Selekshon di Kòrsou klá pa sigi den e 8-nan di Concacaf rumbo pa Qatar 2022
WILLEMSTAD - Selekshon di Futbòl di Kòrsou lo hunga djasabra 12 di yüni kontra Panama na Panama i djamars 15 di yüni kontra Panama atrobe na Kòrsou. Kòrsou mester gana di Panama pa sigi den e último 8-nan ku ta den lucha pa 3 puesto di klasifikashon pa Mundial na Qatar 2022. Tin un lugá mas ku ta un wild card kaminda lo hunga un play-off intercontinental, entre vários pais na Mundu ku nèt no a logra klasifikashon.
A kambia e sistema di klasifikashon debí ku kasi 85 porshento di paisnan tabata kai afo for di dos aña promé ku e torneo grandi, esta Kopa Mundial. Na yüli 2019 a aseptá e sistema i federashon Concacaf a anunsiá ku ta hunga den dos parti (den pul), promé ku sigi pa e sistema di nòkout. Debí na e pandemia COVID-19 a kambia e sistema. Esaki debí ku algun fecha a kai afó debí na COVID-19 i e FIFA ranking no tabata kompletu. Na yüli 2020 a anunsiá e sigiente formato.
Den e promé rònt ta hunga paisnan ku ta na di 6 te ku 35 di Concacaf. E promé 6 paisnan (entre puesto 6-35 Concacaf) tabata na kabes di nan pul i no a hunga kontra otro. E 6-nan aki ta El Salvador, Canada, Kòrsou, Panama, Haiti i Trinidad & Tobago. Nan a wòrdu pone den gruponan A te ku F. Den kada pul tabatin 5 pais i tur pais a hunga un biaha kontra otro.
Di dos rònt
Loke ta bai tuma luga awe i djamars. E paisnan ku a sali number 1 di nan grupo ta bai topa otro. For di tempran tabata A (El Salvador) vs F (Sint Kitts & Nevis) B (Canada) vs E (Haiti) C (Kòrsou) vs D (Panama). Aki lo hunga un wega na kas i un wega afó i e ganadónan ta bai e rònt final. Na yüli 2020 ora a saka e skèdjel Mèksiko tabata number (11) di mundu, USA (22), Costa Rica (46), Jamaica (48), Honduras (62).
