Santa Rosa Memories a sera aña i parti premio

WILLEMSTAD- Djasabra 18 di desèmber ekipo Santa Rosa Memories a sera aña 2021 den bon ambiente na Schelpwijk i alabes premia algún hungadó. Gai Lihe Barbolina, un dje spònsernan di Santa Rosa Memories tabata un dje motornan tras di e evento.  Farley Girigorie, DH primera base di e ekipo, a risibí premio komo Hungadó Mas Disipliná di 2021.  Randy Lo A Tjong a risibí e premio estímulo.

‍
Farley Girigorie a risibٌí premio komo Hungadó Mas Disipliná di 2021 for di man di spònser Gai Lihe Barbolina.
Randy Lo A Tjong a risibí e premio ‘estimulo’.
Gai Lihe den kushina i e mes a sirbi e hungadónan.
Hungadónan a saboriá un sokulento sena di Pasku

‍


‍
Resumen 2021
Un Kara kampion Liga di Nos Tur

WILLEMSTAD - Un Kara a bira kampion di Liga di Nos Tur pa di 3 aña sigí. Tabata djabièrnè 29 òktober ku Un Kara a gana wega number 2 di ekipo Chilling pa bira kampion di Liga di Nos Tur 2021. E wega final a terminá ku skor di 17 pa 4. Isonette Polonius tabata den gran forma konektando di homerun den e wega number 2 di final. Despues di wega tabatin entrega di premio.

Ekipo Un Kara ta risibí kopa for di man di Aty Palm na ken e kampionato ta dediká.

‍

Kampion: Un Kara;
Supkampion: Chilling;
Di tres lugá: Sin Stress.

Ekipo Chilling ta tuma kopa for di sr. Palm, gran fanátiko di Liga di Nos Tur.
Isonette Polonius ku su kopanan di MVP i lider di homerun.

‍