Santa Maria Pirates dilanti 3-0 vs Royal Scorpions den final di Beisbòl Dòbel A
WILLEMSTAD- Santa Maria Pirates ku no tabata faborito pa gana e gran final di Beisbòl Dòbel A 2024 ta dilanti 3-0 den e seri final. Djasabra 28 di sèptèmber 2024 pa 8’or di anochi tin e wega number 4 di e seri. Santa Maria a gana wega number 1 (djadumingu 22 di sèptèmber) ku skor di 11-10, wega number 2 (djarason 25 di sèptèmber ) 21-5, i (djaweps 26 di sèptèmber) 8-4. Chèns ta grandi ku Santa Maria Pirates lo kaba e seri djasabra 28 di sèptember.
Mon Repos Sluggers ta sorprendé Pitufos tambe den 60+
WILLEMSTAD – Mon Repos Sluggers preparando pa hunga Dutch Caribbean 60+ na Boneiru, a gana Pitufos ku skor di 8-6 den Liga 60 djadumingu último na Frank Curiel Ballpark. Mon Repos Sluggers a gana grandinan manera Nos Tambe Por i Jaws e aña aki i awor nan ta gana di e ekipo Pitufos. Mon Repos Sluggers, Nos Tambe Por, Lions i Los Amigos lo ta na Boneiru di 3 pa 6 di òktober pa kompetí den Dutch Carribbean 60+.
Djadumingu wikènt awor tin 3 wega i dia 6 di òktober lo no tin wega di 60+. Den e otro weganan Jaws a pasa fásil riba Curacao Super Stars ku skor di 11-0 i Lions a dal Nos Power fásil 6-0 ku bon picheo atrobe di Gregory Martijn. Standing up to date ta Nos Tambe Por 10-2, Jaws 9-3, Pitufos 8-4, Lions 6-5, Nos Power 6-6, Mon Repos Sluggers 5-8, Los Amigos 4-8 i Curacao Super Stars 0-12.
Liga 60
Mon Repos Sluggers 8, Pitufos 6
Mon Repos Sluggers tabatin 6 hit ku 2 eror. John Klooster a gana. Irwin Leito, James Jackson, Wendel Isidora, Maynard Clint, Hilbert Cicilia ku Felipe Panneflek, tur a bai di 2-1. Pitufos a dal 7 hit i hasi 2 eror.
Leslie Conrados a pèrdè. Tyron Pitt a bai di 2-1. Richinel Juliana, Amarildo Coffie ku Sharlon Louisa, tur a bai di 3-2.
Jaws 11, Curacao Super Stars 0
Jaws a dal 13 hit i hunga sin eror. Anthony Pieter tabata ganadó. Remick Bernadina, Marlon Römer, Victor Caldera, Elvin Regina, Bramford Hasham, Fitzgerald Pieter i Elston Simmons, tur a bai di 1-1. Fransje Lambertina a bai di 2-1, Rudsel Schmidt di 3-2 i Desmond Brathwaith di 3-3. Remick Bernadina a dal homerun pa Jaws. Pa Curacao Super Stars 1 hit ku 4 eror. Jin Kuang Li a resultá pèrdèdó. Urvin Rijnschot a bai di 1-1.
Lions 6, Nos Power 0
Lions tabatin 7 hit ku 1 eror. Gregory Martijn a gana. Marlon Louisa, Gensley Balborda ku Ernesto Priest, tur a bai di 2-1. Lyndon Lourens a bai di 3-2. Nos Power a bati 4 hit i hasi 1 eror. Nelson Candelaria a pèrdè. Hercules Janga a bai di 1-1. Raymond Zoerka, Richard Campagnard i Isaac Francees, tur tres a bai di 2-1.
