dal 11 hit i kometé 2 eror. Randolph Balentina a bai ku e viktoria. Rayon Samuel di 3-3. Amador Nita i Ruben Snoyl, ámbos di 1-1. Quality tabatin 7 hit i 3 eror. Hayzem Martina a karga ku e derota. Merieldo Trinidat di 3-2, Dayron Puriel i Vernon de Lanooi, ámbos di 2-1.
Djadumingu 14 ougùstùs
Isla Crackers 11, Veteranos Otrobanda 8
Isla a bati 14 hit i kometé 1 eror. Picher ganadó tabata Luigi Yanez. Julius Veeris i Jermain Esprit, ámbos di 2-2. Stanford Landburg di 1-1. Otrobanda tabatin 6 hit i 4 eror. Picher pèrdèdó a resultá Danchelo Moesker. Anshel de Palm a bati di 3-3.
The Brothers 4, Marlins 3
The Brothers tabatin 5 hit i 3 eror. Bryon Kook a gana. Bryon Kook mes a bai di 2-2. Marlins: a dal 8 hit i hasi 2 eror. Shanon Kleinmoedig a pèrdè. Wilkin Lockhart Martinez di 3-3 i Jean Paul Pierre di 1-1.
LIGA 50+
E partido entre Jandoret Raiders i Yesterday a keda posponé pa mal estado di tereno.
Swift i Baranka ta gana den Liga 40
WILLEMSTAD- Swift a laga Gamers den tereno ganando 13 pa 12. Baranka a dal Crazy Tigers 25 pa 20
den un fiesta di homerun djaweps último na Van Engelen Ballpark den Liga 40. Enrique Madera a
konekta infield hit pa Donovan Seferina nota pa Swift gana Gamers den ultimo wega. E wega entre
Baranka i Crazy Tigers tabatin 12 homerun, 7 pa Baranka i 5 pa Crazy Tigers. Liga 40 ta sigi djaweps awor
ku dos wega. Promé wega pa 7.30 pm ta Swift vs Jaws i despues pa 9.30 pm ta sigi Baranka vs Gamers.
Swift 13, Gamers 12
Swift a dal 13 hit i nan a kometé 5 eror. Fernando Rosario a gana i e mes a bai di 1-1. Omar Molina ku
Percy Gosepa, ámbos di 2-1 i Wilkin Lockhart di 2-2. Donavan Seferina, Francisco Alcantara ku Enrique
Madera, tur a bati di 3-2. Wilkin Lockhart ku Donavan Seferina, tur 2 a konektá 1 homerun. Gamers
tabatin 12 hit ku 1 eror. Jose Obispa a pèrdè. Rudney Garmers ku Bryan Goilo, ٔámbos di 2-1. Bryon Kook
i Reugene Martis, tur 2 a bai di 2-2. Ryan Imperator di 3-2 i Tyrone Hollander di 4-3.
Baranka 25, Crazy Tigers 20
Baranka tabatin 21 hit ku 2 eror. Kenrick Hellement tabata picher ganadó. Eldred Estanista, Signald Paz i
Kenrick Hellement, tur a bai di 3-2. Gerald Zimmerman di 3-3. Edmar Cornelia ku Erling Gosepa, ámbos
di 4-2 i Jair Josepha di 5-4. Merieldo Trinidad, Jair Josepha, Edmar Cornelia, Kenrick Hellement i Signald
Paz, tur a konektá 1 homerun i Eldred Estanista a konektá 2. Crazy Tigers a dal 15 hit i nan a hasi 3 eror.
Roderick Sambo a resultá pèrdèdó. Curby Brunken, Michelangelo Celestina ku Alberto Rafael, tur a bai di
2-1. Julius Veeris, Stanford Landburg i Jermain Esprit, tur a bati di 3-2. Dave Janga a bai di 4-3. Roderick
Zimmerman, Kevin Boekhoudt, Stanford Landburg, Germain Esprit ku Julius Veeris, tur a konektá 1
homerun.
