Round Robbin di Beisbòl Veterano ta sigi awe i djadumingu na Tio Daou Ballpark
WILLEMSTAD- Round Robbin di Beisbòl Veterano lo hunga djasabra i djadumingu na Tio Daou Ballpark. 6 ekipo lo bai den e último wikènt di kompetensia Round Robbin pa despues e mihó 4-nan sigi den kompetensia. Djadumingu último debí na mal estado di tereno a bai Vi Jansen Ballpark. 2 wega a keda suspendé djadumingu último i e weganan ei lo tuma lugá djadumingu awor na Tio Daou Ballpark. Tene kuenta ku kada ekipo por tin solamente 20 fanátiko na tereno i despues di e wega mester move ku e fanátikonan. Beisbòl Veterano Kòrsou (BEVEKO) tabata pendiente pa anunsio di gobièrnu pa move ku e weganan na Vi Jansen Ballpark, kaminda fanátikonan ta tene kuenta ku distansia soshal. Hopi fanátiko leu den nan station òf den nan outo. E manera ku Vi Jansen Ballpark ta ubiká na Seru Franses (Kas Chikitu) ta pone fanátikonan por keda leu for di otro, debí na hopi espasio mes espeshalmente patras di fencenan den outfield. Kasi tur ekipo tin nan station ku hopi espasio i fanátikonan por wak wega for di nan outo for di lugánan di parker.
Santa Rosa ku bon promedio di kareda kontra ku bon chèns di klasifiká. Nan lo topa Bulldogs i Isla.
SKEDJEL
Djasabra 7 di novèmber
(Tio Daou Ballpark)
10.30 Jandoret Raiders – Santa Maria Pirates;
13.00 Santa Rosa Memories – Bulldogs;
15.30 Quality Stars – Isla Crackers.
Djadumingu 8 di novèmber
13.00 Santa Maria Pirates – Quality Stars;
15.30 Isla Crackers – Santa Rosa Memories.
STANDING
Jandoret Raiders 3-1, Santa Rosa 2-1, Quality 2-1, Isla 1-2, Santa Maria 1-2 i Bulldogs 1-3.