Baranka ta kibra invikto di Gamers den Liga 40
WILLEMSTAD – Baranka, super kampion di Liga 40 a dal Gamers ku skor di 8-7 djaweps siman pasá na Van Engelen Ballpark. Ku e viktoria aki invikto di Gamers ta kai, pero nan ta keda na promé lugá ku rèkòrt di 5-1. Baranka ta na di dos lugá ku rèkòrt di 4 ganá i 2 pèrdí empatá ku Swift. Pa loke ta e otro dos weganan, Swift a dal Jaws fásil 13-6 i Cicoza a nòkout Twisters 17-7. Standing ta Gamers 5-1, Baranka 4-2, Swift 4-2, Cicoza 3-3, Twister 2-4 i Jaws 0-6. Djaweps 26 di sèptèmber tin 3 wega, 7.30 Twister vs Baranka, 9’or Gamers vs Swift i 9.30 pm Cicoza vs Jaws.
RESULTADONAN
Swift 13, Jaws 6
Swift tabatin 17 hit i nan a hunga sin eror. Julio Del Rosario a gana i F. Muñoz a bai di 1-1. Stanley Girigorie ku Rixon Peña, tur dos a bai di 2-1. Ian Ignacio a bai di 3-2, Julio Del Rosario di 3-3. Carlos Gil ku Wilkin Lockhart, ámbos di 4-3. Stanley Girigori, Julio Del Rosario ku Carlos Gil, tur a konektá 1 homerun. Jaws a dal 12 hit i hasi 2 eror. Dudley Penso a pèrdè. Gurtney Adriana, Roderick Martina ku Earny Sterling, tur di 1-1. Dudley Felicia ku Fhurgion Booy, ámbos di 3-2 i Emrit ‘Oso’ Volk a bai di 3-3 inkluyendo 1 homerun.
Cicoza 17, Twister 7
Cicoza a dal 17 hit i nan a kometé 4 eror. Jeremy Obispa tabata picher ganadó. Julius Veeris, Senny Petronella ku Giancarlo Martina, tur a bai di 3-2. Dave Janga ku Andley Simmons di 3-3 i Rodney Riley di 4-3. Senny Petronella, Dave Janga, Andley Simmons ku Rodney Riley, tur a konektá 1 homerun. Pa Twister 6 hit ku 2 eror. Siegfried Gijsbertha a resultá pèrdèdó. Gilbert Emperador, Humphrey Antonia ku Reinaldo Elcock, tur a bai di 2-1 i Gino Costino a bai di 2-2.
Baranka 8, Gamers 7
Baranka a konektá 15 hit i kometé 2 eror. Railison Gijsbertha a bai ku e viktoria. Dave Kirindongo a bai di 2-1, Jair Josepha ku Eldred Estanista, ámbos di 4-2, Charlie Merite di 3-3. Wilfred Reinita ku Dwight Alexander, ámbos di 4-3. Jair Josepha a konektá 1 homerun. Pa Gamers 8 hit ku 2 eror. Fernando Rosario Moreno a karga ku e derota. Ryan Samuel, Elys Gonzalez ku Jarl Henriquez, tur di 2-1. Christiaan Sint Jago di 3-1 i Aris Romero a bai di 3-1 i Kevin Boekhoudt di 3-2. Christaan Sint Jago, Aris Romero Santos ku Kevin Boekhoudt, tur a konektá 1 homerun.
MAS INFORMASHON DI BEISBÒL I S0FTBÒL
Fanátikonan di Deporte Kòrsou bonochi. Djasabra anochi tin wega number 4 di e final di Beisbòl Dòbel A entre Santa Maria Pirates i Royal Scorpions. Santa Maria ta dilanti 3-0 den e seri i ta rumbo pa swip. Nos tin numeritonan di wega number 1 i 3 ku a keda di skor riba e plataforma di WBSC i e wega number 2 riba Game Changer. Santa Maria ku no tabata faborito na komienso di e seri ta faborito grandi pa bira kampion despues ku nan tabata kampion for di 2018.
