Santa Maria Pirates ku tremendo picheo di Johnaikel Acosta ta gana Santa Rosa Indians 4 pa 1
WILLEMSTAD- Santa Maria ku tremendo picheo di e Rubiano Jonaikel Acosta a gana Santa Rosa ku skor di 4 pa 1 den e promé wega di deskite entre 3 ekipo. Johnaikel Acosta despues ku a ela kaba di hunga den College na USA na 2022 a move pa Hulanda i hunga den Quick Amersfoort na Hulanda. Johnaikel a tira 7 inning kompletu, tira 102 lansamentu tuma solamente 4 hit i un kareda. E picher derecho Arubiano a poncha 6 batiadó i duna solamente un base por bola. Juremi Profar a bati di 4-3 i empuhá un kareda pa Santa Maria. Djasabra anochi tin wega number 2 di e seri di deskite entre Santa Maria mes atrobe kontra Royal Scorpions. Djadumingu tin wega number 3 di e seri entre Royal Scorpions i Santa Rosa.
NUMERITONAN
Santa Maria a nota 4 kareda, dal 9 hit i hunga sin eror. Johnaikel Acosta a gana i Juremi Profar a bati di 4-3 i Levi Carolus jr di 3-2.
Santa Rosa a skor na 1 okashon, bati 4 hit i hunga sin eror. Siamani Boekhoudt tabata e picher pèrdèdó. Rowentley Windster a tira 2 ining sin tuma kareda. Aldair Daal a bati di 3-2.
