Resumen Slowpitch 2023
Final Torneo Hope ku 6 ekipo kampion

WILLEMSTAD – Torneo Hope a terminá djadumingu 7 di mei na Van Engelen Ballpark. Ekipo CRU a bira kampion den 40+ ganando di ekipo Flow 9 pa 4. EWT Mac Donalds a gana Corendon ku skor di 3 pa 1. Den Soshal Maskulino Plus Fireboys a gana Friday 7 pa 6.  Ekipo Belastingdienst a ripití nan título di Soshal Maskulino ganando di Kustwacht 9 pa 7. Den e último partido riba e fecha menshoná ADC/Brandweer a derotá MCB 7 pa 4 den e kategoria Soshal Femenino.

Ekipo Belastingdienst a ripití komo kampion Maskulino.
ADC/Brandweer kampion Soshal Femenino.
Rachid Ellis MVP Belastingdienst.
Ekiponan di MCB despues di hopi aña sin un título den Hope.
One Flavas tremendo animashon riba e último fecha.
Bon públiko tur wikènt den Torneo Hope 2023.
CRU kampion kategoria 40+ di Hope.


Ekipo Los Amigos a sera aña 2023

‍
Ekipo Los Amigos di Liga 60 a sera aña djadumingu 17 di desèmber na Sentro di Bario Koraal Specht. Kasi tur hungadó i dirigente tabata presente i algun hungadó nobo ku ta na kaminda pa ekipo Los Amigos. E ekipo ku un tempu a bira dos biaha sigí kampion (2016 i 2017) ta bayendo den gran forma. Na komienso di aña nan a gana Torneo Kid Boca Chica, despues nan a organisá Torneo Kopa ABC&S na Kòrsou i den luna di novèmber nan a biaha pa Medellin.

Cedric Curiel tambe presente na sena di Los Amigos.
Vários kara nobo den ekipo Los Amigos.
Mas potret durante sena di Los Amigos i presentenan na bufèt.

‍

‍