* * * * *
Nos ta bai un ratu pa Beisbòl Veterano di Aruba, kaminda ekipo Leftovers lo hunga kontra di Spuiters den final djasabra awor. Leftovers ta ekipo di nos amigu Joseph Everon ku semper for di komienso di Beisbòl Veterano (Baseball Classico) di Aruba tabata e ekipo to beat. Den 10 kampionato ekipo Leftovers a bai final na 9 okashon, sali kampion na 4 okashon, 4 sup kampion i 1 di tres lugá. Leftovers a hunga den Torneo di Reino tambe na vários okashon i a yega di partisipá den un torneo Mundial na USA. Pa loke ta trata e resultadonan di wikènt pasá (semi-final) ekipo Leftovers a gana di CMB Indians ku skor di 12-7.
* * * * *
Christiaan de La Cruz tabata e picher ganadó. Virgil Lispier a bati di 3-3, Vincent Cham di 3-2 i Melanio Albertus tambe di 3-2. Rignaldo Emer di 1-1 i Edward Vioty di 2-1. Leftovers a dal 14 hit i kometé 2 eror. Ekipo CMB Indians a dal 7 hit i hasi 1 eror. Kendrick Croes tabata e picher pèrdèdó. Gregory Milano di 1-1, Williams Benitez di 4-2, Giovanni Maduro di 2-1, Theric Ruiz di 3-1 i Kelbis Garcia tambe di 3-1. Pa loke ta e wega entre Spuiters i Old Timers. Spuiters a gana Old Timers 12-6. Rudolph Angela, un dje grandinan, tabata e picher ganadó. Richard Simon di 4-4, Jason Albus di 2-2, Edward Cannister i Angelo Arnold di 1-1. Old Timers tabatin 6 hit i nan a hasi 4 eror. Rodymar Geerman tabata e picher pèrdèdó i Anthony Thompson a bati di 2-1, Anthony Geerman di 3-1, Rodymar Geerman di 3-1 i Xavier Arends di 4-2.
* * * * *
Final ta djasabra awor i na Aruba ta hunga un wega so pa wikènt i pa e sigiente siman djasabra lo tin wega. Na Aruba hungadónan ku ta hunga Dòbel A tambe por partisipá, basta nan manda un karta. Vários tim na Aruba ke pa hunga manera Kòrsou, entre otro den play-off dos wega pa wikènt i tambe stòp di laga hungadónan di Dòbel A partisipá, pero ya.. Na Kòrsou tin wega di buelta regular di Beisbòl Veterano 40+ te ku 27 di òktober. Ku otro palabra play-off di Beisbòl Veterano 40+ ta start den luna di novèmber. Liga 50 tambe ta programá pa terminá fin di òktober ku kampionato regular.
* * * * *
Awe nos tin resultadonan di Liga 60 i di Liga 40. Den Liga 60 Mon Repos Sluggers a sorprendé Pitufos ganando ku skor di 8-6. Mon Repos Sluggers a gana di e 3 grandinan e aña aki, Nos Tambe Por, Jaws i Pitufos. Junny Marselia i John Klooster a kombiná pa Sluggers gana e wega. Lions a gana Nos Power fásil 6 pa 0 ku tremendo picheo atrobe di Gregory Martijn. Raymond Soerka a debutá den Liga 60 ku ekipo Nos Power djadumingu último. Den e delaster wega di djadumingu Jaws a dal Curacao Super Stars 11-0. Remick Bernadina a dal homerun pa Jaws. Nos Tambe Power, Los Amigos, Lions i Sluggers ta rumbo pa Boneiru di 3 pa 5 di òktober pa partisipá den e Torneo ABC&S di 60+. Pa loke ta trata Liga 40 djaweps siman pasá, Swift a dal Jaws 13 pa 6, Cicoza a dal Twister duru ku skor di 17-7 i Baranka a kibra invikto di Gamers ganando 8 pa 7. Nos ta keda te aki pa awe. Te mayan ku Poder di Dios.
