Resultadonan di Torneo di Fundashon Akademia di Beisbòl Brievengat
WILLEMSTAD- Torneo FABB a start djabièrnè 5 di yanüari den gran forma, kaminda Xander Bogaerts a lansa promé bala den presensia di Mark ‘Gordo’ Van Zanten, na ken e torneo ta dediká. Tabatin wega djabièrnè, djasabra i djadumingu na Van Engelen Ballpark. Nos tin algun resultado i pòrtrèt.
Torneo FABB ta sigi e wikènt aki na Van Engelen Ballpark
WILLEMSTAD- Torneo Fundashon Akademia di Beisbòl Brievengat (FABB) ta sigi e wikènt aki na Van Engelen Ballpark ku hopi wega riba nivel di Little League i Minor League. Ekipo Trai Seru Minor a sali duru ku dos viktoria den nan dos promé weganan, miéntras den Little League Trai Seru tin 1-1 ku un viktoria riba Koraal Specht i un derota kontra Montanja Abou. Montanja Ariba i Montanja Abou ta invikto den Little League ku rèkòrt di 2-0, Van Engelen tin rèkòrt di 1-0.
SkemaDjabièrnè 12 di yanüari Van Engelen 15, Brievengat 2 (Little)Brievengat 3, Santa Rosa 2 (Minor)
Djasabra 13 di yanüari11.00 Montanja Abou – Van Engelen (Minor)13.00 Brievengat – Trai Seru (Minor);15.00 Santa Rosa – Montanja Ariba (Minor);13.00 Trai Seru 10, Santa Rosa 0 (Little);15.00 Montanja Abou 6, Koraal Specht 0 (Little);17.00 Van Engelen – Montanja Ariba(Little).
Djadumingu 14 di yanüari11.00 Trai Seru - Santa Rosa (Minor);13.00 Van Engelen - Montanja Ariba (Minor);15.00 Montanja Abou - Brievengat (Minor).
Resultadonan 5,6, i 7 di yanüariMontanja Abou 5, Trai Seru 0;Montanja Ariba 10, Brievengat 0;Van Engelen 18, Salinja 1;Van Engelen 9, Brievengat 8 (Minor);Santa Rosa 18, Koraal Specht 1;Santa Rosa 11, Montanja Abou 6 (Minor).
MAS INFORMASHON DI BEISBÒL I SÒFTBÒL
Fanátikonan di Depote Kòrsou, bon dia i felis wikènt. Di dos siman den yanüari ku aki i aya algun informashon deportivo. Curacao Baseball Week tabata eksitoso, despues ku algun aña e evento no a tuma lugá debí na Covid-19 i na 2022 tabata awaseru ku a para e evento. Un éksito rotundo i presensia di Dusty Baker tabata e chèri riba e bolo. Un hòmber ‘down to the earth’ ku ta kla pa kombersá i saka pòrtrèt ku tur hende ku presentá i pidi’é un pòrtrèt. Un dje grandinan di e deporte Beisból i hopi stimá na USA i tur kaminda ku ta praktiká Beisbòl.
Ata algun detaye di Dusty Baker. Johnnie B ‘Dusty ’ Baker a nase na Riverside Califoria 15 di yüni 1949, ke mèn e tin 74 aña. Dusty Baker a hunga Beisbòl den Major League 19 aña largu i mayoría ku Los Angeles Dodgers. Ela bira kampion ku Los Angeles Dodgers na 1981 i kampion komo manager di Houston Astros na 2022. Ela manehá Houston Astros, Chicago Cubs, San Francisco Giants, Cincinnati Reds i Washington Nationals. Su tata tambe tabata yama Jonnie Baker. Pesei e ta Johnnie B Jr. Dusty Baker su average di por bida ta .278, 242 homerun i 1013 RBI. Ela debutá ku Atlanta Braves na 1968 ku 21 aña. Ela hunga wega di strea dos biaha 1981 i 1982. Dusty a gana MVP di playoff di Liga Nashonal na 1977 i gana wante di oro na 1981. 3 biaha e tabata manager di aña, 1993, 1997 i 2000. Sin duda un gran personahe di Beisbòl.
%20copy.jpg)
Ekipo Nos Tambe Por i ekipo Los Amigos, Jaws i Pitufos a mèldu pa hunga Amstel Bright Premier Cup ku ta start dia 27 di yanüari na Van Engelen Ballpark. Aña pasá tabata e dos ekiponan aki huntu ku Jaws i Sluggers ku a kompetí pa e promé biaha den 60+ den torneo na komienso di aña. Inskripshonnan ta drentando i ekiponan tene kuenta ku inskripshon a sera 12 di yanüari. Den diferente sekshon, e mihó ekiponan di aktualidat di Liga 50, 60, Komersial Maskulino, Femenino i Co-Ed (Sosial Corporate i Sosial Plùs) mas ekiponan di Liga Kompetitivo, entre otro Liga van Engelen, Liga Amstel i Liga 40, lo kompetí kontra otro den nan mes respektivo kategoría. Chèns ta grandi ku lo tin lus riba vèlt B di Van Engelen Ballpark tambe pa start e kompetensia. E torneo lo terminá 10 di mart i lo tin break e fin di siman di Gran Marcha.
Saludo pa nos amigunan di Aruba ku sa bini tur aña pa Festival di Tumba i tira un wega di Sòftbòl. Tabatin okashon ku nan a hunga Sòftbòl tantu riba djasabra komo djadumingu den Torneo Survivors. No ta sigur ku nan lo tei e aña aki. E aña aki Amstel Bright Premier Cup lo start nèt e fecha despues di Festival di Tumba ku ta dia 27 di yanüari. Festival di Tumba ta dianan 22, 23,24 i 26 di yanüari. E ekipo sa hiba nòmber Kibrá Kibrá. Hopi biaha e ekipo ta resultá di ta Hinté Hinté ku algun hungadó di nivel haltu ku a sa di gana di ekiponan di Kòrsou.
Nos tin un notisia kayente aki. Parse ku manager di ekipo Marchena Braves, Gilmar Velder lo move for di Beisbòl Dòbel A i lo bai coach Little League. Velder a konfirmá e notisia ku nos i keda pendiente pa mas detaye. Temporada pasá ekipo Marchena Braves a terminá na di 5 lugá, pero a kai vensí kontra di Santa Maria rumbo pa semi-final. No tin masha informashon di Beisbòl Dòbel A. Johnny Balentina a bira manager di Wild Cats i nos tabatin detaye i entrevista largu den edishon di e siman aki.
Torneo FABB a start ku 15 ekipo di Liga Pariba djabièrnè último na Van Engelen Ballpark ku presensia di Xander Bogaerts ku a tira promé bala pa start e torneo. Tabatin presensia di Minister di Deporte sr. van Heydoorn i Mark’ Gordo’ Van Zanten na ken e torneo ta dediká. Gordo tin un historia hopi largu i impreshonante komo coach. Asta un dje grandinan, Ernest Meyer ku tin hopi aña komo coach tabata serka Gordo na komienso di su karera komo coach. Dia 8 di yanüari tabata Dia di 1 Rei, esei ta Sidney ‘Pipi’ Pieter. Djasabra 6 di yanüari tabata fiesta di 3 Rei, djadumingu 7 di yanüari tabata Fiesta di 2 Rei i awe fiesta di 1 Rei, segun Pipi Pieter. Nos ta keda te aki i te mayan ku Poder di Dios.