INFORMASHON DI BEISBÒL I SÒFTBÒL
Fanátikonan di Deporte Kòrsou bon tardi. Nos ta den kayente di Little League Mundial, manera tabata e kaso dos siman pasá ku nos tabatin
selekshonan Junior i Senior di Sòftbòl i Intermediate di Beisbòl aya na USA. Selekshon Little League a
move for di djaweps 11 di ougùstùs i i selekshon Junior djabierne 12 di ougùstùs. E aña aki ta di 75
aniversario di Little League Baseball World Series. E final lo tuma lugá djadumingu dia 28 di ougùstùs
den Howard J. Lamade Stadium. Den dianan ku a pasa e muchanan mester a pasa tuma unifòrm i otro
artíkulonan ku nan ta risibí Selekshon Little League di Kòrsou a gana di Nicaragua den un tremendo partido ku skor di 2-0.
* * * * *
E muchanan ta pasando bon mes i den gran forma risibiendo bastante artíkulo pa nan por keda kuné.
Antes tabata solamente e karson di unifòrm e muchanan mester entregá bèk i nan por keda ku tur otro
kos, entre otro un bate, tas di bate, sapatu di bala (spike) kèts, kamiseta di unifòrm, dos undershirt, bril
karu di marka Oakley, wante nobo nobo. Na Hulandes nan lo bisa ‘noem maar op’. Williamsport ta un
mundu speshal pa muchanan ku ta hunga Little League. E artíkulonan aki tabata na 2016 i na 2019 a
korta bastante den loke e muchanan tabata haña. Na 2016 i 2019 Korsou tabata na Williamsport.
Djadumingu nos tabatin kontakto ku manager di selekshon Little League di Kòrsou ku ta Zaino Everret ku
a bisa ku ta un tremendo eksperensia mes mes. Djadumingu tabatin Kongreso i e tradishonal parada lo
ta djaluna 15 di ougùstùs. Tur kos a keda meskos, e disiplina, kana huntu bai train. Djasabra e selekshon
a train riba e parke Volunteer kaminda a hunga e promé wega.
* * * * *
Yega Mundial di Williamsport ta un soño di tur hungadó di Little League. Remarkabel ta ku e fever
(fiesta/kompetensia) di aki no ta manera den otro liganan, manera Intermediate, Junior, Senior i Big. Aki
tin dos stadion a la Big League, espeshalmente e stadion grandi Howard J. Lamade Stadium ku ta karga
40.000 hende. Figurabo komo mucha den un stadion kaminda 40.000 hende ta wak bo hunga bala. 10
mil stul tin den e stadion i 30 mil hende mas alrededor di e stadion ku ta keda den bahada di un seru.
Algu úniko i inolvidabel pa e peloteronan hóben di e 20 timnan ku ta partisipá. Lo hunga e sistema di
eliminashon dòbel.
* * * * *
Den Beisbòl Veterano e ekipo Santa Maria a kibra invikto di Quality Stars djasabra último. Santa Maria a
gana Quality ku skor di 8 pa 5 ku picheo di Skippy Sambo i Johnny Balentina. Skippy Sambo a tira 1
inning i 2 tersio i tuma 4 kareda di kual 1 tabata limpi. Johnny Balentina a tira 3 inning i 1 tersio i tuma 1
kareda sushi. Pa Quality Stars a tira Hayzem Martina, Reinold Anderson i Eduardo Lovera. Hayzem
Martina a resultá e picher pèrdèdó. Den otro wega Santa Rosa Memories ku tremendo picheo di
Ramond ‘Links’ Martis a gana di Jandoret ku skor di 7 pa 3. Djasabra Yesterday a gana Marchena 9 pa 2.
E wega a kompletá 4 inning i un palu di awa a kai, wega tabata legal i Yesterday ta gana. E wega di
djadumingu di Liga 50 a keda suspendé pa motibu di awaseru. Wega number 2 i 3 si a sigi djadumingu.
Isla a gana Otrabanda 11 pa 8. The Brothers a gana Marlins ku skor di 4-3. Djasabra último e wega
kandela entre Marlins i Baranka den Liga 50 (Sòftbòl) a keda suspendé pa motibu di hopi awaseru i mal estado di tereno. Nos ta keda te aki pa awe.
