Santa Maria Pirates ta gana Tigres di Chinandega (Nicaragua) 19 pa 11 i klasifiká pa semi-final
Mexico City – Santa Maria Pirates ku bon bateo a gana di Tigres di Chinandega ku skor di 19-11 i klasifiká pa semi-final di e Baseball Champions League Americas. E wega a tuma lugá djabièrnè, 11 di aprel atardi den Estadio Alfredo Harp Helú na Meksiko City. Santa Maria Pirates tabatin un ofensiva bárbaro di 22 hit.
Santa Maria lo hunga semi-final djasabra pa 7.30 pm kontra e ekipo di kas Diablos Rojos di Meksiko. Ganadó di e partido aki lo pasa pa final djadumingu 4’or kontra e ganadó di e otro semi-final. Jiandido Tromp i Kevin Moesquit a bati di 6-4, Andrelton Simmons di 6-3, Juremi Profar di 3-3 ku 4 RBI, Johannes Gregorius Jr di 5-3 ku 4 RBI. Juremi Profar i Jonathan Martijn a konektá un homerun.
Picher ganadó pa Kòrsou tabata e picher habridó Alvaro Sejias, ku a tira 5 inning kompletu pa Santa Maria. Despues a sigi e pichernan Jasper Popken, Zairich Daal, Sedley Karel, Djenior Mogen i Edgar Garcia Melendez pa Kòrsou.
Santa Maria tabatin 19 kareda, 22 hit i 1 eror. Tigres de Chinandega (Nicaragua) a nota 11 kareda, nan a dal 12 hit i hasi 2 eror. E habridó Dilmer Mejia tabata e picher pèrdèdo. Emanuel Trujillo a bati di 3-2. Jesus Lopez a dal un homerun.
